ملف الأكلات الشامل: 60 وصفة سهلة وسريعة لكل عروسة وست بيت

                                                          بان كيك البطاطس بالجبنة 

المقادير:
4 بطاطس مهروسة
كوب جبنة موتزاريلا
بيضة كبيرة
نصف كوب دقيق
3 فصوص ثوم مفروم
معلقة كبيرة بقدونس مفروم
نصف كوب بقسماط مطحون
زيت زيتون
طريقة التحضير
حطي البطاطس المهروسة فى طبق كبير وضيفى عليها كوب جبنة موتزاريلا وضيفى نصف كوب الدقيق والبيضة والبقدونس وقلبيهم كويس
اخفقي واستمري فى التقليب وشكلي اقراص صغيرة
وغلفيها فى البقسماط
نحضر طاسه وندهنها زيت بسيط ونسيبها علي النار وناخد كل قرص ونحطه في الطاسة لحد ما يستوي أول وش وياخد لون ذهبي ونقلبه على الوش التاني

 

                                                           سموذي الفراولة والمانجو 

المقادير:
لطبقة المانجو
- نصف كوب قطع مانجو مجمدة
- كوب الا ربع عصير برتقال
- 3 معلقة كبيرة ماء
لطبقة الفراولة:
- نصف كوب فراولة مجمدة
- كوب عصير برتقال
- عسل أو سكر (حسب الرغبة)

طريقة التحضير:
لطبقة المانجو:
- حطي كل المكونات في الخلاط واخفقي لحد ما المزيج يبقى ناعم مع إضافة القليل من عصير البرتقال والقليل من الماء.
لطبقة الفراولة:
- حطي كل المكونات في الخلاط واخفقي لحد ما المزيج يبقى ناعم، مع إضافة عصير البرتقال والعسل او السكر.
- املي كل نصف كوب بالمانجو وبعدين املي باقي الكوب بالفراولة وقدميه 

 

 

                                                              وايت هوت شوكليت 

المقادير:
4 كوب حليب
كوب رقائق شوكولاتة بيضاء (شوكليت شيبس)
معلقة صغيرة فانيليا سايلة
شوكولاتة مبشورة للتزيين
طريقة التحضير:
سخني الحليب في حلة على نار متوسطة وبعدين خففي النار وضيفي رقائق الشوكولاتة البيضاء والفانيليا السائلة مع التقليب لحد ما تدوب خالص، ارفعيها عن النار واغرفيها في أكواب التقديم.
ممكن تزينيها بإضافات من اختيارك وأعواد شوكولاتة ساخنة

 

                                                           كيكة الزبادي المحشية 

المقادير :
خليط الكيك
نخلط علبتين زبادي + كوب الا ربع زيت + كوب الا ربع سكر ابيض ناعم+ 2 بيض + معلقة صغيرة فانيليا + 3 معلقة كبيرة حليب بودره + كوب وربع دقيق ابيض + معلقة كبيرة بيكينج بودر
الحشوه :
نصف باكيت بسكوت سادة نكسره خشن + معلقة صغيرة نسكافيه + معلقة صغيرة قرفه
ظرف كريم كراميل + نص كوب سكر بني + نص صابع زبده مذابة + جوز مكسر
( نخلط كل المكونات وتترك على جنب )
الطريقه :
نضيف مكونات خليط الكيك مع بعض وتخفق بالمضرب الكهربائي
ادهني الصينيه زبدة ورشي دقيق بسيط واتخلصي من الدقيق الزيادة
نحط طبقة نصف خليط الكيك، وبعدين الحشوه , ثم طبقة الخليط
طبعاً تدخليها فرن حامي على درجة حرارة متوسطة من تحت لحد ما يبدأ يرتفع الخليط وتحمر الأطراف شوية
بعدها تطفي من تحت وتشغلي من فوق لحد ماتستوي وتحمر الطبقة اللي فوق
للتزيين :
بالخلاط نضيف علبة حليب مكثف + 4 حبات كيري
او ممكن حليب مكثف بس او هيرشي او توفي او اي صوص تحبوه تحبوه 

