ملف الأكلات الشامل: 60 وصفة سهلة وسريعة لكل عروسة وست بيت
خلطة توابل كنتاكي
المقادير:
2/3 معلقة صغيرة ملح
نصف معلقة صغيرة زعتر
نصف معلقة صغيرة ريحان
ثلث معلقة صغيرة اوريجانو
معلقة صغيرة مسحوق كرفس
معلقة صغيرة فلفل أسود
معلقة صغيرة خردل مجفف
4 معلقة صغيرة بابريكا
2 معلقة صغيرة ثوم بودر
معلقة صغيرة زنجبيل مطحون
3 معلقة صغيرة فلفل أبيض
طريقة التحضير:
اخلطي كل المكونات مع بعض كويس وخزينها في برطمان محكم الغلق لحين الاستعمال
البيتزا الايطالي وشوية نصايح لعمل بيتزا احسن من بتاعت المحلات
المقادير
- 4 ونص كوب دقيق.
- كوب ونص مياه دافيه.
- 4 معالق كبيره زيت زيتون.
- معلقه ونص صغيره عسل.
- 2 وتلت معلقه صغيره ملح.
- 3 وتلت معلقه صغيره خميره جافه.
طريقة التحضير
- دوبي العسل في المايه السخنه وضيفي الخميره وحركي وتسبيها 6 دقاق تتخمر.
- تجيبي طبق عجن غويط تخلطي الدقيق والملح وبعدين تضيفي خليط الخميره و3 معالق كبيره زيت زيتون وتعجبني لحد ما تلاقي العجين زي كوره لزجه كده.
- تسيبي العجينه نص دقيقه ترتاح وتعجنيها تاني على سطح مرشوش بشوية دقيق لمدة 6 دقايق اقل واجب.
- ادهني طبق واسع بمعلقة زيت وحطي العجينه فيه وحركيها لحد ماتتغطى بالزيت.
- حطي العجينه في كيس بلاستيك وفرغي الهوا منه واقفيه وحطيه في جو دافي لمدة ساعه وربع.
- اضغطي على العجينه لحد ما تهبط شويه وقسميها قطع حجمها متوسط بالسكينه.
- اعملي من كل قطعه كورة عجين وحطيها على سطح الرخامه واضغطي عليها بايديكي وامسكيها العجينة ودحرجيها لحد ماتنعم.
- حطي كل قطعه في كيس بلاستيك ودخليهم التلاجه لمدة 24 ساعه وبعدين تخرجيه وتسيبيه يهدا ساعه قبل ماتستخدميه في جو الاوضه.
- حطي قطعة العجين على الرخامه وافرديها، وبعدين حطيها في الصينيه.
- حطي الصلصه فوق العجينه ووزعي عليها الخضار والزيتون والجبنه المزاريلا.
- حطي البيتزا على رف الفرن اللي في النص على درجة حراره 180 لمدة 20 دقيقه لحد ماتستوي والجبنه تدوب.
نصائح
- انخلي الدقيق كويس قبل ماتستخدميه.
- بلي ايدك بشوية مايه وانتي بتعجني
- ممكن تحطي قطع العجين في الفريزر أسبوعين بس اهم حاجه تكوني قافله عليهم الكيس كويس ومفرغاه من الهوا.
- بلاش تبالغي في فرد العجينه عشان تستحمل المكونات اللي هتتحط عليها.
- ماتحطيش مكونات كتير لانها كده هتاخد وقت اطول على ما تستوي وممكن تتحرق منك كفايه 3 مكونات بس.
- افضل نوع موتزاريلا ممكن تستخدميه اسمه يونيفرسال.
- عشان تخلي الجبنه تغطي البيتزا كلها وتمط معاكي هتجيبي كباية لبن تغليها وتحطي عليها نص كباية جبن مزاريلا ونص كباية جبن شيدر مبشوره عليهم معلقة دقيق صغيره دايبه في شوية مياه وبعدين تحطيها على وش البيتزا
كيك الكريب بالشوكولاته
المقادير
- كوب دقيق.
- معلقه كبيرة كاكاو.
