22 وصفة مختلفه عشان تبدعي براحتك
طريقة عمل شوربة الخضار الصحية
شوربة الخضار من الأكلات الخفيفة والمليانة فوائد.. تنفع للفطار أو العشا وكمان جنب الأكل اليومي.
المكونات
1 كوب فاصوليا خضراء
1 كوب بازلاء
1 بطاطس متوسطة مكعبات
1 جزر كبير مكعبات صغيرة
4 كوسة شرائح
2 طماطم مكعبات
1 بصلة متوسطة مفرومة
2 فص ثوم مفروم
2 ملعقة زيت زيتون
ملعقة صغيرة كمون
ملعقة صغيرة فلفل أسود
ملعقة بهارات مشكلة
قليل من الملح
شوربة دجاج أو لحم أو مكعب مرقة ماء
الطريقة
في حلة سخني الزيت شوحي البصل لحد ما يدبل.
ضيفي الثوم وقلبيه ثواني من غير ما يتحمر.
نزلي البطاطس والجزر وقلبيهم مع البصل.
ضيفي الفاصوليا والبازلاء والطماطم والكوسة وسيبيهم يتقلبوا 7 دقايق.
ضيفي التوابل ملح فلفل كمون بهارات.
صبي الشوربة أو المرقة وغطي الحلة وسيبيها تغلي على نار هادية 15 دقيقة.
وقدميها سخنة مع رشة بقدونس لو حابة الشكل يبقى أحلى
كشرى بالعدس الأصفر على الطريقة المصرية
المقادير
½ كيلو أرز أبيض
¼ كيلو عدس أصفر
بصلة صغيرة مفرومة ناعم
2 ملعقة كبيرة زيت
1 مكعب مرقة اختياري
½ ملعقة صغيرة كمون
½ ملعقة صغيرة فلفل أسود
½ ملعقة صغيرة ملح أو حسب الرغبة
رشة ثوم بودرة
رشة بصل بودرة
للتقديم
بيض مسلوق
ملعقة صغيرة سمن بلدي
رشة ملح فلفل كمون
طريقة التحضير
في حلة على النار سخني الزيت وشوحي البصلة المفرومة لحد ما تدبل وتاخد لون ذهبي فاتح.
ضيفي الملح والفلفل والكمون ومكعب المرقة وقلبي كويس.
اغسلي الأرز والعدس وصفيهم كويس وضيفيهم على البصل المتبل.
رشي عليهم الثوم والبصل البودرة وقلبي الكل مع بعض دقيقتين.
صبي عليهم مية سخنة بحيث تغطي الخليط بحوالي 2 سم.
أول ما يغلي وطي النار وغطي الحلة وسيبيه لحد ما الأرز والعدس يستووا وينفشوا.
للتقديم
قطعي البيض المسلوق نصين أو أرباع.
شوحيه في شوية سمن مع رشة ملح وفلفل وكمون.
قدمي الكشري في طبق واسع ورصي فوقه البيض بالسمن.
وبالهنا والشفا
طريقة عمل البصارة المصرية
البصارة
المكونات
250 جم فول مجفف منقوع ليلة كاملة
1 بصلة متوسطة مفرومة
5 فصوص ثوم مهروس
2 معلقة كبيرة شبت مفروم
2 معلقة كبيرة بقدونس مفروم
1 معلقة كبيرة نعناع ناشف
1 معلقة كبيرة كزبرة خضرا مفرومة
1 معلقة صغيرة كمون
نص معلقة صغيرة فلفل أسود
رشة ملح
للتقديم
2 بصلة متوسطة مفرومة
3 معالق كبار زيت زيتون
5 فصوص ثوم مهروس
عصير ليمون حسب الرغبة
الطريقة
اسلقي الفول مع البصل والثوم لحد ما يستوي تمام.
ضيفي الكزبرة الشبت البقدونس النعناع الكمون الملح والفلفل.
اتركيه يغلي شوية بعدين اخلطيه في الخلاط لحد ما يبقى ناعم.
رجعيه على النار يغلي غلوة بسيطة.
