أشهى وصفات رمضان 2026 كل الأكلات الرمضانية المميزة في ملف واحد

                                             سلطة التفاح والتوت البري والجزر المنعشة

طعم خفيف يفتح النفس وسهل التحضير 

السلطة دي شكلها حلو وطعمها أحلى 

مزيج من تفاح مقرمش، وتوت بري حلو، وجزر فريش، مع صوص خفيف ومنعش يخليها مناسبة لأي وقت.

تنفع جنب الأكل، في العزايم، أو حتى كوجبة خفيفة وصحية.

ليه هتحبي السلطة دي؟

بتتعمل في 15 دقيقة بس

مفيهاش تسوية ولا فرن

خفيفة وصحية ومشبعة

تنفع تتعمل قبلها بشوية وتفضل حلوة

المكونات

مكونات السلطة:

2 كوب جزر مبشور

تفاحة كبيرة (أخضر أو أحمر حسب الموجود) متقطعة مكعبات

نص كوب توت بري مجفف

ربع كوب عين جمل أو سوداني مجروش (اختياري)

شوية بقدونس أو كزبرة خضرا مفرومة (اختياري)

مكونات الصوص:

3 معالق كبار زيت

2 معلقة كبيرة خل تفاح

معلقة كبيرة عصير ليمون

معلقة صغيرة عسل (اختياري)

ملح وفلفل حسب الذوق

طريقة التحضير

في بولة كبيرة نحط الجزر المبشور والتفاح والتوت البري، ونضيف المكسرات والخضرة لو مستخدمينها.

في بولة صغيرة نخلط الزيت مع الخل والليمون والعسل، ونحط ملح وفلفل.

نصب الصوص على السلطة ونقلب بهدوء لحد ما كل المكونات تتغلف.

نحط السلطة في التلاجة نص ساعة على الأقل عشان الطعم يبقى أحلى.

تتقدم ساقعة وبالهنا والشفا 

نصايح مهمة:

أول ما تقطعي التفاح رشي عليه شوية ليمون عشان ميسودش

لو الصوص حامض زيادة زودي نقطة عسل

الجزر الطازة المبشور في البيت أحسن بكتير من الجاهز

أفكار للتغيير:

من

ممكن تزودي حمص مسلوق عشان تبقى مشبعة أكتر

لو عايزة طعم مختلف حطي رشة بشر برتقال

الحفظ:

تتخزن في علبة مقفولة في التلاجة لحد 3 أيام

يفضل تقليبها قبل التقديم

الخلاصة

سلطة سهلة، طعمها منعش، ومناسبة لأي سفرة 

جربيها وهتعجبك جدًا

                                                       طريقة عمل الشكشوكة المصرية

الشكشوكة طبق شعبي على الفطار في مصر، وبتتميز بطعمها الرائع ومزيجها من المكونات اللي صعب تلاقيه بنفس الطريقة في أي بلد تاني.

المكونات:

بصلة متوسطة، مقطعة صغير

4 بيضات

2 حبة طماطم، مقطعة صغير

4 فصوص ثوم، مهروس

ملح وفلفل أسود حسب الرغبة

رشة كزبرة خضرا

زيت

فلفل رومي حسب الرغبة

طريقة التحضير:

 

حطي الطماطم والبصل المقطع في وعاء.

في طاسة كبيرة، سخني الزيت وضيفي الثوم المهروس، قلبي شويه لحد ما يظهر ريحته. بعدين ضيفي البصل وقلبيه لحد ما يبقى لونه دهبي فاتح.

ضيفي الطماطم على البصل والثوم، وحطي الملح ورشة كزبرة. لو تحبي، ضيفي قطع الفلفل الرومي.

اكسرّي البيض على الخليط، وضيفي الفلفل الأسود، وقلّبي كويس لحد ما البيض يستوي.

قدمي الشكشوكة سخنة مع عيش بلدي، وهتبقى فطار ممتاز وشهي

                                                        مكعبات

وصفة سهلة وشهية، تكفي 5 أشخاص تقريبًا، وكل حصة حوالي 300 سعرة حرارية 

المكونات:

½ كيلو لحم مقطع مكعبات

½ كيلو بطاطس مقطعة مكعبات

¼ كيلو بصل مفروم ناعم

1 كوب (250 مل) ماء مغلي

3 ملاعق كبيرة زيت

½ ملعقة صغيرة بهارات مشكلة

ملح وفلفل أسود حسب الرغبة

اختياري: فلفل رومي أخضر أو أحمر، وصلصة طماطم حسب الرغبة

طريقة التحضير:

حمّري البطاطس في زيت غزير لحد ما يبقى لونها دهبي، وبعدين ارفعيها على ورق مطبخ واتركيها على جنب.