 

                                                             تشيز كيك مخبوز 

المقادير:
للأرضية:
علبتين بسكويت دايجستف
قليل من الماء الساخن
للحشوة:
750 جرام لبنة كيري أو مربعات كيري او كريم تشيز
750 جرام كريمة خفق
كوب الا ربع سكر ابيض (150 جرام)
4 بيضات
7 معالق كبار نشا
معلقة صغيرة فانيليا سائلة وبشر لمونة مع عصير ليمونة

طريقة التحضير 

لأرضية البسكوت:

- نخلط علبتين البسكوت بالخلاط ونضيف قليل من الماء الساخن عشان الزبدة اللي في البسكويت تدوب.

ملمس البسكويت يبقى زي رمل البحر المندي يعني يتماسك في ايدك ويفرفت لما تسيبيه.

نفرد البسكويت في قالب التشيز كيك ونضغط عليه كويس

( ويمكن وضع البسكوت في جوانب الصينية، مع الضغط عليها كويس )

لعمل الحشوة :

نضرب اللبنة او الكريم

تشيز مع السكر كويس، ويضاف البيض والفانيليا والكريمة والنشا وعصير الليمون ويضرب الخليط، مع مراعاة عدم الضرب كثيرا بعد اضافة البيض، حتى لا ينتفخ التشيز كيك بالفرن.

اضافة بشر الليمون اختياري حسب الرغبة.

نصب الحشوة في القالب فوق البسكويت.

يغلف القالب بالفويل ( حتى لا يتسرب الماء داخل القالب ) وبعدين يدخل الفرن على صينية أخرى فيها ماء مغلي (حمام مائي) على حرارة‪ 190 ‬لمدة ساعة ونصف لحد ما يتماسك.

يتم الاختبار بهز القالب وبعدين نسيبه يبرد ويدخل الثلاجة بضع ساعات قبل التقديم.ويزين الوجه بصوص التوت او صوص تفضلوه.

ملحوظات:

يمكن ادخال الصينية الفرن مباشرة من غير حمام مائي، ولكن وجه التشيز كيك هيتشقق.

- نفك التشيز كيك من اطراف القالب فور خروجها من الفرن لتفادي تشقق الوجه.

- نصف المقدار السابق يكفي صينية 24

- يراعى عدم تغطية التشيز كيك ابداً، الا بعد ما تبرد تماما.

- ممكن استبدال لبنة كيري بكريم تشيز او بمربعات كيري كما ممكن استبدال نصف كمية كريمة الخفق السائلة بالزبادي أو بالكريمة الحامضة.

مهم جدا اضافة عصير الليمون لتماسك التشيز كيك في الفرن.

للزينة: ممكن مربى التوت أو الفراولة أو صوص الكراميل أو صوص الشوكولاتة 

 