في طاسة شوحي البصل في الزيت لحد ما يدبل ضيفي الثوم.
قدمي البصارة وسطحها بالبصل والثوم المقلي ورشة ليمون
طريقة عمل طحينة المطاعم في البيت
مفيش سفرة شرقية من غير الطحينة
تعالي أقولك طرق مختلفة تعملي بيها الطحينة بنفس طعم المطاعم وبمكونات بسيطة ومتوفرة.
الوصفة الأساسية طحينة المطاعم
المقادير
1 كوب طحينة خام
½ كوب ماء دافئ
2 ملعقة كبيرة عصير ليمون
1 فص ثوم مهروس اختياري
رشة ملح
رشة كمون
1 ملعقة صغيرة خل أبيض اختياري
1 ملعقة صغيرة زيت زيتون للتقديم
الطريقة
في بولة عميقة اخلطي الطحينة الليمون الخل.
ضيفي الماء الدافئ تدريجيا مع التقليب لحد ما يبقى القوام كريمي.
تبلي بالملح الكمون الثوم.
قدميها في طبق ورشي زيت زيتون وبقدونس أو بابريكا للزينة.
سلطة الطحينة بالعيش طريقة اقتصادية
المقادير
2 رغيف عيش بلدي أو شامي
1 كوب ماء دافئ
2 ملعقة كبيرة زيت
2 ملعقة كبيرة عصير ليمون
1 فص ثوم مهروس اختياري
ملح كمون
الطريقة
قطعي العيش وانقعيه في المية 10 15 دقيقة.
في الخلاط العيش الزيت الليمون الملح الكمون الثوم.
اضربي لحد ما يبقى كريمي ولو تقيل ضيفي شوية ميه.
قدميها مع المشويات أو الفلافل
.
طحينة المشويات
المقادير
½ كوب طحينة خام
½ كوب ماء دافئ
2 ملعقة كبيرة عصير ليمون
1 فص ثوم مهروس
1
رشة ملح كمون شطة اختياري
زيت زيتون للتقديم
الطريقة
نفس خطوات الطحينة الأساسية مع إضافة الشطة عشان الطعم الحار
طحينة بالزبادي
المقادير
½ كوب طحينة خام
½ كوب زبادي
2 ملعقة كبيرة عصير ليمون
فص ثوم مهروس اختياري
ملح كمون شطة
2 3 ملعقة كبيرة ماء
الطريقة
اخلطي الطحينة مع الليمون الأول.
ضيفي الزبادي تدريجيا لحد ما يبقى القوام ناعم.
ضبطي القوام بالمية وتبلي.
قدميها مع المشويات أو السلطات
طحينة بالدقيق اقتصادية جدا
المقادير
½ كوب دقيق أبيض
¼ كوب زيت نباتي أو زيت سمسم
½ كوب ماء دافئ
2 ملعقة كبيرة عصير ليمون
ملح كمون ثوم مهروس اختياري
الطريقة
حمصي الدقيق في طاسة جافة 2 3 دقايق.
ضيفي الزيت وقلبي لحد ما يبقى عجينة.
ضيفي المية تدريجيا مع التقليب لحد ما يبقى كريمي.
تبلي بالملح الكمون الليمون الثوم.
قدميها وزينيها بزيت زيتون ورشة بابريكا.
كده معاكي كل وصفات الطحينة الأصلية بالعيش للمشاوي بالزبادي بالدقيق.
تنفع مع المشاوي الفلافل الكشري أو حتى كسناك مع العيش
بطاطس مقلية بالبهارات
مفيش أحلى من البطاطس المقرمشة بالبهارات
تتاكل لوحدها أو جنب البرجر والشاورما والسندويتشات
وقت التحضير والطهي 40 دقيقة
تكفي ل 4 أشخاص
المكونات
5 حبات بطاطس مقشرة ومقطعة أصابع
1 معلقة صغيرة بهارات مشكلة
1 معلقة صغيرة ملح
1 معلقة صغيرة فلفل أسود
زيت نباتي للقلي
طريقة التحضير
تبلي البطاطس بالملح والفلفل والبهارات وسيبيها 20 دقيقة في التتبيلة.
