دليل شامل لأنواع البطاطس واستخدامات كل نوع في الطبخ
كل أنواع البطاطس: دليل شامل لأفضل الأنواع وطرق استخدامها في الطبخ
طاجن بطاطس باللحمة
المقادير:
• نصف كيلو لحمة مكعبات كبيرة
• 3 حبات بطاطس متوسطة مقطعة حلقات سميكة
• 1 بصلة كبيرة مبشورة
• 2 فص ثوم مفروم
• 2 كوب عصير طماطم مركز
• 2 ملعقة كبيرة صلصة طماطم
• نصف ملعقة صغيرة سكر (لإزالة حموضة الطماطم)
• 1 ملعقة صغيرة بهارات لحمة
• نصف ملعقة صغيرة فلفل أسود
• 1 ملعقة صغيرة ملح (أو حسب الرغبة)
• نصف ملعقة صغيرة قرفة (اختياري)
• 2 ورقة لورا
• 3 حبات حبهان
• 1 ملعقة كبيرة سمن أو زبدة
• 1 كوب مرق لحمة ساخن
طريقة التحضير:
1. تسوية اللحمة:
• في حلة على نار متوسطة، سخني السمن أو الزبدة، وضيفي اللحمة وشوّحيها لحد ما تاخد لون بني غامق.
• ضيفي البصل المبشور وقلّبي لحد ما يذبل، ثم ضيفي الثوم وورق اللورا والحبهان.
• ضيفي بهارات اللحمة، الفلفل الأسود، الملح، والقرفة، وقلّبي كويس.
• صبي كوب من الماء الساخن، وغطّي الحلة وسيبي اللحمة تستوي على نار هادئة لمدة 40-50 دقيقة أو لحد ما تبقى طرية.
2. تحمير البطاطس:
• في طاسة، سخّني قليل من الزيت وحمّري حلقات البطاطس لحد ما تاخد لون ذهبي، ثم طلعيها على ورق مناديل علشان تمتص الزيت الزائد.
3. تحضير الصلصة:
• في نفس الحلة اللي استوت فيها اللحمة، ضيفي عصير الطماطم، الصلصة، والسكر، وقلّبي كويس.
• سيبي الصلصة تتسبك على نار هادئة لمدة 10-15 دقيقة.
4. تجهيز الطاجن:
• رصي حلقات البطاطس في الطاجن، وضيفي فوقها اللحمة المسوية.
• اسكبي الصلصة المتسبكة فوق اللحمة والبطاطس، وقلّبي بخفة.
• ضيفي نصف كوب من مرق اللحمة، ولو محتاج زودي شوية حسب قوام الصلصة.
5. التسوية في الفرن:
• غطي الطاجن بورق فويل، وادخليه فرن سخن على درجة حرارة 180 لمدة 30 دقيقة.
• في آخر 10 دقائق، شيلي الفويل ودخّلي
بالهنا والشفا
صينية بطاطس بالكفتة
المقادير:
لتحضير الكفتة:
• ½ كيلو لحمة مفرومة
• 1 بصلة كبيرة مبشورة ومصفاة من الماء
• 1 ملعقة صغيرة ملح
• ½ ملعقة صغيرة فلفل أسود
• ½ ملعقة صغيرة بهارات لحمة
• ½ ملعقة صغيرة بابريكا
• 1 ملعقة كبيرة بقدونس مفروم (اختياري)
لتحضير البطاطس والصوص:
• 3 حبات بطاطس مقطعة حلقات متوسطة السمك
• 1 بصلة كبيرة مقطعة شرائح
• 2 فص ثوم مفروم
• 2 كوب عصير طماطم
• 1 ملعقة كبيرة معجون طماطم
• 1 ملعقة صغيرة ملح
• ½ ملعقة صغيرة فلفل أسود
• ½ ملعقة صغيرة بهارات
• 2 ملعقة كبيرة زيت
• 1 كوب مرق لحمة أو ماء ساخن
طريقة التحضير:
تحضير الكفتة:
1. في بولة، اخلطي اللحمة المفرومة مع البصل المبشور، الملح، الفلفل، البهارات، البابريكا، والبقدونس.
2. شكّلي الكفتة على هيئة أصابع أو كرات، وضعيها في الثلاجة 15 دقيقة لتتماسك.
تحمير البطاطس والكفتة:
1. سخني الزيت في طاسة، ثم حمّري البطاطس نصف تحمير فقط.
2. في نفس الطاسة، شوّحي الكفتة على نار عالية من جميع الجوانب حتى تحمر قليلاً، دون تسويتها تمامًا.
تحضير الصوص:
1. في نفس الطاسة، ضيفي شرائح البصل وقلّبيها حتى تذبل.
2. ضيفي الثوم المفروم وقلّبيه حتى تطلع رائحته.
3. ضيفي عصير الطماطم، معجون الطماطم، الملح، الفلفل، والبهارات، واتركيها تتسبك لمدة 10 دقائق.
التجميع والفرن:
1. في صينية فرن، رصي طبقة من البطاطس، ثم ضيفي الكفتة فوقها.
2. اسكبي الصوص فوق الكفتة والبطاطس، ثم ضيفي كوب المرق أو الماء الساخن.