                                                    دانيش بالجبنة الكريمي والمربى 

المقادير :
كوب حليب دافئ
2 ملعقة صغيرة خميرة جافة نشطة
4 صفار بيض
2 معلقة كبيرة كريمة حامضة
1/3 كوب سكر
3 أكواب دقيق لجميع الأغراض
1/4 ملعقة صغيرة ملح
85 جرام زبدة غير مملحة ، درجة حرارة الغرفة
حشوة الجبن الكريمي:
1 و 1/3 كوب جبن كريمي
1/2 كوب سكر
معلقة صغيرة فانيليا
1/2 كوب مربى من اختيارك
طبقة التزيين العلوية:
1/3 كوب دقيق
1/3 كوب سكر
3 معلقة كبيرة زبدة مذابة
غسول البيض:
2 صفار بيض
معلقة كبيرة ماء
طريقة التحضير :
اختبري الخميرة مع 2-3 ملاعق كبيرة من الحليب من الكمية الإجمالية و معلقة صغيرة من السكر من الكمية الإجمالية. وقلبي ليذوب السكر والخميرة. وسيبيه لمدة 10-15 دقيقة. لحد ما الخليط يرتفع ويظهر رغوة.
اصنع عجينة المعجنات:
في العجان ، اخلطي الكمية المتبقية من كوب الحليب الدافئ وربع ملعقة صغيرة ملح و 4 صفار بيض و 2 ملعقة كبيرة كريمة حامضة ، واللي اتبقى من 1/3 كوب سكر و2 ملعقة صغيرة من الخميرة (أو خليط الخميرة الرغوية لو عملتي الخطوة الأولى)، و 3 أكواب الدقيق كله مع بعضه على السرعة الثالثة للعجان لمدة 10 دقائق تقريبًا.
دلوقتي ضيفي الزبدة الطرية واعجني لمدة 8 دقائق تقريبًا أو لحد ما العجين يلم معاكي.
انقل العجينة في طبق مدهون وادهني الجزء الخارجي من العجين بزيت بسيط.
غطي الطبق بفوطة نظيفة وحطيه في مكان دافي لحد ما العجينة تخمر
ودلوقتي هنعمل حشوة الجبن الكريمي: اخفقي كوب من الجبن الكريمي ونصف كوب من السكر وملعقة صغيرة من الفانيليا لحد ما الحشو يبقى ناعم ناعم وبعدين غطيه وسيبيه على جنب ويوضع جانبا.
وبعدين نجهز الطبقة العلوية: اخلطي 1/3 كوب من الدقيق، وثلث كوب من السكر، و 3 معلقة كبيرة من الزبدة المذابة بالشوكة أو بايديكي لحد ما يتفتت ودخليها التلاجة تبرد.
تحضير خليط البيض: اخفقي 2 صفار البيض و ملعقة كبيرة ماء بالشوكة وغطيه وخليه على جنب.
تقسيم وتشكيل العجينة. بمجرد ما العجينة تخمر ويتضاعف حجمها قسميها لـ 15-16 قطعة متساوية. الطريقة الأكثر دقة هي إنك توزني العجينة وتقسمي الإجمالي على 16.
شكلي كل قطعة من العجينة على شكل كرة ورصيهم في صينية مبطنة بورق زبدة، مع تباعد كل قطعة من العجين بالتساوي. خليها ترتاح لمدة 10 دقائق.
باستخدام قعر كوب مرشوش دقيق اضغطي في منتصف كل قطعة واعملي فجوة.
املي الفجرة بحشوة الجبن الكريمي باستخدام معلقة وممكن إضافة القليل من المربى في المنتصف استخدمي معلقة صغيرة لوضع المربى في منتصف خليط الجبنة وخليها تخمر مره كمان في مكان دافي لحد ما يتضاعف حجمها حوالي 30 - 60 دقيقة.
بمجرد ما يتضاعف العجين، ادهني الجزء الخارجي بغسول البيض ، وبعدين خرجي الخليط اللي عملناه ودخلناه التلاجة واضغطي عليه براحه عشان يلزق فيه.
اخبزي في فرن مسخن على درجة حرارة 180 لمدة 20 دقيقة او لحد ما تاخد لون ذهبي.
خرجيه من الفرن وانقليه على سلك شبكي يبرد شوية وبعدين قدميه.