- كوب ونص لبن حليب.
- بيضه.
- معلقه صغيره فانيليا سايله أو رشة فانيليا بودر.
- كريمه مخفوقه للحشو.
- في طبق كبير نخلط الدقيق والكاكاو والحليب والبيض والفانيليا بإستخدام المضرب الكهربائي.
- نحط نقطة زيت أو زبده في طاسه تيفال سخنه وننزل بمقدار كبشه من الخليط في الطاسه على نار هاديه لمدة دقيقه ونقلبه على الوش التاني.
- نكرر نفس الخطوات ونعمل حوالي 15 راق كريب
- نجيب اول راق كريب ونفرد عليه طبقة كريمه ونحط فوقه الراق التاني وهكذا لحد ما نخلص الكميه كلها.
- بعد ترتيب ورص طبقات الكريب والحشو بينهم هنضغط عليهم من فوق بطبق أو صينيه مستويه عشان الطبقات تتماسك مع بعضها أكتر.
- نساوي الأطراف ونتخلص من الزيادات ونزينها بصوص الشوكولاته.
طريقة عمل الصوص
في طبق على النار هنحط كوبايتين مياه وندوب فيهم كوباية سكر وبعدين نضيف 3 معلقه كبيره كاكاو ونقلبهم بمضرب سلك يدوي على نار هاديه لمدة 7-8 دقايق وبعدين نرفعه من على النار وتسيبه يبرد وبعدين نبتدي نزين بيه.
ملحوظات
- لازم سُمك طبقة الكريب يكون رفيع، عشان نعرف نرصه ونقطعه بسهوله.
- الكريمه المخفوقه لازم تكون تقيله مش خفيفه لانها بتساعد في لصق وربط طبقات الكريب مع بعضها.
- يفضل وضع تورتة الكريب في الثلاجه 3 ساعات قبل التقديم وبالهنا والشفا
كيكة النسكافية الباردة
المقادير:
4 باكيت بسكويت سادة
كوب ماء دافئ مذاب فيه معلقة كبيرة نسكافيه
للكريمة:
كوب حليب سائل
5 مغلفات كريمة بودرة
علبتين قشطة
4 معالق سكر (او حسب الرغبة)
معلقة ونصف كبيرة نسكافية غير مذاب
معلقة صغيرة فانيليا
للكروكان:
كوب سكر
ربع كوب ماء
كوب الا ربع لوز مفروم ارباع
طريقة التحضير:
الكروكان:
- في حلة على النار ضيفي السكر والماء وحركي باستمرار لحد ما لون السكر يبقا ذهبي غامق (كراميل).
- ضيفي اللوز وحركي كويس لمدة دقيقتين وارفعيه عن النار.
- صبي الخليط على ورق الزبدة فوراً او على طبق مدهون بطبقة رقيقة جدا من زيت الزيتون.
- حطي الكراميل واللوز في الكبة لما يجمد وافرمية فرم خشن.
لعمل طبقات البسكويت والكريمة:
- في الخلاط ضيفي الحليب والكريمة البودرة والقشطة والسكر والفانيليا والنسكافيه الغير مذاب، واخلطي كل المكونات مع بعض كويس ودخلي الخليط الثلاجة لمدة ربع ساعة.
- غمسي قطع البسكويت في النسكافيه المذاب في الماء وحطي طبقة في قاع طبق بايركس
- خرجي الخليط من الثلاجة وصبي طبقة رقيقة منه وعيدي
- راعي ان تكون اخر طبقة هي طبقة الكريمة.
- رشي طبقة الكروكان على الوجه ودخليها الثلاجة لحد ما تتماسك كويس وقدميها باردة
كيكة كريم كراميل او قدرة قادر
المقادير :
المقادير للكراميل
- كوبين سكر
- 4 معالق كبار ماء
مقادير الكريم
- 5 بيضات
- نصف كوب سكر
- 2 كوب حليب
- معلقة صغيرة فانيليا
مقادير الكيك
- 2 بيض
- ملعقة صغيرة ڤانيليا
- كوب سكر بودرة
- معلقتين كبار حليب
- نصف كوب زيت
- كوب دقيق
- نصف معلقة صغيرة بيكينج بودر
طريقة تحضير الكراميل:
- نسخن الفرن قبل البدء على درجة حرارة 180.
