دليل شامل لجميع أنواع الكيك: أكثر من 20 نوع كيكة بالوصفات والأسرار

الأربعاء 01/أبريل/2026 - 07:20 ص

الكيك من أشهر وألذ الحلويات اللي بيعشقها الكبار والصغار، وبيتميز بتنوعه الكبير اللي يناسب كل الأذواق والمناسبات. من الكيك الكلاسيكي البسيط زي الكيكة الإسفنجية، لحد الكيك الفاخر زي التشيز كيك والريد فيلفيت، كل نوع ليه طعمه وقوامه المختلف.
في المقال ده هنعرفك على أشهر أنواع الكيك حول العالم، مكوناتها الأساسية، وأهم النصائح لنجاح كل وصفة في البيت بسهولة، سواء كنت مبتدئ أو محترف في المطبخ.

الماربل كيك

المقادير:
3 بيضات
كوب سكر
كوب الا ربع زيت او زبدة
كوب حليب
معلقة صغيرة فانيليا سايله او 2 كيس فانيليا بودر
2 كوب دقيق منخول
رشه ملح
2 معلقه صغيره بيكنج بودر
2 معلقه كبيره كاكاو خام منخول
طريقة التحضير

- نخلط البيض والسكر والزيت والحليب والفانيليا ونضربهم كويس في الخلاط او بالمضرب الكهربائي.

- نضيف الدقيق والبيكنج بودر والملح، ونخلطهم كويس لحد ما الخليط يتجانس.

- نقسم الخليط جزئين، وبعدين نضيف لجزء منهم الكاكاو ومعلقة حليب ونضربهم كويس لحد.

- ندهن صينية مقاس 26 زيت بسيط ونعفرها بالدقيق او نفرد فيها ورقة زبدة،

- نصب ثلاث أرباع الخليط الابيض في الصينية وبعدين نصب فوقه خليط الكاكاو بشكل عشوائي وندخل الخليطين في بعض باستخدام معلقة او سكينة، أو نصب في نص الصينية قليل من الخليط الابيض وفوقه قليل من الخليط البني، ونكرر العملية لحد ما نخلص الكمية كلها.

- ندخلها فرن متسخن مسبقاً على درجة حرارة 180 ويكون شغال من تحت بس ولما تستوي نشغله من فوق لحد ما تاخد لون ذهبي جميل.

- ملحوظة: بلاش نفتح الفرن عليها خالص قبل نص ساعه او ساعه الا ربع وبعدين نختبرها بخلة اسنان من النص لو استوت هنقفل الفرن ونفتح الباب نص فتحه ونسيبها جوه 10 دقايق والفرن مطفي منخرجهاش على طول يعني ولما تخرج هنسيبها تهدا شويه وبعدين نقلبها ولما تبرد خالص نقطعها

بان كيك

المقادير:
• 1 ونص كباية دقيق متعدد الاستخدامات
• 2 معلقة صغيرة سكر
• 2 معلقة صغيرة بيكينج بودر
• ربع معلقة صغيرة بيكينج صودا (كربوناتو)
• ربع معلقة صغيرة ملح
• معلقة صغيرة فانيليا
• 1 كباية حليب دافي
• 2 بيضة كبار
• ربع كباية زبدة مذابة

طريقة التحضير:
• في طبق كبير هننخل الدقيق مع البيكينج بودر والبيكينج صودا والسكر والملح والفانيليا.
• نضرب البيض لحد ما ينفش، وبعدين نضيف الحليب والزبدة المذابة ونخفقهم كويس، وبعدين نضيف خليط الدقيق ونخفق تاني لحد ما العجينة تبقى متماسكة ومش سايلة أوي.
• نسخن طاسة تيفال على نار متوسطة وندهنها بنقطتين زيت أو زبدة، وناخد شوية من العجينة بمغرفة صغيرة وننزل بيها في نص الطاسة.
• نوطي النار خالص، وأول ما اللون يبقى دهبي نقلبه على الوش التاني لحد ما يحمر.
• ملحوظة: لازم نمسح الطاسة بفوطة نظيفة وندهنها بنقطتين زيت أو زبدة بين كل واحدة والتانية.
• بعد ما نخلص الكمية كلها ممكن نقدمه مع النوتيلا أو العسل والفواكه.