 

                                                                   لاڤا كيك 

ناس كتير بتكون مستغربة ان ازاي الكيكة جواها الشوكولاتة سايحة كده ... وعشان كده انا هعرفكم

طريقة عملها وهي سهلة جداااا
المقادير:
كوب شوكولاتة غامقة
نص كوب زبدة أو صابع زبدة
2 معلقة كاكاو بودرة
4 بيضات
4 معالق دقيق
ربع كوب سكر
ملعقة فانيليا
زبدة وسكر لدهن اطراف الاكواب

الطريقة:
- نشغل الفرن على 180 درجة قبل التجهيز.
- ندوب الشوكولاتة فوق حمام مائي مع الزبدة وبعدين نضيف الكاكاو البودرة.
- نخلط البيض مع السكر والفانيليا لحد ما يبقا تقيل وناعم جدا ونخلطه مع خليط الشوكولاته وبعدين نضيف الدقيق.
- ندهن صحون السوفليه أو اكواب المافن أو الكب كيك بالزبدة ونرشها بالسكر ونوزع الخليط بينها وتكفي 6 أشخاص.
- ندخلها الفرن لحد ما ينتفخ الكيك ويكون سائل من جوا 10 دقايق مش اكتر وبعد دقيقة من خروجه من الفرن بيكون سهل انه يتنقل لاطباق التقديم ونزينه بسكر بودرة أو ايس كريم أو فاكهة حسب الرغبة.

ملاحظات
- اللافا كيك والمولتن كيك نفس الشئ أما السوفليه فهو شئ آخر يعتمد على بياض البيض وبدون دقيق وهعرفكم طريقته الفترة الجاية ان شاء الله
- جربوا تضيفوا قشر البرتقال للخليط كنهة مختلفة ممكن تعجبكم
- استخدموا شوكولاتة فيها زبدة كاكاو
- ممكن تقدموه مع صوص التوت كطعم جديد ومختلف
- ممكن تغيروا الشيكولاتة للفاتحة بدل الغامقة

 

                                                               بان كيك

المقادير 

- كبايه ونص دقيق متعدد الاستخدامات

- 2 معلقه صغيره سكر

- 2 معلقه صغيره بيكينج بودر

- ربع معلقة صغيره بيكينج صودا (كربوباتو)

- ربع معلقه صغيره ملح

- معلقه صغيره فانيليا

- كباية حليب دافي

- بيضتين كبار

- ربع كباية زبده مذابه

طريقة التحضير 

- في طبق كبير هننخل الدقيق مع البيكينج بودر والبيكنج صودا والسكر والملح والفانيليا.

- نضرب البيض لحد ما ينفش وبعدين نضيف الحليب والزبده المذابه ونخفقهم كويس وبعدين نضيف خليط الدقيق ونخفقهم تاني لحد ما العجينه تبقى متماسكه ومش سايله اوي.

- نسخن طاسه تيفال على نار متوسطه وندهنها بنقطتين زيت او زبده وناخد شويه من العجينه بمغرفه صغيره وننزل بيها في نص الطاسه.

- نوطي النار خالص واول ما اللون يبقى دهبي نقلبه على الوش التاني لحد ما يحمر.

- ملحوظه: لازم نمسح الطاسه بفوطه نضيفه وندهنها بنقطتين زيت او زبده بين كل واحده والتانيه.

- بعد ما نخلص الكميه كلها ممكن نقدمه مع النوتيلا او العسل والفواكه.

 

