أشهى وصفات رمضان 2026 كل الأكلات الرمضانية المميزة في ملف واحد
أصابع الجلاش باللحمة المفرومة
المكونات:
نصف كيلو لحمة مفرومة
لفّتين جلاش
2 بصل مبشور
فلفل أخضر مقطع صغير
بهارات: فلفل أسود + ملح + ثوم بودر
نصف كوب سمنة
ربع كوب زيت
1 بيضة
طريقة التحضير:
تحضير الحشو:
في حلة عميقة، ضعي اللحمة المفرومة، أضيفي معلقة كبيرة سمنة بلدي، البصل المبشور، والبهارات (فلفل أسود، ثوم بودر، وملح).
طبخ الحشو:
قلّبي المكونات كويس على نار هادية لحد ما لون اللحمة يتغير. بعدين ضيفي الفلفل الأخضر وكوبي ميه، وغطي الحلة وسيبي اللحمة تستوي تمام.
تحضير الجلاش:
سخني السمنة كويس، وحضري صينية فرن. افردي ورق الجلاش على الصينية بعد ما تدهن بالسمنة. حطي كمية من الحشو على طرف الجلاش، ولفّيها رول كويس. كرري الخطوة مع باقي الجلاش والحشو.
تقطيع ورول الجلاش:
قطعي الرول لمكعبات متساوية، ورشي عليهم شوية سمنة وكوبي بيض مخفوق.
الخبز:
حطي الصينية في فرن سخن على 180 درجة مئوية لمدة 35 دقيقة لحد ما يبقى لون الجلاش دهبي.
التقديم:
سيبي الأصابع تبرد 10 دقايق، وقدميها مع صوص كاتشب أو مايونيز، أو جنب بطاطس محمرة ومخلل. ممكن كمان تقدميها مع صوص تومية، طحينة، وسلطة خضراء.
نصايح:
ممكن تقدميها كوجبة
لو تحبي الجلاش يكون مقرمش أكتر، ممكن تزودي السمنة على الوجه قبل الخبز
اكله اقتصاديه بدون لحمه او فراخ وغنيه بالبروتين
وصفة سهلة وسريعة جدًا، وكمان طريقة حلوة تضيف بروتين للماكرونة بتاعتك في الويك إند!
المكونات:
زيت زيتون، بصل وثوم
عدس (منقوع على الأقل 8 ساعات قبل الاستخدام)
صلصة طماطم
ورق لورا (ورق غار) وفلفل بابريكا مدخن (دي الطريقة اللي أنا عملتها، لكن ممكن تحطي أي بهارات عندك في البيت)
ملح وفلفل أسود حسب الرغبة
طريقة التحضير:
في طاسة على النار، حمي الزيت وقلّي البصل مقطع شرائح مع الثوم لحد ما يتحمروا.
ضيفي العدس النيء (مهم يكون نيء مش مسلوق) وسيبيه كام دقيقة على النار مع التحريك.
ضيفي ورق اللورا، البابريكا، الملح والفلفل، وقلّبيهم مع العدس.
بعد حوالي 3-4 دقايق، ضيفي صلصة الطماطم وكمان شوية مية حسب كمية العدس اللي تحبيها، وسيبيها تقل على نار هادية.
العدس هيستوي شوية في الصلصة، بس يفضل يفضل فيه شويه قوام مش يتهري.
وبكده تكوني خلصتي!
الوقت كله تقريبًا قد وقت ما تسلقي المكرونة، وبس كده هتقدمي وجبة ماكرونة بولونيز بالعدس لذيذة ومغذية
الجبنة دايمًا موجودة على سفرتنا اليومية، سواء في الفطار أو العشا، وكمان الأطفال بيحبوا الساندويشات اللي فيها جبنة.