بالهنا والشفا

براونيز فادج بالشوكولاتة

المقادير:
• كوب دقيق (120 جرام)
• نصف ملعقة صغيرة بيكنج بودر
• نصف ملعقة صغيرة ملح
• نصف كوب كاكاو بودر خام (43 جرام)
• ملعقتين صغيرتين قهوة إسبريسو سريعة الذوبان (اختياري)
• 170 جرام زبدة غير مملحة (صابع ونصف)
• كوب سكر (200 جرام)
• ملعقة كبيرة فانيليا سائلة (أو رشة فانيليا بودر مع ملعقة صغيرة خل)
• 2 بيضة + صفار بيضة
• ثلاثة أرباع كوب شوكولاتة مقطعة أو شوكليت شيبس

طريقة التحضير:
1. تحضير المكونات الجافة:
• في وعاء، انخلي الدقيق، البيكنج بودر، الملح، الكاكاو، ومسحوق الإسبريسو لو هتستخدميه.
2. إذابة الزبدة والسكر:
• في

حلة صغيرة، ضعي الزبدة ونصف كمية السكر، وسخنيهم على نار متوسطة مع التقليب لحد ما الزبدة تسيح تمامًا.
• ارفعيها من على النار واتركيها تبرد قليلًا.
3. خلط البيض والسكر:
• في وعاء تاني، اخفقي البيض، صفار البيضة، الفانيليا، والسكر المتبقي لمدة 30 ثانية.
• اسكبي خليط الزبدة الدافئ تدريجيًا مع الخفق المستمر لحد ما يبقى الخليط متجانس.
4. إضافة المكونات الجافة والشوكولاتة:
• أضيفي المكونات الجافة للخليط وقلبي بسباتولا لحد ما تختفي آثار الدقيق.
• ضيفي الشوكولاتة المقطعة أو الشوكليت شيبس وقلبي بخفة.
5. الخبز:
• سخني الفرن على 180 درجة مئوية.
• بطّني صينية مربعة أو مستطيلة بورق زبدة وادهنيها خفيف بالزيت.
• افردي الخليط في الصينية وساوي السطح.
• دخليها الفرن لمدة 30 دقيقة أو لحد ما الحواف تبقى متماسكة والسطح متشقق شوية.
6. التقديم:
• بعد ما تخرج من الفرن، سيبيها تبرد تمامًا قبل التقطيع علشان تحصلي على القوام الفادج المظبوط.

عملت تيراميسو سبونج كيك

المقادير
- 2 كوب دقيق
- 2 معلقه صغيره بيكينج بودر
- ⅛ معلقه صغيره بيكينج صودا
- ربع معلقه صغيره ملح
- 140 جرام زبده في درجة حرارة الغرفه
- كوب سكر
- 4 بيضات كبار
- معلقه ونص صغيره فانيليا سايله
- كوب الا ربع لبن
- 2 كوب إسبريسو سخن
- 4 ملاعق كبيره سكر بودره
- 225 جرام جبنه مسكربون
- نص كوب سكر بودره
- معلقه ونص صغيره فانيليا سايله
- كوب كريمه
- كاكاو للتزيين

الخطوات
- نسخن الفرن على 350 درجه
- ننخل الدقيق مع البيكينج بودر والبيكينج صودا والملح ونركنهم على جنب.
- نخلط الزبده واللبن مع بعض على نار هاديه لحد ما الزبده تدوب، بس مش هنخليه يغلي.
- هنخفق البيض على اعلى سرعه لمدة دقيقه ونضيف السكر بالتدريج ونستمر في الخفق لحد ما يتضاعف حجمه ٣ مرات، حوالي 5 دقايق تقريبا وبعدين نضيف الفانيليا ونخلي السرعه متوسطه، نضيف خليط اللبن الدافي في خليط البيض

