الملف ده كنـــــز حقيقي للمخبوزات لازم تحفظيه عندك

الأحد 14/ديسمبر/2025 - 12:38 م

الصفحة 2

أســــرار نجــــاح المعجنات من أول مرة

احفظي الكلام ده عندك… هيفرق معاكي جدًا

اختيار الدقيق

يفضل استخدام دقيق مخصص للخبز والمعجنات بدل الدقيق متعدد الاستخدامات

لأنه يحتوي على محسنات خبز بتدي عجينة هشة وطريّة.

حرارة المكونات

طلعي كل مكونات العجين من التلاجة قبل الاستخدام

وخليها بدرجة حرارة الغرفة.

تسخين الفرن

سخني الفرن قبل الخَبز بـ 10 دقائق

وده بيساعد المعجنات تكبر وتطلع هشة.

نخل الدقيق

نخل الدقيق مرتين يهوّيه

ويخلي العجينة خفيفة ومش مكتومة.

تفعيل الخميرة

ذوّبي الخميرة في ماء دافئ + ملعقة سكر + رشة ملح

وغطيها 5 دقائق لحد ما تتفاعل.

إضافة السوائل

السوائل تضاف بالتدريج

لأن كل دقيق غير التاني

ويُفضل يكون ماء أو حليب دافئ.

العجن الجيد

العجن الكويس والمطوّل

من أهم أسباب نجاح أي عجينة.

راحة العجين

بعد العجن، العجينة لازم ترتاح

بعجين خميرة:

ساعة على الأقل

بعد التشكيل والحشو: 10 دقائق

في إناء مغطى وبعيد عن البرد والتيارات.

قوام العجينة

عجينة الفطائر والبيتزا والدونات

لازم تكون طرية جدًا

ويفضل تلتصق بالإيد شوية

(نستخدم مسحة زيت أو دقيق وقت التشكيل).

صينية الخَبز

امسحي أرضية الصينية بزيت

علشان المعجنات متلزقش.

درجة حرارة الفرن

أول 5 دقائق حرارة عالية

وبعدها 180° على الرف الأوسط

مدة الخَبز لا تزيد عن 15 دقيقة

علشان المعجنات متجفش.

البيكنج بودر

إضافته بتدي هشاشة ولون فاتح.

اللبن البودر

ملعقة لكل كوب دقيق

تخلي العجينة أنعم وأطرى.

السكر والخميرة

السكر أساسي مع الخميرة

بيساعدها تشتغل صح

ويخلي العجين مرتفع وهش.

اللون الذهبي

لدهن الوش استخدمي:

بيض –

سمن –

حليب

وبعد الدهن ممكن ترشي

سمسم – حبة البركة – ينسون – شمر

وهيلزق بسهولة.

بالأسرار دي… معجناتك هتطلع زي الأفران

التوست الأبيض الطري والناعم زي الجاهز

2⅔ كوب ماء فاتر (متقسم)

2¼ ملعقة صغيرة خميرة فورية

1 ملعقة صغيرة سكر

1 ملعقة كبيرة عسل
(ممكن استبداله بسكر)

1 ملعقة صغيرة ملح

1½ ملعقة كبيرة زبدة غير مملحة بدرجة حرارة الغرفة

4½ كوب دقيق لجميع الاستعمالات

1½ ملعقة كبيرة زبدة مذابة للدهن

طريقة التحضير:

في بولة، اخلطي الخميرة + السكر + نصف كمية الماء الفاتر

وسيبيهم 5–10 دقائق لحد ما تظهر رغوة.

أضيفي باقي الماء + العسل + الملح + مكعبات الزبدة

و 4 أكواب من الدقيق.

اعجني كويس لحد ما تتماسك العجينة وتبقى طرية وغير لزجة.

لو احتاجت دقيق، زودي شوية من الكوب المتبقي.

استمري في العجن 6–9 دقائق

لحد ما تحصلي على عجينة ناعمة ومرنة.

انقلي العجينة في بولة مدهونة زيت خفيف،

غطيها وسيبيها تخمر في مكان دافي 45 دقيقة

أو لحد ما يتضاعف حجمها.

رشي الرخامة دقيق، اقلبّي العجينة وقسميها جزئين متساويين.

اضغطي على كل جزء علشان تطلعي الهوا.

افردي كل جزء مستطيل أصغر شوية من حجم القالب،

ولفيه رول من الطرف الأقصر زي السويسرول

مع

الضغط الخفيف بعد كل لفة،

واقفلي العجينة كويس وخلي طولها قد القالب.

حطي كل رغيف في قالب توست مدهون

وخلي القفلة لتحت.

غطي القوالب بكيس نايلون

وسيبيهم يخمروا 45 دقيقة

لحد ما العجينة توصل لحافة القالب.

سخني الفرن على 180° والرف الأوسط.

اخبزي التوست 40 دقيقة

لحد ما السطح يبقى دهبي جميل.

طلعي الأرغفة واقلبيها على شبك،

ادهني السطح والجوانب بالزبدة المذابة.

سيبيه يبرد تمامًا،

وبعدين قطعيه وقدميه.

الخبز التركي الطري والهش

2 كوب دقيق أبيض (أو حسب الكمية المطلوبة)

بيالة شاي دقيق قمح (اختياري)

1 ملعقة كبيرة سكر

1 ملعقة كبيرة خميرة فورية

زيت زيتون

1 كوب ماء دافئ

حليب دافئ (حسب الحاجة)

1 ملعقة صغيرة ملح