الملف ده كنـــــز حقيقي للمخبوزات لازم تحفظيه عندك

الأحد 14/ديسمبر/2025 - 12:38 م

فطائر هشة وسهلة التحضير زي القطن

المقادير:

للعجين:

5½ كوب دقيق

2 كوب حليب دافئ

2 بيضة

(البياض للعجين – الصفار لدهن الوجه)

1 ملعقة كبيرة زبدة

1 ملعقة كبيرة خميرة فورية

2 ملعقة كبيرة سكر

1½ ملعقة صغيرة ملح

1 ملعقة كبيرة نشا

للوجه:

صفار البيض

سمسم

الطريقة:

في بولة كبيرة، اخلطي الحليب الدافئ + الخميرة + السكر + بياض البيض + النشا وقلبي كويس.

أضيفي الدقيق + الملح + الزبدة واعجني لحد ما تحصلي على عجينة ناعمة ومتماسكة.

غطي العجينة وسيبيها تخمر في مكان دافي ساعة كاملة لحد ما يتضاعف حجمها.

بعد التخمير، قسمي العجينة إلى 16 قطعة متساوية، وشكليها حسب الرغبة (لف أسطواني أو زي الصورة).

رصي الفطائر في صينية مبطنة بورق زبدة، وغطّيها بقماشة

وسيبيها 15 دقيقة ترتاح.

ادهني وش الفطائر بصفار البيض ورشي سمسم.

دخلي الصينية فرن ساخن مسبقًا على 180° لمدة 30 دقيقة أو لحد ما تحمر وتستوي.

بعد ما تطلع من الفرن، غطيها بقماشة

وسيبيها 10 دقائق قبل التقديم.

فطائر هشة وطريّة من جوه ووشها محمر يفتح النفس

فطيرة الطاسة السريعة في 10 دقائق فقط (بدون خميرة)

المكونات:

2 كوب دقيق

2 ملعقة صغيرة زيت

1 ملعقة كبيرة بيكنج بودر

1 ملعقة صغيرة سكر

رشة ملح

½ كوب حليب

½ كوب ماء

½ كوب جبنة موتزاريلا

طريقة التحضير:

في بولة عميقة، اخلطي الدقيق + البيكنج بودر + السكر + رشة الملح كويس.

أضيفي الزيت + الحليب + الماء
واعجني لحد ما تحصلي على عجينة ملساء وناعمة.

قسمي العجينة نصين متساويين،
غطيهم وسيبيهم يرتاحوا 10 دقائق علشان يسهل فردهم.

افردي النصف الأول،
حطي الجبنة الموتزاريلا أو الحشو اللي تحبيه.

افردي النصف التاني وحطيه فوق الأول،
واقفلي الأطراف كويس.

سخني طاسة على نار هادية
ودهنيها بقليل من الزيت.

حطي الفطيرة في الطاسة
وسيبيها حوالي 10 دقائق على نار هادية
لحد ما تستوي وتاخد لون ذهبي.

اقلبيها على الناحية التانية
وسيبيها تتحمر شوية، وبعدين طلعيها.

فطيرة لذيذة وسريعة ومشبعة
ممكن تضيفي زيتون، فلفل ألوان، طماطم، بسطرمة

قرص الأفران بالسكر والسمسم هشة وطرية

مقادير العجينة:

½ كيلو دقيق أبيض منخول

1 بيضة بدرجة حرارة الغرفة

2 ملعقة كبيرة سكر

3 ملاعق كبيرة زيت نباتي

1 ملعقة كبيرة خميرة فورية

2 ملعقة كبيرة زبدة أو سمن بلدي

1 ملعقة صغيرة فانيليا

رشة ملح

1¼ كوب حليب دافئ

الحشو:

1 كوب سكر أبيض

3 ملاعق كبيرة لبن بودرة

2 ملعقة كبيرة قرفة

التغطية:

¼ كوب حليب

¼ كوب سمسم

(ممكن إضافة شوية سكر مع السمسم حسب الرغبة)

طريقة التحضير:

انخلي الدقيق في بولة كبيرة علشان القرص تطلع هشة.

ضيفي السكر + الخميرة + الملح + الفانيليا وقلبي كويس.

أضيفي الزيت + الزبدة أو السمن واعملي فرك كويس لحد ما الخليط يبقى شبه الرمل المبلل.

ضيفي الحليب الدافئ بالتدريج مع العجن المستمر لحد ما العجينة تلم وتبقى طرية وناعمة.

اعجني كويس 5–7 دقائق.

غطي العجينة وسيبيها تخمر في مكان دافي

لحد ما يتضاعف حجمها.

قسمي العجينة كور في حجم البيضة، غطيها

وسيبيها ترتاح دقائق.

حضري الحشو بخلط السكر + اللبن البودر + القرفة.

افردي

كل كرة عجين فردة بسيطة،

حطي ملعقة حشو في النص واعملي قفل كويس من تحت.

ادهني وش القرص بالحليب،

وبعدين غمسي الوش في خليط السمسم والسكر.

رصي القرص في صاج مدهون زيت،

وسيبيها تخمر مرة تانية لحد ما تنتفخ.

