دليل أنواع السلطات: سلطات عربية وعالمية بالصور والمكونات
الكولسلو
14 كرنب سلطة صغير مبشور مع جزرة مبشورة ندعكهم تحت المية كويس لحد ما يدبلوا. نضيف معلقة زبادي معلقتين مايونيز معلقتين سكر مش مهرمين ومعلقة صغيرة عسل. نقلب كله كويس ولو محتاجة سكر زيادة زودي حسب رغبتك.
أهم حاجة تغسلي وتدعكي الخضار مرة واتنين وتلاتة لحد ما يطرى والجزر لونه يفتح.
بالهنا والشفا
الثومية
المقادير
1 كوب ماء
2 ملعقة كبيرة نشا
2 أو 3 فصوص ثوم مفروم حوالي 1 ملعقة كبيرة
1 ملعقة صغيرة خل أبيض
2 ملعقة كبيرة عصير ليمون
3 ملاعق كبيرة حليب
2 ملعقة كبيرة مايونيز أو نصف علبة زبادي كبديل
ربع كوب زيت
نصف ملعقة صغيرة ملح
الطريقة
في حلة على البارد نذوب النشا في الماء بعدين نرفعها على النار مع التقليب المستمر لحد ما الخليط يغلي ويتقل. نسيبه يبرد تماما لمدة ساعة.
في الخلاط نحط الثوم المفروم والحليب والمايونيز أو الزبادي ونضربهم كويس جدا بعدين ننزل بخليط النشا البارد ونضيف الملح والزيت والخل وعصير الليمون ونضربهم لحد ما القوام يبقى ناعم وكريمي. نحفظها في التلاجة لحين الاستخدام.
بالهنا والشفا
سلطة الحاتي
تعالي أقولك إزاي تعملي سلطة الحاتي في البيت بطعم أحلى من بره وأنضف
المكونات
طماطم مقطعة قطع كبيرة
خيار مقطع قطع كبيرة
بصل مقطع شرائح بالطول
فلفل حار مفروم
بقدونس مفروم
1 كوب
ملح حسب الرغبة
نصف ملعقة صغيرة بابريكا
نصف ملعقة صغيرة شطة
نصف ملعقة صغيرة كمون
2 ملعقة كبيرة خل
1 ملعقة صغيرة نعناع ناشف اختياري
الطريقة
1. في بولة كبيرة ضيفي الطماطم الخيار البصل الفلفل الحار والبقدونس.
2. صبي عليهم كوب ماء ساقع وضيفي الملح البابريكا الشطة الكمون الخل والنعناع الناشف.
3. قلبي كل المكونات كويس وسيبيها 10 دقايق علشان تتشرب الطعم.
بالهنا والشفا
سلطة طحينة المطاعم
المكونات
1 رغيف عيش شامي
1 كوب ماء ساخن
3 ملاعق كبيرة طحينة
1 ملعقة صغيرة ثوم مفروم
ملح كمون شطة حسب الرغبة
عصير ليمون
1 ملعقة كبيرة خل
2 ملعقة كبيرة زيت
الطريقة
1. انقعي العيش الشامي في كوب ماء ساخن شوية لحد ما يطرى.
2. حطيه في الخلاط وضيفي عليه الطحينة واضربيهم لحد ما القوام يبقى ناعم.
3. ضيفي الثوم الملح الكمون الشطة عصير الليمون والخل واخلطي تاني.
4. في الآخر ضيفي الزيت وقلبي كويس لحد ما الطحينة تبقى كريمي وناعمة.
زي طحينة المطاعم بالظبط وأحلى
بالهنا والشفا
سلطة البطاطس المخللة
المكونات
بطاطس مقشرة ومقطعة مكعبات صغيرة
2 ملعقة كبيرة هريسة فلفل أحمر
1 ملعقة صغيرة ثوم مفروم
ملح وفلفل وكمون وكزبرة وكركم حسب الرغبة
2 ملعقة كبيرة خل
2 ملعقة كبيرة زيت
شوية خضرة بقدونس شبت كزبرة أو كزبرة
الطريقة
1. اسلقي البطاطس تلات تربع سلقة وبعد كده صفيها.
