كل حلويات رمضان بالمقادير المظبوطة
كوبين ونصف سميد (500 جرام)
نصف كوب سمنة
كوب سكر
كوب حليب أو زبادي أو لبن رايب
2 معلقة كبيرة جوز الهند (اختياري) ولكن أنصحكم بيه
معلقتين كبار شربات تقيل أو عسل نحل أو عسل جلوكوز
طريقة التحضير :
نخلط الحليب مع الشربات أو العسل والسمنة والسكر ومعلقتين جوز الهند على نار هادية لحد التدفئة فقط ونرفعهم عن النار وننزل عليهم بالسميد ونقلبهم ونبسهم مع بعض كويس لحد ما المكونات تتجانس مع مراعاة عدم العجن.
نجهز صينية مقاس 28 وندهنها سمنة وطحينة وبعدين نبل إيدينا ماء ونفرد فيها الخليط ونحددها بالسكينة ممكن نزينها بالبندق أو اللوز أو السوداني حسب الرغبة
ندخلها الفرن على درجه حرارة 180 درجه لمدة 20 دقيقة، ونسقيها اول ما تطلع من الفرن بشربات خفيف سخن.
ملحوظة مهمة:
البسبوسة بتبوظ لما تتعجن وتتقلب جامد وتضغط بالفرد في الصينية يادوب تقلبي تقليبتين وتمزجي المكونات بس وتخبطي الصينية خبطتين على الرخامة عشان لو فيه هوا يخرج
المقادير:
• نص كيلو كنافة متفرزة أو مجمدة
• نص كيلو جبنة مشللة
• كوب جبنة موزاريلا
• ربع كوب زبدة
• ربع كوب سمنة
• شربات بارد
طريقة التحضير:
• الجبنة المشللة تتنقع في ماء من 3 لـ4 ساعات مع تغيير الميه أكتر من مرة، وبعدها تتصفى كويس.
• الكنافة المتفرزة أو المجمدة تتحط في الكبة وتتفرم فرم ناعم.
• الزبدة والسمنة يتسيحوا ويتخلطوا مع الكنافة كويس.
• صينية تتدهن خفيف سمنة، والكنافة تتحط وتتضغط كويس في الصينية.
• خليط الجبنة المشللة والموزاريلا يتحط فوق الكنافة ويتوزع بالتساوي.
• الصينية تتغطى بفويل وتدخل فرن سخن على حرارة 180 لحد ما الجبنة تسيح وتشد.
• الفويل يتشال والكنافة تتحمر تحميرة خفيفة.
• الكنافة تتقلب على وشها وهي سخنة.
• الشربات البارد يتوزع عليها مباشرة.
• قبل التقديم يتحط فستق مطحون ناعم في نص كل قطعة.
بالهنا والشفا
رموش الست
المقادير :
نصف كوب سميد
كوب و ربع دقيق
نصف كوب زبدة
معلقتين كبار سكر مطحون
معلقتين كبار جوز هند ناعم
بيضة
نصف معلقة صغيرة فانيليا
نصف معلقة صغيرة بكينج باودر
معلقة كبيرة حليب
طريقة التحضير :
في طبق نحط الزبدة على السكر البودره ونضربهم كويس بمضرب يدوي لحد ما السكر يدوب خالص وبعدين نضيف البيضة والفانيليا ومعلقة الحليب ونضرب كويس لحد ما البيضه تختفي.
في طبق تاني ننخل الدقيق ونضيف معاه السميد وجوز الهند والبيكينج البودر و بعدين
نحط الخليط بدون عجن في كيس نضيف و ندخله التلاجة لمدة نصف ساعة
ناخد مقدار معلقة من العجينة و نكورها على شكل عين ونضغط عليها بالشوكة بالطول و العرض
وندهن الوجه بيض وحليب بالفرشاه
ندخلها فرن مسخن مسبقاً على درجة حرارة 180 لمدة 25 دقيقه لحد ما لونها يبقا ذهبي
نخرجها و نسقيها شربات خفيف ونصفيها ونزينها بالفستق المفروم أو جوز الهند
بلح الشام
المقادير :
كوب دقيق
كوب ماء
معلقة كبيره زبدة
معلقة كبيره نشا
معلقة صغيرة فانيليا
3 بيضات
طريقة التحضير :
نضيف الماء مع الزبدة على النار لحد ما يسخنوا
نضيف
و بعدين نضيف البيض و الفانيليا واحدة واحدة مع الضرب لحد ما العجين يكون متجانس.
نعبي العجين في كيس الحلواني ونشكل بلح الشام في زيت هادي على نار هادية لحد ما لونه يبقي ذهبي وبعدين نسقيه وهو سخن بشربات بارد