دخليها فرن ساخن مسبقًا على 220°

لحد ما تتحمر من تحت وتاخد لون دهبي جميل.

قرص أفران هشة وطعمها يجنن زي المخابز

أحلى حاجة مع الشاي

وبالصحة والعافية

كرواسون شيكولاتة طبقات وهش زي المحلات

لمقادير:

عجينة الكرواسون:

3½ كوب دقيق (500 جرام)

½ كوب زبدة طرية (100 جرام)

1 ملعقة كبيرة خميرة فورية

¼ كوب سكر (50 جرام)

½ ملعقة كبيرة ملح (حوالي 12 جرام)

⅔ كوب ماء (140 جرام)

⅓ كوب حليب (100 جرام)

1 ملعقة كبيرة عسل

زبدة الفرد داخل العجين:

1 كوب زبدة باردة (250 جرام)

عجينة الشيكولاتة:

1 ملعقة كبيرة حليب

2 ملعقة كبيرة كاكاو خام

سيرب دهن الكرواسون:

75 جرام سكر

50 جرام ماء

طريقة التحضير:

تحضير العجين:

في العجان، ضعي الدقيق + السكر + الملح + الخميرة وقلبيهم.

أضيفي العسل + الحليب + الماء وابدئي العجن.

أثناء العجن، أضيفي الزبدة الطرية مكعبات صغيرة تدريجيًا

واعجني 8 دقائق على الأقل لحد ما تحصلي على عجينة ناعمة.

خدي ¼ كمية العجين،

ذوبي الكاكاو في ملعقة الحليب وضيفيهم على الجزء ده

واعجني لحد ما اللون يبقى متجانس.

شكلي العجين الأبيض وعجين الشيكولاتة،

غطيهم وحطيهم في الثلاجة من 12 إلى 24 ساعة.

تجهيز الزبدة للفرد:

حطي كوب الزبدة الباردة بين ورق زبدة

وافرديها بالنشابة على شكل مستطيل

وحطيها في الثلاجة لحد الاستخدام.

الفرد والتوريق:

افردي العجين الأبيض مستطيل،

حطي

الزبدة في النص واغلقيها بالعجين.

دخلي العجين الثلاجة 5 دقائق،

وبعدين افردي واطبقي (لفة واحدة).

كرري الفرد والطي 3 مرات مع راحة قصيرة في التلاجة.

في الآخر افردي العجين الأبيض،

وافردي عجينة الشيكولاتة رفيعة جدًا

وحطيها فوق العجين الأبيض.

قطعي العجين وشكلي الكرواسون حسب الرغبة.

الخَبز والتقديم:

رشي وش الكرواسون لبن خفيف.

ادخليهم فرن ساخن مسبقًا على 200°

لحد ما ينفخوا ويحمروا

فور خروجهم من الفرن،

ادهنيهم بالسيرب بفرشة.

طريقة السيرب:

حطي السكر + الماء على النار

لحد ما السكر يدوب تمامًا،

وسيبيه يبرد وادهني بيه الوش.

كرواسون شيكولاتة بطبقات واضحة وطعم خرافي

كرواسون هش وناجح من أول مرة

المكونات:

3 كوب دقيق

¼ كوب ماء دافئ

1 كوب حليب دافئ

1 ملعقة كبيرة خميرة فورية

4 ملاعق كبيرة سكر

¼ كوب زبدة سايحة

1 بيضة

رشة ملح

لدهن الوجه:

صفار بيضة

1 ملعقة حليب

الطريقة:

في بولة، ضيفي الخميرة + السكر + الماء الدافئ وقلبي لحد ما الخميرة تذوب وتتفعل.

أضيفي الحليب + البيضة + نص كمية الدقيق وقلبي كويس بملعقة خشب لحد ما الخليط يبقى ناعم.

غطي العجينة وسيبيها في مكان دافي 30 دقيقة لحد ما تخمر.

بعد التخمير، ضيفي باقي الدقيق + الزبدة السايحة + رشة الملح واعجني بإيدك كويس لحد ما تحصلي على عجينة طرية ومتماسكة.

غطي العجينة مرة تانية وسيبيها تخمر 30 دقيقة.

افردي العجينة على سطح مرشوش دقيق، وادهني وشها بالزبدة.

قطعي العجينة مربعات (حوالي 12 سم)، وكل مربع يتقسم لمثلثين.

لفي كل مثلث من القاعدة لحد الطرف، ورصيهم في صينية مبطنة بورق زبدة.

ادهني وش الكرواسون بخليط صفار البيض + الحليب.

دخلي الصينية

فرن ساخن مسبقًا على 180° في الرف الأوسط لمدة 15 دقيقة أو لحد ما يحمر.

يطلع معاكي كرواسون هش وطري زي المحلات

وبالهنا والشفا

معجنات هشة وقطنية وتنجح من أول مرة

المقادير:

1 كيلو دقيق (حوالي 6 أكواب)

½ كوب زيت

3 ملاعق كبيرة سكر

3 ملاعق كبيرة حليب بودرة

1 علبة زبادي

1 ملعقة كبيرة خميرة فورية

1 ملعقة صغيرة بيكنج باودر

1 ملعقة صغيرة ملح

ماء دافئ للعجن (حسب الحاجة)