نضيف السكر مع الماء في حله على نار متوسطة، ونسيبه لحد ما يدوب خالص ولونه يبقا ذهبي، وبعدين نرفعه عن النار.
- نصب الكراميل في قاع قالب الكيك (الخاص بالكريم كراميل) ونسيبه يبرد.
طريقة تحضير الكريم
- نخفق البيض في طبق عميق بواسطة مضرب كهربائي على سرعة متوسطة.
- نضيف السكر والحليب والفانيليا للبيض، مع الاستمرار في الخفق لحد ما يتجانس الخليط.
- نصب الخليط فوق الكراميل البارد في قالب الكيك.
طريقة عمل الكيك:
- نخفق البيض في وعاء عميق باستخدام مضرب كهربائي على سرعة متوسطة، وبعدين نضيف الفانيليا والسكر البودرة مع الاستمرار في الخفق لحد ما تتجانس المكونات.
- نضيف الحليب والزيت لخليط البيض مع الاستمرار في الخفق.
- نخلط الدقيق مع البكينج بودر، ونضيفه للخليط تدريجياً ونستمر في الخفق لحد تتجانس المكونات .
- نصب خليط الكيك فوق خليط الكريم ونوزعه بالتساوي في قالب الكيك.
- نحط قالب الكيك في حمام مائي ونخبزه في الفرن لمدة ساعة أو لحد تمام النضج.
- نسيبه يبرد خالص، وبعدين ندخله الثلاجة لحد ما يتماسك الكريم كراميل.
- ندخل قالب الكيك في حمام ماء دافئ لمدة 3 دقائق لحد ما الكراميل يدوب ونقلبه في طبق التقديم ونزينه بالكريمة والفاكهة الطازجة حسب الرغب
كيكة الكوكيز بالنوتيلا
المقادير:
- 3 كوبايات دقيق
- بيضتين
- معلقه صغيره فانيليا
- نص كوبابة سكر أبيض
- نص كوباية سكر بني "ولو مش عارفه تجيبوه ممكن تعملوه سهل جداً هنجيب كباية سكر ٢٠٠ جرام تقريبا ونخلط معاه معلقة عسل اسود كبيره ونسيبه ينشف لتاني يوم.
- معلقه صغيره بيكينج بودر
- معلقه صغيره بيكينج صودا
- رشة ملح
- 200 جرام زبده بدرجة حراره الغرفه
- كوب ونص قطع شوكولاته صغيره "شوكليت شيبس"
- نوتيلا للحشو
طريقة التحضير 🥣
- نخلط الدقيق مع البيكينج بودر والبيكينج صودا ورشة الملح.
- نخفق الزبده مع السكر ونضيف البيض والفانيليا لحد ما تتجانس المكونات مع بعضها.
- نضيف خليط الدقيق تدريجي مع الاستمرار في الخفق، وبعدين نضيف قطع الشوكولاته ونخلطها كويس في العجينه، هنلاحظ ان عجينة كيك الكوكيز تشبه عجينة البسكويت مش سايله زي عجينة الكيك العادي.
- ندهن صينيه او قالب بالزبده مع رشة دقيق عشان الكيك مايلزقش وبعدين نصب نص العجينه ونفردها كويس ونحط عليها النوتيلا وبعدين نصب باقي العجينه فوق.
- ندخل الصينيه الفرن على الرف اللي في النص على درجة حراره 200 لمدة 25 - 30 دقيقه ونشغل الشوايه اللي فوق لمدة دقيقه لحد ما لونه يبقى دهبي.
- نخرج الكيك من الفرن ونزين السطح بقطع شوكولاته M&M’S ونسيبه يبرد خالص وبعدين نقطعه ونقدمه.
كيك السفن آب بالليمون
المقادير:
4 بيضات
رشة فانيليا
كوب ونصف سكر
معلقة صغيرة برش ليمون
كوب زيت
كوب سفن اب
معلقة كبيرة بيكينج بودر
3 كوب دقيق
طريقة التحضير:
نسخن الفرن على درجة حرارة 180.