                                                      براونيز فادج بالشوكولاتة 

المقادير:
- كوب دقيق (120 جرام)
- نصف معلقة صغيرة بيكنج بودر
- نصف معلقة صغيرة ملح
- نصف كوب كاكاو بودر غير محلى (43 جرام)
- 2 معلقة صغيرة من مسحوق الإسبريسو (وده اختياري لكنه بيعزز نكهة الشوكولاتة)
- صابع ونصف زبدة غير مملحة (170 جرام)
- معلقة كبيرة فانيليا سايلة (البديل رشة فانيليا بودر+خل)
- كوب سكر (200 جرام)
- 2 بيضة كبيرة + صفار بيضة
- كوب الا ربع شوكليت شيبس أو شوكولاتة ​​مقطعة
طريقة التحضير:
- في طبق كبير انخلي الدقيق والبيكنج بودر والملح والكاكاو ومسحوق الإسبريسو مع بعض.
- في حلة متوسطة اخلطي الزبدة ونصف كوب سكر. وسخنيهم على نار متوسطة مع التقليب باستمرار لحد ما الزبدة تدوب خالص وارفعيهم عن النار.
- في طبق كبير اخلطي البيض والفانيليا والسكر المتبقي. اخفقي المزيج كويس لمدة 30 ثانية تقريبًا.
- صبي خليط الزبدة الدافي براحة في خليط البيض، وضيفيه تدريجيًا (شوية شوية في المرة الواحدة) واخفقي باستمرار لحد ما الخليط يتجانس خالص.
- ضيفي المكونات الجافة والشوكليت شيبس أو الشوكولاتة المقطعة، واستخدمي سباتولا (معلقة مطاطية) وحركي براحة لحد ما يمتزجوا. مع مراعاة عدم الافراط في الخلط، وقفي التقليب اول ما المكونات الجافة تبدأ تختفي.
- سخني الفرن مسبقاً على درجة حرارة 180 درجة مئوية.
- بطني صينية مستطيلة او مربعة بورق زبدة مدهون بزيت بسيط.
- افردي الخليط في الصينية وساوي السطح واخبزيها لمدة 30 دقيقة، أو لحد ما الحواف تتماسك والجزء العلوي يبقى بيلمع ومتشقق شوية.
- طلعي الصينية على رف شبكي وسيبيها تبرد خالص قبل التقطيع 

 

                                                             بهارات الشوربة

لمقادير:
2 فصوص حبهان او هيل
2 فص قرنفل
نصف معلقة صغيرة كزبرة ناشفة حب
ربع

معلقة صغيرة فلفل اسود حب
2 ورق لورا
طريقة التحضير:
نحط المكونات في طاسة على نار متوسطة لهادئة لحد ما التوابل تتحمص ريحتها تظهر وبعدين نرفعها عن النار ونستخدمها في سلق اللحمة او الفراخ وهي صحيحة بدون طحن.

 

                                                                جالاكسي كيك 

جالاكسي كيك 

المقادير:

3 بيضات

نصف كوب زيت

كوب دقيق

كوب سكر ناعم

2 معلقة كبيرة زبدة

6 قطع شوكولاته جالاكسي باكو صغير

3 معالق كبيره شوكولاتة بودره (كاكاو)

ربع كوب ماء

2 معلقة كبيرة بيكينج بودر

علبة قشطة

الطريقة:

- نفصل الصفار عن البياض ونخفق الصفار وبعدها نضيف كل المقادير ماعدا الدقيق.

- نخلط المقادير كويس ونبدأ باضافة الدقيق تدريجياً عشان ما يتكتلش

- نخفق بياض البيض لوحده لحد ما قوامه يبقا رغوي وبعدين نضيفه للخليط السابق ونخلطه مع باقي المكونات.

- نجهز صينية لخبز الكيك وندهنها بالزيت مع رش القليل من الدقيق فوق الزيت.

- نصب الخليط في الصينيه وندخلها الفرن على درجه حرارة 180 لحد ما يستوي نطلعه ونسيبه يبرد.

- نحط 4 قطع من شوكولاته جالاكسي في حمام مائي مع ملعقتين الزبده لحد ما تدوب الجالاكسي والزبدة مع بعض ونرفعهم عن النار ونضيف القشطة ونقلب كويس.

نضيف الشوكولاتة على الكيك بعد ما يبرد وناخد قطعتين شوكولاته جالاكسي ونبشرها فوق الوجه للتزيين وممكن نزيينها بالسكر البودرة أو جوز الهند او فارميسال الشوكولاتة

 

                                                               جاتوه شاتوه 

المقادير:
كوب زيت
كوب سكر ناعم
نصف كوب حليب
نصف كوب كاكاو خام
2 بيضة
كوب دقيق
معلقة صغيرة بيكنج بودر
فانيليا
رشة ملح