في طاسة على نار متوسطة، سخّني الزيت، وضيفي اللحم وقلّبيه لحد ما ياخد لون بني.

ضيفي البصل والبهارات والفلفل الأسود وقلّبي 3–4 دقايق لحد ما البصل يذبل.

ضيفي الماء واتركيه يغلي، وبعدين غطي القدر وسيبي اللحم على نار هادية حوالي ساعة لحد ما يستوي. ضيفي شوية ماء لو السوائل جفت.

ضيفي البطاطس والملح، وسيبيها على نار هادية حوالي 20 دقيقة.

سخّني الفرن على درجة حرارة 180° مئوية، وحطي اللحم والبطاطس في صينية فرن لمدة 15 دقيقة.

لو حبيتي، حطي الصينية تحت الشواية 2–3 دقايق عشان يحمر الوش.

قدميها سخنة جنب الرز أو الخبز، واستمتعي بالطعم

                                            ألو تشانا – يخنة الحمص والبطاطس بطعم ما يتنسيش 

وصفة ألو تشانا (حمص وبطاطس بالكاري)

وقت التحضير: 10 دقائق

وقت الطهي: 20 دقيقة

الوقت الكلي: 30 دقيقة

تكفي: 4 أشخاص

المكونات:

2 ملعقة كبيرة زيت نباتي

1 ملعقة صغيرة كمون حب

عود قرفة

1 بصلة

1 ملعقة كبيرة معجون ثوم وزنجبيل

1 ملعقة صغيرة شطة

1 ملعقة كبيرة كزبرة ناشفة

نصف ملعقة صغيرة أمشور (مانجو ناشف)

1 ملعقة صغيرة جارام ماسالا

2 ملعقة كبيرة معجون طماطم

2 حبة طماطم متوسطة مفرومة

1 علبة حمص كبيرة (مغسولة ومصفّاة)

2 حبة بطاطس متوسطة، مقطعة مكعبات

ماء حسب الحاجة

ملح حسب الذوق

كزبرة خضراء مفرومة للتزيين

طريقة التحضير:

سخني الزيت في حلة تقيلة، وشوّحي الكمون وعود القرفة لحد ما يطلع ريحتهم.

أضيفي البصل وقلّبيه لحد ما يطرى.

أضيفي الثوم والزنجبيل، والتوابل، ومعجون الطماطم وقلّبي ثواني.

أضيفي الطماطم والملح واطهي لحد ما الطماطم تسيح ويطلع الزيت على الوش.

ضيفي الحمص والبطاطس وحوالي 2 كوب ماء، وسيبيها تغلي.

وطي النار وغطي الحلة وسيبيها من 10 لـ12 دقيقة لحد ما البطاطس تستوي.

لو حابة القوام أخف، زودي شوية ماء.

عدلي الملح حسب ذوقك، وزيني بالكزبرة الخضرا وقدميها سخنة.

وجبة بسيطة، دافية، ومليانة طعم وحب… من وصفة اتعملت بالصدفة وبقت ذكرى عمر

                                                             حلا أساور الست بالجوز

تحفة وطعمها يمي يمي 

المكونات:

علبة رقائق الهنا

سمنة بلدي

حليب سائل

جوز مطحون

جوز هند

فستق حلبي مطحون للتزيين

ربع معلقة صغيرة قرفة

قطر (شربات تقيل شوية)

الكمية:

حبتين لكل شخص

طريقة التحضير:

لكل أسوارة بنستخدم ورقة كاملة من

نكشكش الورقة وهي على العصاية، وبعد كده نسحبها بالراحة.

نرص الأساور في صينية فرن لحد ما نخلص الكمية كلها.

نرش عليهم حليب سائل، وبعدين ندهنهم سمنة بلدي كويس.

يدخلوا فرن سخن مسبقًا على درجة متوسطة لمدة نص ساعة.

لما يستووا من تحت، نشغل الشواية دقيقة يتحمروا خفيف من فوق.

نطلعهم من الفرن ونسقيهم بالقطر وهم سخنين.

نسيبهم شوية لحد ما يشربوا القطر كله.

نخلط الجوز المطحون + جوز الهند + القرفة + شوية قطر.

نحشي الأساور بالخليط.

نزين الوجه بالفستق الحلبي المطحون.

التقديم:

تتقدم وبالهنا والشفا 

تنفع في العزايم والمناسبات وطعمها فاخر جدًا