- نخلط البيض والسكر والفانيليا لحد ما يتكاثف الخليط نضيف الزيت بالتدريج وبعدين نضيف الدقيق والسفن اب تدريجياً وبعدين نضيف برش البرتقال والبيكنج بودر.
- ندهن الصينيه بالزيت مع رشة دقيق ونصب الخليط في الصينيه وندخلها الفرن لحد ماتستوي
براونيز كيك
المقادير :
كوب زبدة سايلة
كوبين سكر
كوب الا ربع كاكاو خام
4 بيضات
رشة فانيليا + خل
كوب دقيق
رشة ملح
معلقة صغيرة بيكنج بودر
نصف كوب عين جمل مجروش ( اختياري )
نصف كوب شوكولاتة شيبس ( اختياري )
طريقة التحضير
- في بولة نحط الزبدة ويضاف إليها السكر والكاكاو والبيض والفانيليا والخل ونضرب كويس جدًا.
- ننخل الدقيق والملح والبيكنج بودر ونضربهم بالراحه مع الخليط السابق.
- يضاف عين الجمل والشوكليت شيبس ونقلب لحد ما يمتزجوا.
- تبطن صينية مربعة مقاس ٣٠x٣٠ بورق زبدة مدهون بزيت بسيط وتفرد فيها العجينة ونساوي السطح.
- يخبز على الرف الأوسط في فرن درجة حرارته 180 مئوية لمدة 30-35 دقيقة أو حتى تبدأ الحواف في الإنفصال عن الصينية.
- نسيبه يبرد ويرفع بورق الزبدة من الصينية ويقطع مربعات ويحفظ في علبة محكمة الغلق بين طبقات من ورق الزبدة.
مكرونة بدجاج الكيجن
المقادير :
2 صدور دجاج
معلقتين كبار زيت زيتون
معلقة
250 جرام مكرونة اقلام
معلقتين كبار زبدة
3 فصوص ثوم مهروسين
كوب كريمة طبخ
نصف معلقة صغيرة من قشر الليمون
ربع كوب جبنة بارميزان
ملح وفلفل اسود
2 حبة طماطم مقطعة مكعبات
بقدونس طازج مفروم
خلطة بهارات الكاجن:
2 معلقة صغيرة ملح
2 معلقة صغيرة ثوم بودرة
2 معلقة صغيرة بابريكا
معلقة ونصف صغيرة فلفل الأسود
معلقة صغيرة بصل بودرة
ملعقة صغيرة بودرة فلفل احمر حار
ملعقة وربع اوريجانو مجفف
معلقة وربع زعتر مجفف
طريقة التحضير:
اخلطي صدور الدجاج مع توابل الكاجن ومعلقة من زيت الزيتون وسيبيها على جنب
ضيفي معلقة من الزيت في طاسة كبيرة على النار وبعدين ضيفي صدور الدجاج على نار متوسطة لمدة 5 دقائق لكل جانب وارفعيها عن النار
اسلقي المكرونة بالطريقة المعتادة وصفيها واغسليها بماء بارد
ضيفي معلقة زبدة في طاسة على النار لحد ما تذوب وضيفي الثوم مع التقليب لمدة دقيقة
ضيفي كريمة الطهي وقشر الليمون وقلبي كويس وبعدين ضيفي الجبن البارميزان وقلبي لحد ما الجبنة تذوب وتبلي بالملح والفلفل الاسود
ضيفي المكرونة وقلبي وقطعي الدجاج لشرائح طويلة ووزعيها فوق المكرونة وزينيها بالطماطم والبقدونس وقدميها ساخنة
خلطة السبع بهارات العربية
المقادير :
معلقة كبيرة كمون مطحون
معلقة كبيرة كزبرة ناشفة مطحونة
معلقة كبيرة فلفل أسود مطحون
معلقة كبيرة فصوص قرنفل صحيحة
معلقة صغيرة حبهان أو هيل مطحون
معلقة صغيرة قرفة مطحونة
معلقة صغيرة جوزة الطيب مطحونة
الطريقة :
ـ تطحن جميع المكونات كويس في مطحنة التوابل لحد ما تنعم خالص.