2. في بولة عميقة اخلطي الهريسة الثوم الملح الفلفل الكمون الكزبرة الكركم الخل الزيت والخضرة المفرومة.
3. نزلي البطاطس وهي سخنة على الصوص وقلبي كويس لحد ما تتشرب كل النكهات.
4. سيبيها ربع ساعة علشان الطعم يبان أكتر.
بالهنا والشفا
سلطة البطاطس الروسية
المكونات
1 كوب بطاطس مقطعة مكعبات صغيرة ومسلوقة
1 كوب جزر مقطع مكعبات صغيرة ومسلوق
1 كوب مخلل خيار مقطع مكعبات صغيرة
1 كوب بسلة مسلوقة
1 كوب مرتديلا مقطعة مكعبات صغيرة
مكونات الصوص
3 ملاعق كبيرة مايونيز
2 ملعقة كبيرة زبادي
1 ملعقة كبيرة خل أو عصير ليمون
ملح وفلفل أسود
رشة سكر
الطريقة
1. في وعاء اخلطي البطاطس الجزر المخلل البسلة والمرتديلا.
2. في بولة صغيرة اخلطي مكونات الصوص كويس لحد ما يبقى قوامه ناعم ومتجانس.
3. ضيفي الصوص على المكونات وقلبي كويس لحد ما كل حاجة تتغطى تماما.
4. قدميها باردة واستمتعي بأحلى سلطة بطاطس روسية.
بالهنا والشفا
سلطة تكا الخضار بالمايونيز
المكونات
2 كوب بطاطس مكعبات
1 كوب بسلة
2 كوب جزر مكعبات
1 كوب مايونيز
1 فص ثوم مهروس
2 ملعقة كبيرة خل
نصف ملعقة صغيرة كمون
1 ملعقة كبيرة زبادي
1 ملعقة كبيرة حليب
رشة فلفل أسود
رشة ملح
عصير ليمونة
1 ملعقة صغيرة بصل مبشور
الطريقة
1. اسلقي الخضار على البخار أو بكمية قليلة من الماء لحد ما يبقى نص سوا وبعد كده صفيه.
2. في بولة اخلطي المايونيز الزبادي الحليب الخل عصير الليمون الكمون البصل والثوم وقلبي كويس.
3. ضيفي الخضار المسلوق للصوص ورشي الملح والفلفل الأسود وقلبي كويس لحد ما كل حاجة تتجانس.
4. يفضل تحضيرها قبل التقديم بساعة وحفظها في التلاجة علشان الطعم يكون أحلى.
بالهنا والشفا
سلطة الجزر مع الزبادي
المكونات
جزر 23 وحدات حسب الحجم
التفاح الأخضر وحدة واحدة
زبادي طبيعي يفضل أن يكون يونانيا أو بدون سكر مضاف
ليمون عصير نصف ليمونة
زيت زيتون بكر ممتاز
عسل 1 ملعقة صغيرة اختياري
الملح والفلفل حسب الذوق
جوز أو لوز اختياري للتزيين
بقدونس طازج مفروم اختياري للتزيين
وضع التحضير.
قشر الجزر وابشره بشكل خشن أو قطعه إلى شرائح رفيعة باستخدام المبشرة أو المقشرة.
اغسلي التفاح الأخضر وأزيلي قلبه وقطعيه إلى جوليان ناعم أو مكعبات صغيرة. يمكنك ترك الجلد إذا كنت تفضل المزيد من الملمس واللون.
في وعاء اخلطي الزبادي الطبيعي مع عصير نصف ليمونة.
اختياريا أضف ملعقة صغيرة من العسل للحصول على لمسة حلوة قليلا.
أضيفي القليل من زيت الزيتون البكر الممتاز واخلطي جيدا حتى تتكامل جميع المكونات.
أضيفي الجزر المبشور والتفاح الأخضر المقطع إلى
اخلطي المكونات جيدا للتأكد من أن جميع الجزر والتفاح مغلفة بالصلصة.
تذوقي واضبطي التتبيلة بالملح والفلفل حسب الرغبة.
تقدم السلطة في أطباق