ونخفق على اقل سرعه وبعدين نضيف خليط الدقيق بالتدريج ونستمر في الخفق لحد ماننزل بالخليط كله.
- نقسم الخليط في قالبين مدهونين بزبده مع رشة دقيق ونخبزه لمدة 28 - 30 دقيقه.
- بعد ما نتأكد من سوا الكيك نوارب باب الفرن ونسيبهم جوا الفرن وهو مطفي 10 دقايق وبعدين نخرج قوالب الكيك ونسيبها تبرد ربع ساعه ونفك الجوانب بسكينه براحه خالص ونخرجهم من القالب ونبدأ في تقسيم كل كيك لطبقتين من المنتصف وبعدين نسيبهم على جنب ونعمل السيرب بـ 2 كوب اسبريسو سخن مع 4 معلقه كبيره سكر بودره وبعدين نركنه.
- نجيب طبق غويط كبير ونخلط جبنة المسكربون والسكر والفانيليا لحد ما الخليط يبقا ناعم جداً.
- نخفق الكريمه لحد ما حجمها يتضاعف وتتقل معانا، وبعدين نضيفها لخليط المسكربون ونقلب بمعلقه خشب.
- نسقي طبقات الكيك بسيرب الاسبريسو ونفرد كميه بسيطه من الحشو بين الطبقات ونجمع الطبقات على بعض.
- نسقي الوش بالسيرب ونفرد باقي كمية الحشو على الوش والجوانب.
- نرش الكاكاو على الكيك.
- لازم نسيب الكيك في التلاجه 6 ساعات قبل التقديم.

كوكيز براوني محشي بالشوكولاتة

المكونات:

للبراوني:
• كوب دقيق
• نصف كوب كاكاو خام
• نصف ملعقة صغيرة بيكنج بودر
• رشة ملح
• نصف كوب زبدة مذابة
• كوب سكر
• 2 بيضة
• ملعقة صغيرة فانيليا

للكوكيز:
• كوب ونصف دقيق
• نصف كوب زبدة طرية
• نصف كوب سكر بني
• ربع كوب سكر أبيض
• بيضة
• ملعقة صغيرة فانيليا
• نصف ملعقة صغيرة بيكنج صودا
• رشة ملح
• نصف كوب حبيبات شوكولاتة

للحشوة:
• شوكولاتة قابلة للدهن (أي نوع تفضليه)

طريقة التحضير:

تحضير البراوني:
1. في وعاء، اخلطي الدقيق، الكاكاو، البيكنج بودر، والملح.
2. في وعاء تاني، اخفقي الزبدة المذابة مع السكر، وبعدها أضيفي البيض والفانيليا واخلطي كويس.
3. ضيفي المكونات الجافة تدريجيًا واخلطي لحد ما تبقى العجينة متماسكة.
4. افردي الخليط في نصف قالب الكيك

بالتساوي.

تحضير الكوكيز:
1. اخفقي الزبدة مع السكر البني والسكر الأبيض لحد ما يبقى الخليط كريمي.
2. أضيفي البيضة والفانيليا واخلطي كويس.
3. ضيفي الدقيق، البيكنج صودا، والملح واخلطي لحد ما تتشكل عجينة الكوكيز.
4. ضيفي حبيبات الشوكولاتة وقلبي بلطف.

التجميع:
1. وزعي طبقة سخية من الشوكولاتة القابلة للدهن فوق البراوني.
2. افردي عجينة الكوكيز فوقها بحيث تغطي كل السطح.
3. دخليها فرن سخن على 180 درجة لمدة 30-35 دقيقة أو لحد ما الأطراف تتحمر شوية.
4. اتركيها تبرد شوية قبل التقديم علشان الحشوة تفضل سايحة ولذيذة

كيك الاسبونج الهش والطري