ـ تستخدم البهارات دي مع جميع الوصفات لإعطائها نكهة عربية زي الأرز وخلطة الكفتة وتتبيلة المشويات والصواني والطواجن المختلفة وغيرها من الوصفات.
ـ تضاف البهارات دي بالكمية المفضلة على أي وصفة بحيث تضاف كمية قليلة ليكون طعم البهارات معتدل وتضاف كمية أكبر للحصول على طعم واضح وظاهر للبهارات
فيتوتشيني الفريدو
باكيت فيتوتشيني
ربع كوب زبدة
كوبين كريمة طبخ
معلقة صغيرة ملح
ربع معلقة صغيرة ثوم بودرة
كوب الا ربع جبنة بارميزان (مبشورة)
ربع كوب جبنة رومي مبشورة
طريقة التحضير
اسلقي الفيتوتشيني بحسب التعليمات على الباكيت وصفيها واركنيها على جنب
ذوبي الزبدة في حلة واسعة على نار منخفضة وضيفي الملح والثوم البودرة وقلبي.
ضيفي الجبنة البارميزان والجبنة الرومي وقلبي على نار متوسطة لحد ما الجبنة تذوب والمزيج يتقل
ضيفي كريمة الطبخ وخلي المزيج يغلي غلوة واحدة
ضيفي المكرونة المسلوقة وقلبي لحد ما تتغطى بالصوص
قدميها ساخنة مع الدجاج المشوي أو الخضار حسب الرغبة
كساديا اللحمه
خبز التورتيلا:
ربع كيلو دقيق ابيض
ربع كيلو دقيق ذره
5 جرام ملح
15 جرام سكر
250 مل ماء للعجن
حشو اللحمة:
30 مل زيت
200 جرام ستيك مقطع شرائح
100 جرام بصل شرائح
50 جرام صويا صوص
30 جرام وشيستر صوص جاهز
5 جرام ملح
5 جرام فلفل
200 جرام ساور كريم
100 جرام جبنه موتزرايلا
100 جرام جبنه شيدر
لعمل الخبز:
- فى العجان نخلط دقيق ابيض ودقيق اصفر وملح وسكر وزيت ونضيف الماء حبه حبه ونعجنهم مع بعض لحد الحصول على عجينه متماسكه طرية سهلة التشكيل ونقطعها على 6 كرات ونرش دقيق فى بوله ونرص فيها كرات العجينه ونغطيها ونسيبها ترتاح نصف ساعه
- على الرخامه نرش دقيق ونفرد كرات العجينة بالنشابه بسمك رفيع ونقطعها بشكل دائرى وفي طاسه ساخنه على النار نسوى الخبز على كل وجه دققتين ونحطه فى طبق ونغطيه
لعمل حشواللحمه:
- فى طاسة على النار نشوح شرائح اللحمه فى زيت ولما يتغير لونها نرفعها نحطها فى طبق.
فى نفس الطاسة على النار نشوح بصل فى زيت ولما يدبل نضيف صويا صوص وشيستر صوص وملح وفلفل ونضيف اللحمه ونقلبهم مع بعض كويس.
لعمل كساديا اللحمة:
- نجيب طاسة او صينية ونفرد فيها الخبز ونحط فيها ساور كريم ونرش جبنه شيدر وجبنه موتزرايلا ونحط حشو اللحمة ونرش جبنه شيدر وجبنه موتزرايلا ونجيب طبقه من الخبز ونفرد عليه ساور كريم ونقفله كويس زي ما موضح في الصورة
- ندخل الصينيه الفرن على 200 درجه لمدة 10 دقائق ياخد لون بس
راتاتوي (خلطبيطة بالصلصلة)
المقادير
3 حبات كوسة
3 حبات باذنجان ابيض
3 حبات باذنجان اسود
3 حبات بطاطس
3 حبات طماطم
3 حبات بصل
الصوص
بصلة مبشورة
معلقة كبيرة ثوم مفروم
3 معالق كبيرة زيت زيتون
3 حبات طماطم مبشورة
ملح وفلفل اسود
زعتر
طريقة التحضير
- اول حاجه نجهز الصوص: هنشوح البصلة المبشورة في الزيت ونضيف عليها الفلفل الاسود وبعدين نضيف الطماطم المبشورة ونضيف رشة زعتر ونقلب كويس ونسيبها تاخد الطعم من البصل وتتسبك شويه.