جبنة الشيدر المقلية
المكونات:
200 جرام جبنة شيدر مقطعة أصابع كبيرة
كوب بقسماط مطحون
نص كوب زبادي
2 بيضة
رشة كمون
ملح حسب الرغبة
زيت للقلي
طريقة التحضير:
اخلطي الزبادي، البيض، الملح والكمون كويس.
غمسي أصابع الجبنة في الخليط، وبعدين في البقسماط من كل الجوانب.
حطيها في الفريزر 5 دقايق قبل القلي.
سخني الزيت وقلي الجبنة دقيقة على كل جهة لحد ما تبقى دهبية.
صفيها على ورق نشاف وقدميها على طول.
جبنة الحلّوم المقلية
المكونات:
300 جرام جبنة حلّوم محلاة
3 معالق كبيرة زبدة
طريقة التحضير:
قطعي جبنة الحلّوم مكعبات أو أصابع.
ذوّبي الزبدة في طاسة، وقلي الجبنة لحد ما تتحمر.
قدمّيها سخنة.
أصابع الموزاريلا المقلية
المكونات:
200 جرام موزاريلا
نص كوب بقسماط مطحون
بيضة
رشة ملح وفلفل أسود
زيت للقلي
طريقة التحضير:
قطعي الموزاريلا أصابع طويلة وكبيرة.
اخفقي البيض مع الملح، وحطي البقسماط مع الملح والفلفل في طبق تاني.
غمسي كل إصبع في البيض، بعدين في البقسماط، وكرري العملية
حطيها نص ساعة في التلاجة عشان تتماسك.
سخني الزيت وقلي الجبنة لحد ما تبقى دهبية، وبعدها صفيها على ورق نشاف وقدميها.
فطيرة الجبنة البيضاء
المكونات:
للعجينة:
5 كوب دقيق
ملعقة كبيرة خميرة
بيضة
ربع كوب زيت زيتون + زيت نباتي
ملعقة كبيرة سكر
رشة حبّة البركة
ملعقة صغيرة ملح
كوب ونص مية دافئة
للحشوة:
6 قطع جبنة مثلثات
كوب جبنة بيضا
طريقة التحضير:
انقعي الجبنة البيضا ليلة كاملة لتخفيف الملوحة.
اعجني مكونات العجينة مع بعض، وسيبيها ساعة لتتخمر ويتضاعف حجمها.
اخلطي الجبنة المفتتة مع قطع المثلثات.
ادهن الصينية بشوية زيت، وحطي نصف العجينة فيها، وبعدين وزعي الحشوة.
غطيها بالنصف التاني من العجينة، وغلقي الأطراف كويس.
ادخليها الفرن على 180° لحد ما تتحمر الجوانب.
سيبيها تهدي شوية وبعدين اقلبيها على طبق التقديم.
تتبيلة الفراخ المشوية
علشان الفراخ المشوية تبقى طعمها هايل وتدوب في الفم، لازم تتبيلها كويس قبل الشوي.
المكونات:
¼ كوب زيت زيتون
3 معالق كبيرة عصير ليمون فريش
3 معالق كبيرة صويا صوص منخفضة الملح
2 معالق كبيرة خل تفاح
2 معالق كبيرة عسل
3 فصوص
1 ملعقة صغيرة ملح
1 ملعقة صغيرة فلفل أسود
ملعقة كبيرة بقدونس طازة للتزيين
طريقة التحضير:
في طبق كبير، حطي عصير الليمون والزيت والصويا صوص والخل والعسل والثوم والملح والفلفل، وقلّبي كل حاجة مع بعض كويس.
حطي الفراخ اللي هتشويها في التتبيلة، وتأكدّي إنها متغطية كويس.
سيبي الفراخ في التتبيلة على الأقل 30 دقيقة، والأفضل 4 – 5 ساعات عشان الطعم يتشرب كويس.
اشوي الفراخ في الفرن أو على الجريل حسب رغبتك.
بعد ما تستوي، حطيها في طبق وقدميها وزينيها بالبقدونس.
