ملف الحلويات الشامل أشهى وصفات الحلويات بالصور وطريقة التحضير خطوة بخطوة

رز بالبسلة والجزر 

المقادير
2 كوب رز مصري
1 كوب بسلة مسلوقة نص سلق
1 جزرة كبيرة مبشورة
1 معلقة كبيرة سمنة أو زبدة
1 معلقة صغيرة ملح
¼ معلقة صغيرة فلفل أبيض
¼ معلقة صغيرة كمون
2 و¼ كوب مياه سخنة
طريقة التحضير
اغسلي الرز كويس وانقعيه 10 دقايق وصفيه.
في حلة شوحي الجزر المبشور مع السمنة على نار هادية خالص لمدة دقيقة.
ضيفي البسلة وقلبيهم مع بعض دقيقتين.
ضيفي الرز وقلبي كويس لحد ما كل المكونات تتغلف بالسمنة.
ضيفي الملح الفلفل الأبيض والكمون وبعدين المياه السخنة.
غطي الحلة وسيبي الرز يغلي على نار عالية شوية.
أول ما المياه تقل وطفي النار ووطيها خالص وسيبيه يكمل سواه على البخار من غير تقليب لمدة 15 دقيقة.
بالهنا والشفا 
المقادير
4 صفار بيض
2 كوب كريمة
½ كوب سكر
1 معلقة صغيرة ڤانيليا سائلة أو بودرة
2 معلقة كبيرة سكر للتوشيح على الوش
طريقة التحضير
سخني الكريمة على نار هادية من غير ما تغلي وخليها تبقى دافية بس.
في بولة اضربي صفار البيض مع ½ كوب السكر والڤانيليا لحد ما القوام يبقى ناعم وفاتح.
صبي الكريمة الدافية على خليط البيض تدريجيا مع التقليب المستمر.
صفي الخليط بمصفاة ووزعيه في طواجن صغيرة.
دخلي الطواجن في صينية فيها مياه سخنة حمام مائي وادخليها فرن سخن على حرارة 150 لمدة 30 ل 40 دقيقة لحد ما يتمسك من الأطراف ولسه طري من النص.
سيبيه يبرد تماما وبعدين دخليه التلاجة 4 ساعات على الأقل.
وقت التقديم رشي 2 معلقة كبيرة سكر على الوش وشيليه بالبلوريزر أو تحت شواية الفرن

على نار عالية جدا لحد ما يبقى لونه دهبي ومكرمل.
بالهنا والشفا 
فيتوتشيني بصوص كريمي والجمبري 

المقادير
250 جرام مكرونة فيتوتشيني
300 جرام جمبري مقشر
1 معلقة كبيرة زبدة
1 معلقة كبيرة زيت
2 فص توم مفروم
1 كوب كريمة طبخ
¼ كوب جبنة بارميزان مبشورة
رشة ملح
رشة فلفل أسود
رشة بابريكا اختياري للجمبري
طريقة التحضير
اسلقي المكرونة في مياه وملح لحد ما تستوي ¾ تسوية وصفيها.
في طاسة على النار سخني الزبدة مع الزيت وشوحي الجمبري مع التوم والبابريكا والملح والفلفل لمدة 3 دقايق لحد ما ياخد لون.
شيلي الجمبري على جنب وفي نفس الطاسة ضيفي الكريمة وسيبيها تسخن بعدين ضيفي الجبنة وقلبي لحد ما تدوب.
ضيفي المكرونة المسلوقة وقلبيها كويس في الصوص.
رجعي الجمبري فوق المكرونة وسيبيه على النار دقيقة بس ياخد طعم الصوص.
قدميها على طول وهي سخنة.
بالهنا والشفا 
بريوش طري وهش

المقادير
3 كوب دقيق
¾ كوب حليب دافي
2 بيضة
¼ كوب سكر
2 معلقة صغيرة خميرة فورية
¼ معلقة صغيرة ملح
1 معلقة صغيرة ڤانيليا
75 جرام زبدة طرية حوالي 5 معالق كبار مليانين
طريقة التحضير
في بولة اخلطي الحليب الدافي مع الخميرة والسكر وسيبيهم 10 دقايق لحد ما الخميرة تتفاعل.
ضيفي البيض الڤانيليا والملح وقلبي كويس.
ضيفي الدقيق بالتدريج وابدئي تعجني ولما العجينة تلم ضيفي الزبدة الطرية واحدة واحدة مع العجن المستمر.
اعجني حوالي 10 دقايق لحد ما العجينة تبقى ناعمة وطريه وبتلم نفسها.
غطيها وسيبيها تخمر من ساعة ونص ل ساعتين.