طريقة التحضير:
نضرب السكر مع الحليب كويس جدا في الخلاط ونضيف عليهم الزيت والكاكاو ورشة الفانيليا ونضرب تاني.
نشيل مقدار كوب من الخليط ده على جنب ونضيف لباقي الخليط الدقيق والبيض والبيكنج بودر ورشة الملح وباقي الفانيليا ونضربهم في الخلاط.
ندهن الصينية ونصب فيها الخليط وندخلها فرن مسخن مسبقاً على درجة حرارة 180 لمدة 20 دقيقة.
بعد ما تبرد نصب عليها الصوص اللي شيلناه على جنب ونقطعها حسب الرغبة

 

                                                         خلطة التوابل الايطالية

المقادير:
3 معلقة كبيرة ريحان مجفف
3 معلقة كبيرة بقدونس مجفف
معلقة كبيرة ثوم بودر
معلقة صغيرة بصل بودر
معلقة صغيرة زعتر مجفف
معلقة صغيرة روز ماري
ربع معلقة صغيرة فلفل اسود
ربع معلقة صغيرة فلفل أحمر مجفف
طريقة التحضير :
- نضع كمية البقدونس والريحان والزعتر والروز ماري في طبق ونطحنهم بمدق الثوم.
- نضيف الفلفل الاسود والثوم البودر والبصل البودر ونخلط مع بعض كويس.
- نضع كمية التوابل في برطمان محكم الغلق ونحفظه في مكان جاف لحين الاستعمال

 

                                                                 خلية النحل 

المقادير:
- 2 معلقة كبيرة ماء دافي (30 مل)
- 2 معلقة صغيرة خميرة جافة
- 4 كوب دقيق (500 جرام)
- كوب الا ربع حليب دافي
- معلقة ونصف صغيرة ملح
- 2 بيضة
- معلقة صغيرة فانيليا
- نصف كوب زبدة (صابع)
- ربع كوب + 3 معلقة كبيرة سكر
- بيضة مخفوقة
- زبدة مذابة
طريقة التحضير :
- قلبي الخميرة فى الماء الدافي وسيبيها على جنب لمدة 5 : 10 دقايق لحد ما تنشط، في نفس الوقت اخفقي الزبدة مع السكر باستخدام مضرب السلك لحد ما تبقى ناعمة وسيبيها على جنب.
- ضيفي الدقيق والملح في الميكسر واخلطيهم وبعدين ضيفي الحليب والبيض وخليط الخميرة واعجني لخد ما تجتمع العجينة.
- ضيفي خليط الزبدة والسكر بالتدريج ( 2 معلقة كبيرة فى كل مرة ) مع الخفق بعد كل اضافة.
- اعجني لمدة 3 : 5 دقائق أو لحد ما تكون العجينة مرنة وسلسة.
- شكلى العجينة على شكل كرة وحطيها فى طبق مدهون زبدة وغطيها وسيبيها تخمر لمدة ساعة و45 دقيقة.
- بعد كده اضربيها كام ضربة لتحت وغطيها مرة كمان ودخليها الثلاجة وسيبيها طول الليل.
- في تاني يوم ارفعي غطاء العجينة وسيبيها فى درجة حرارة

الغرفة لمدة ساعة.
- بعد الساعة قسمي كرة العجين 4 أجزاء متساوية فى الحجم وشكلي كل واحدة منهم على شكل كرة.
- حطي كل 2 كرة من العجين فى قالب خبز مستطيل الشكل ومدهون بالزبدة.
- غطي العجين وسيبيه يخمر مرة كمان لحد ما يصل لحافة القالب ) وبعدين ادهني سطحه بالبيضة المخفوقة.
- دخلي الخبز الفرن المسخن مسبقا على درجة حرارة 180 لمدة 30 : 35 دقيقة أو لحد يبقى لونه ذهبي واول ما تخرجيه من الفرن ادهني سطحه بالزبدة المذابة وخليه يبرد لمدة ساعة وقدميه