3. غطي الصينية بورق فويل، وادخليها فرن سخن على 180 درجة لمدة 30-40 دقيقة.
4. أزيلي الفويل، وشغّلي الشواية آخر 5 دقائق للتحمير.
بالهنا
بان كيك البطاطس بالجبنة
المقادير:
• 4 بطاطس مسلوقة ومهروسة
• 1 كوب جبنة
• 1 بيضة كبيرة
• ½ كوب دقيق
• 3 فصوص ثوم مفروم
• 1 ملعقة كبيرة بقدونس مفروم
• ½ كوب بقسماط مطحون
• زيت
طريقة التحضير:
1. في طبق كبير، اخلطي البطاطس المهروسة مع الجبنة، الدقيق، البيضة، البقدونس، والثوم المفروم.
2. قلبي المكونات كويس لحد ما تتجانس، وبعدين شكليها أقراص صغيرة.
3. غلفي كل قرص في البقسماط من الجانبين.
4. سخني طاسة على نار متوسطة وادهنيها بزيت بسيط.
5. حمري الأقراص في الطاسة لحد ما تاخد لون ذهبي من الجانبين.
6. قدميها سخنة واستمتعي بأحلى طعم.
بالهنا والشفا
بطاطس بمكعبات اللحمة
المقادير:
• 500 جم لحم بقري مقطع مكعبات
• 2 حبة بطاطس مقطعة مكعبات
• 2 ملعقة كبيرة صويا صوص
• 1 ملعقة كبيرة عسل
• 1 ملعقة صغيرة زنجبيل مفروم
• 2 فص ثوم مفروم
• 1 ملعقة صغيرة فلفل أسود
• 1 ملعقة صغيرة بابريكا
• 1 ملعقة كبيرة زيت نباتي
الطريقة:
1. في وعاء، اخلطي الصويا صوص مع العسل والزنجبيل والثوم والفلفل الأسود والبابريكا.
2. ضيفي مكعبات اللحم وقلّبيها كويس، وسيبيها تتبل لمدة 30 دقيقة.
3. سخني طاسة على نار متوسطة، وحطي الزيت، ثم شوّحي اللحم لحد ما ياخد لون ذهبي.
4. ضيفي البطاطس وقلّبيها مع اللحم، وغطي الطاسة وسيبيها تستوي على نار هادية لمدة 15 دقيقة أو لحد ما تبقى طرية.
5. قدميه ساخن مع الأرز أو الخبز واستمتعي بأحلى طعم.
بالهنا والشفا
المقادير:
• 1 كيلو بطاطس مقطعة صوابع
• زيت للقلي
• ملح وتوابل حسب الرغبة
طريقة التحضير:
1. قطّعي البطاطس صوابع واغسليها كويس، وبعدها نشّفيها تمامًا باستخدام فوطة نظيفة أو مناديل مطبخ.
2. في زيت غزير وساخن، اقلي البطاطس على دفعات نصف قلية فقط، يعني تاخد لون فاتح من غير ما تتحمر تمامًا.
3. طلّعي البطاطس على صينية كبيرة في طبقة واحدة بحيث كل واحدة تبقى جنب التانية من غير تكديس.
4. بعد ما تبرد، دخّليها الفريزر لمدة ساعة على الأقل.
5. سخّني الزيت تاني واقلي البطاطس المجمدة لحد ما تاخد لون ذهبي ومقرمش.
6. طلّعيها على شبكة سلك او مناديل ورقية علشان تتصفى من الزيت، ورشي عليها الملح وأي توابل تحبيها.
بالهنا والشفا
بطاطس بالجبنة
المقادير:
4 بطاطس مهروسة
كوب جبنة موتزاريلا
بيضة كبيرة
نصف كوب دقيق
3 فصوص ثوم مفروم
معلقة كبيرة بقدونس مفروم
نصف كوب بقسماط مطحون
زيت زيتون
طريقة التحضير
- حطي البطاطس المهروسة فى طبق كبير وضيفى عليها كوب جبنة موتزاريلا وضيفى نصف كوب الدقيق والبيضة والبقدونس وقلبيهم كويس
اخفقي واستمري فى التقليب وشكلي اقراص صغيرة
وغلفيها فى البقسماط.
- نحضر طاسه وندهنها زيت بسيط ونسيبها علي النار وناخد كل قرص ونحطه في الطاسة لحد ما يستوي أول وش وياخد لون ذهبي ونقلبه على الوش التاني
المقادير:
بطاطس
زيت للقلي
ملح
زعتر ناشف او أي توابل تحبيها
شطة حسب الرغبة
طريقة التحضير:
- اغسلي البطاطس كويس وحطيها في حلة فيها ماء علي نار عالية وسيبيها تغلي لحد ماتستوي وبعدين قشريها وقطيعها حلقات.
- سخني الزيت في طاسة علي نار عالية وبعدين حطي البطاطس وقلبيها بعد دقيقتين لحد ما تتحمر وخرجيها نخرجها من الزيت علي مناديل مطبخ لتصفية الزيت وبعدين رشي الملح والزعتر والتوابل اللي تحبيها والشطة حسب الرغبة وقدميها مع الكاتشب والمايونيز