سخني الزيت في مقلاة عميقة.
اقلي البطاطس وقلبيها من وقت للتاني لحد ما تبقى دهبية ومقرمشة.
طلعيها على ورق مطبخ تتصفى من الزيت.
قدميها سخنة جنب أطباقك المفضلة
سلطة الباذنجان المشوي
سلطة صحية ولذيذة مليانة نكهات فريش ومختلفة
مناسبة كوجبة خفيفة أو جنب الأكل الرئيسي.
المكونات
1 باذنجان كبير طازة مقطع شرائح سميكة
1 بصلة حمراء كبيرة مقطعة شرائح
1 معلقة كبيرة زيت كانولا
1
1 معلقة كبيرة خل
1 معلقة صغيرة خردل
1 معلقة كبيرة أوريجانو
1 معلقة كبيرة عسل
2 معلقة كبيرة رمان
1 معلقة كبيرة زيت زيتون
رشة ملح رشة فلفل أسود
قشر ليمون بقدونس للتزيين
طريقة التحضير
ادهن الباذنجان والبصل بزيت الكانولا واشويهم في الفرن لحد ما يطروا.
قطع الباذنجان مكعبات وحطه في طبق التقديم مع مكعبات الأفوكادو.
حضر الدريسنج اخلط الخل الخردل الأوريجانو زيت الزيتون الملح والفلفل العسل.
صب الصلصة على الباذنجان والأفوكادو وقلب كويس.
زيني الطبق بالرمان البقدونس قشر الليمون.
وقدميها باردة أو دافئة حسب رغبتك
سلطة المكرونة بالتونة
سلطة باردة لذيذة وسهلة التحضير غنية بالبروتين والطعم المختلف
هتبقى واجبة خفيفة ومشبعة تنفع للغدا أو العشا.
وقت التحضير والطهي 40 دقيقة
تكفي ل 5 أشخاص
المكونات
عبوة مكرونة صغيرة الحجم
⅓ كوب تتبيلة سلطة إيطالية
½ كوب زبادي
1 كوب مايونيز
1 بصلة صغيرة مفرومة
2 عود كرفس مفروم
½ معلقة صغيرة بودرة ثوم
1 معلقة صغيرة ملح
½ معلقة صغيرة فلفل أسود
علبة تونة مصفاة من الماء
طريقة التحضير
اسلقي المكرونة في ميه وملح وصفيها واتركيها تبرد.
ضيفي تتبيلة السلطة الإيطالية على المكرونة وغطيها وحطيها في التلاجة ساعتين.
في بولة اخلطي الزبادي المايونيز البصل الكرفس بودرة الثوم.
ضيفي التونة للمكرونة وبعدها الملح والفلفل.
صبي خليط الزبادي والمايونيز وقلبي كويس.
دخليها التلاجة لحد التقديم وقدميها باردة ومنعشة
طريقة عمل العجة المصرية
العجة من الأكلات المصرية القديمة اللي بتتعمل في أغلب البيوت لوجبة الفطار. خفيفة مغذية وسهلة
التحضير
العجة المصرية الأصلية
المكونات
5 بيضات
حزمة بقدونس مفروم
حزمة كزبرة مفرومة
1 بصلة متوسطة
1 طماطم
1 فلفل أخضر حار أو رومي
نص كباية دقيق
ملح فلفل أسود رشة بهارات حسب الرغبة
الطريقة
شوحي البصل في شوية زيت على النار وسيبيه يبرد.
في بولة اكسري البيض
ضيفي الدقيق تدريجيا مع التقليب ولو الخليط تقيل زودي شوية ميه.
صبي الخليط في صينية مدهونة زيت أو سمنة.
دخليه الفرن حوالي 20 دقيقة لحد ما يستوي وتأكدي بالشوكة.
سيبيه ياخد وش دهبي خفيف طلعيه وقطعيه مربعات وقدميه.
العجة
