كورس الإنبهار والشطارة هيخليكى شيف
طريقة التحضير
- اول حاجه نجهز الصوص: هنشوح البصلة المبشورة في الزيت ونضيف عليها الفلفل الاسود وبعدين نضيف الطماطم المبشورة ونضيف رشة زعتر ونقلب كويس ونسيبها تاخد الطعم من البصل وتتسبك شويه.
- نقطع الخضار حلقات متساوية ونضيف شوية من صوص الطماطم في البايركس ونرص عليها الخضار بشكل فني بالتبادل ونضيف باقي الصوص ونتبلها بالملح والفلفل والثوم والزعتر وقليل من زيت الزيتون
- نغطي القالب بورق الالمونيوم وندخله فرن حامي لمدة 30 دقيقة.
- نشيل ورق الالمونيوم وندخله الفرن 15 دقيقة كمان او لحد ما تاخد لون.
- نقدم طبق الراتاتوي ساخن ونزينه بأوراق الريحان مع أطباق اللحوم فراخ كنتاكي
طريقه الكنتاكى
المرحله الأولى
محلول النقع
2 دجاج ( فراخ ) وزن الفرخه كيلو مقطعه 8 قطع
ميه
نص كوب خل
2 معلقه كبيره سكر
2 معلقه كبيره ملح
عصير نص ليمونه
المرحله الثانيه
لبن رايب( وممكن حليب أو ماء) الأفضل لبن راي
معلقه صغيره خل
البهارات
معلقه كبيره من( بهارات فراخ/ بابريكا/ كركم / توم بودر
بصل بودر/ زنجيبل/ فلفل أبيض/ كسبره ناشفه/ ملح
زعتر )
المرحله الثالثه
دقيق( طحين) للتغليف ومعلقه صغيره فانيليا بدون سكر
وممكن نص معلقه صغيره فانيليا عاديه
دقيق ذره أصفر
نص بهارات المرحله الثانية
الطريقه
ننقع قطع الفراخ فى
وفى بوله نضيف مكونات المرحله الثانيه ونقبلها كويس ونضيف فيها قطع الفراخ ونغطيها وندخلها التلاجه ليله كامله
ونطلعها ونحضر المرحله التالته
فى بوله نضيف الدقيق ودقيق الذره والفانيليا ونص البهارات
ونقلبهم ونطلع أربع قطع من التتبيله ونحطهم فى الدقيق ونقلب بخفه من غير ما نضغط حوالى دقيقه ونحطهم فى طبق فيه ميه ثوانى ونطلعهم على الدقيق ونقلب بخفه لمده دقيقه لما يتكون الكفر
ونقلى فى زيت كتيييير ويكون سخن ونقلى فى حله افضل
بتاخد حوالى 15 دقيقه تكون استوت كويس
كفته الحاتي
المقادير
كيلو الا ربع لحم مفروم احمر بدهون عاديه
ربع كيلو لحم مفروم ضاني نسبه دهون عاليه او لو مش حابين الضاني حطوا ربع كيلو دوش من الجزار مفروم مع اللحمه
الدوش ده عبارة عن دهون صلبه مش بتسيح بسرعه علي النار و دي ميزتها ان الكفته متكشش
ملحوظه مهمه
بلاش تحطوا ليه لان الليه بتسيح في الشوي او الفرن و بتدي نكهه مش لطيفه و الكفته بتكش
فحطوا ربع كيلو ضاني او دوش
باقي المقادير بقي
بياض بيضه و ده سر التماسك و الطريان كله
٣ معالق نشا
نصف م ك بيكنج بودر
بقدونس مفروم اختياري
تفل بصله مفرومه وسط
ملح
فلفل اسود
معلقه ث بهارات لحمه
معلقه
مياه البصل هنضيفلها معلقه ص لابريكا و شويه زيت و ملح و فلفل و هنصبع بيها الكفته
هنخلط نوعين اللحمه مع بعض و عليهم النشا و البيكنج بودر و بياض البيضه و البقدونس و التوابل و تفل البصل
و نعجن كويس جدا
عاملوها معامله العجينه
ز سيبوها تريح ساعه في التلاجه قبل التشكيل
ز خرجوها ز صبعوها علي سيخ و استعملوا مياه البصل في التصبيع
و حطوها في الفرن في صينينه مدهونه سمنه او علي الشوايه
هتخرج من الفرن هنحط فيها فحمه و هتيتمتعوا باحلي كفته طريه ز متاممسكه بريحه الفحم الرهييييب رز باللبن
المقادير:
ربع كوب رز مسلوق
لتر لبن
٣ معالق نشا كبار
نصف كوب سكر او حسب الرغبة
٢ كيس فانيليا
كيس كريم شانتيه
مكسرات للتزيين وجوز هند
الطريقة :
نحط اللبن علي النار لحد ما يسخن وننزل فيه السكر والفانيليا والكريم شانتيه ونقلب لحد ما يدوبوا ونحط النشا بعد ما ندوبها في ربع كوب لبن بارد ونحط الارز ونفضل نقلب لحد ما يتقل وبعد كدة نرفعوا من علي النار يهدي ونحطوا في الاطباق ونزينوا بالمكسرات وبالهنا والشفا
فراخ مشويه في الفرن
المكونات :
فرخه منديل ( مفتوحه من الضهر و مخليه )
بصله
طمطمايه
معلقه كبيره هريسة شطه
٢ معلقه كبيره زيت
٢ معلقه كبيره ليمون
ملح و فلفل
توم
سماق
الطريقه:
هنضرب التتبيله كلها في الكبه او الخلاط لحد ما تبقى ناعمه خالص و نتبل الفراخ كويس و نسيبها ليله كامله في التتبيله.
التسويه :
هنحط الفراخ في شبكه و نحطها على الرف اللي النص و نحط صنيه فيها ميه في ارضية الفرن عشان تعمل بخار و تحافظ على الفراخ جوسي و طريه و متنشفش و نولع الفرن و الشوايه لحد ما تاخد لون الشوي و نطفي الشوايه و نسيب الفرن لحد ما تكمل تسويه و بالهنا كيكه الرواني او كيكه البسبوسه
المقادير
كوب دقيق متعدد الاستعمالات او دقيق كيك
كوب دقيق سميد او سيمولينا او بسبوسه
كوب زيت
كوب زبادي = 210 جرام
كوب سكر
نص كوب جوز هند
٤ بيضات
معلقه كبيره بيكنج بودر
معلقه صغيره فانيليا
الشربات او السيرب
كوب سكر
كوب و نص ماء
عصير نص ليمونه
الطريقه
هنضرب البيض مع السكر و الفانيليا لحد لما يبقي لونها فاتح و بعدين انزل بالزيت و الزبادي و اضرب كويس اوي لحد لما يبقي الخليط كريمي و بعدين انزل بجوز الهند و السميد و اضربهم لحد لما دقيق السميد يختفي انزل بالدقيق و البيكنج بودر و اضرب برضو لحد لما يختفي و يبقي كده معانا الخليط جاهز و ادخلها فرن سخن على