قطعيها كور أو شكل زي اللي في الصورة ورصيها في صينية مدهونة أو فيها ورق زبدة وسيبيها تخمر تاني 45 دقيقة.
ادهني الوش بخليط صفار بيضة معلقة حليب رشة فانيليا او نسكافيه ودخليها فرن سخن على 180 لمدة 20 ل 25 دقيقة لحد ما تبقى دهبي من فوق.
أول ما تطلع ادهني الوش زبدة سايحة عشان تلمع وتفضل طريه.
بالهنا والشفا
الدوناتس 

المقادير
5 كوب دقيق
2 بيضة بدرجة حرارة الغرفة
12 كوب زبدة طرية
1 و كوب حليب دافي
1 معلقة كبيرة خميرة
1 معلقة صغيرة بيكنج بودر
1 معلقة صغيرة فانيليا
2 معلقة كبيرة سكر
رشة ملح
طريقة التحضير
في بولة كبيرة اخلطي كل المكونات وابدئي العجن من 10 ل دقيقة لحد ما العجينة تبقى ناعمة وما بتلزقش.
غطي العجينة بكيس نايلون وسيبيها تخمر لمدة 1 ساعة بالظبط.
افردي العجينة على سطح مرشوش دقيق وقطعيها بقطاعة دوناتس أو بكوب مدور حسب الشكل اللي تحبيه.
لو هتعملي دوناتس عادية استخدمي قطاعة فيها فتحة في النص.
لو هتعملي دوناتس محشية استخدمي قطاعة مدورة من غير فتحة في النص وسيبيها ترتاح زي ما هي.
سيبي العجينة ترتاح بعد التقطيع نص ساعة.
اقليها في زيت سخن بدرجة حرارة متوسطة كل وش بياخد أقل من دقيقة أو دخليها الفرن في صينية مدهونة شوية زيت وقلبيها لحد ما تاخد لون دهبي.
صفيها على مناديل مطبخ وسيبيها تبرد.
طريقة الحشو
بعد ما الدوناتس تبرد استخدمي قمع حشو أو كيس حلواني برأس حشو رفيع وامليها من الجنب بأي حشوة تحبيها زي شوكولاتة سبريد كاسترد كراميل أو مربى.
زيني الوش بسكر بودرة أو غمسيها

في شوكولاتة سايحة أو آيسينج.
نصايح مهمة
اتأكدي إن الخميرة والبيكنج بودر شغالين وصلاحيتهم سارية.
لازم العجن يستمر من 10 ل دقيقة علشان العجينة تنعم وتخمر كويس.
لما تفردي العجينة خليك حريصة ما تزوديش دقيق على الرخامة علشان ما تنشفش.
لازم تكون العجينة سميكة شوية بعد الفرد علشان تطلع منفوخة وهشة.
سيبيها ترتاح نص ساعة بعد التقطيع علشان تطلع خفيفة.
الزيت ما يكونش سخن أوي لازم درجة حرارته تبقى متوسطة.
لو طلع معاكي خط أبيض في نص الدوناتس بعد القلي اعرفي إن الوصفة نجحت.
بالهنا والشفا
الخبز البيتي الطري 

المقادير
4 كوب دقيق منخول
2 معلقة كبيرة سكر
1 معلقة صغيرة بيكنج بودر
1 معلقة كبيرة خميرة فورية كيس خميرة
14 معلقة صغيرة ملح
2 معلقة كبيرة خل أبيض
1 معلقة كبيرة زيت
1 وربع كوب حليب رايب أو مية دافية حسب المتوفر
طريقة التحضير
في بولة صغيرة اخلطي الخميرة مع معلقة من السكر و معلقة مية دافية وسيبيهم على جنب لحد ما يرغوا.
في بولة كبيرة اخلطي الدقيق مع البيكنج بودر باقي السكر والملح.
ضيفي خليط الخميرة بعد ما يرتفع وقلبيهم مع الدقيق.
ضيفي الخل وابدئي تضيفي الحليب الرايب أو المية شوية بشوية وابدئي تعجني.
بعد شوية عجن ضيفي الزيت وكملي عجن لحد ما العجينة تلم وتبقى طرية وناعمة.
غطي العجينة وسيبيها تخمر حوالي 1 ساعة في مكان دافي.
بعد ما تخمر قطعيها كور قد البرتقالة الصغيرة وسيبيها ترتاح 10 دقايق.
افردي كل كورة بالنشابة على سطح مرشوش دقيق خفيف.
سخني صينية غير لاصقة على نار هادية

وادهنيها نقطة زيت وحطي فيها العيش.
قلبي العيش كل 20 ثانية لحد ما ينفش وياخد لون من الجنبين.
لو ما نفخش عادي بيطلع طري وطعمه حلو برضو.
بالهنا والشفا