- نقطع الخضار حلقات متساوية ونضيف شوية من صوص الطماطم في البايركس ونرص عليها الخضار بشكل فني بالتبادل ونضيف باقي الصوص ونتبلها بالملح والفلفل والثوم والزعتر وقليل من زيت الزيتون
- نغطي القالب بورق الالمونيوم وندخله فرن حامي لمدة 30 دقيقة.
- نشيل ورق الالمونيوم وندخله الفرن 15 دقيقة كمان او لحد ما تاخد لون.
- نقدم طبق الراتاتوي ساخن ونزينه بأوراق الريحان مع أطباق اللحوم أو المشاوي
المقادير:
لتحضير العجينة:
- 3 كأس دقيق
- 3 كأس ماء
- بيضة
- معلقة صغيرة فانيليا
- 3 معالق كبار زبدة
- رشة ملح
لتحضير صوص الشوكولاتة:
- معلقتين كبار كاكاو
- معلقة كبيرة حليب بودرة
- نصف معلقة صغيرة فانيليا
- نصف كأس ماء
للتزيين:
- سكر ناعم
- قرفة مطحونة
طريقة التحضير
- في حلة عميقة على النار نضع الماء مع رشة الملح والفانيليا والزبدة لحد ما الماء يغلي والزبدة تدوب وتمتزج المكونات مع بعضها.
- نبعد الحلة عن النار ونضيف الدقيق دفعة واحدة ونقلبه مع المكونات لحد ما نحصل على عجينة قوامها طري.
- بعد ما تبرد العجينة نضيف البيضة وندعكها مع العجينة كويس.
- نضع القليل من العجينة في القمع المخصص للشورو ونشكل أصابع متساوية منها.
- نقلي الأصابع في زيت غزير بعد تحميته قليلا.
- نخلط الكاكاو والفانيليا والحليب والماء ونحركهم كويس ليصبح صوص الشوكولاتة جاهز.
- نزين اصابع الشورو بالسكر والقرفة حسب الذوق وبجانبها صوص الشوكولاتة لتكون جاهزة للتقديم.
كيكة الميكرويف
المقادير
100 مل ماء ساخن
175 جرام سكر
140 جرام دقيق
3 معالق كبار كاكاو
3 معالق صغيرين بيكينج باودر
بيضتين كبار
معلقة صغيرة فانيليا
كريمة الشوكولاتة للتزيين:
100 جرام شوكولاتة داكنة، نفتتها أجزاء صغيرة
5 معالق كبار كريمة خفق
حبيبات شوكولاتة للتقديم
الطريقة:
ادهنى قالب كيك سيليكون الخاص بالميكرويف بزيت بسيط، او افردي ورق زبدة في القاع.
في طبق كبير نخلط السكر والدقيق والكاكاو والبيكينج بودر.
في طبق تاني، اخفقى الزيت والبيض والفانيليا و 100 مل ماء ساخن لحد ما يمتزجوا كويس.
ضيفى المكونات السائلة إلى المكونات الجافة واخلطيهم كويس لحد مانحصل على خليط متجانس القوام. صبى الخليط في قالب الكيك.
غطي القالب بغطاء بلاستيك صالح للإستخدام فى الميكروويف.
شغلى الميكروويف على درجة حرارة عالية لمدة 7 دقائق.
ارفعي الغطاء البلاستيك وشوفي الكيك استوت ولا لسه
اغرزي عود خشب في الوسط: لو خرج نضيف كده تكون استوت.
سيبي القالب يرتاح لمدة 5 دقائق، وبعدين فرغي الكيك من القالب على رف عشان يبرد.
طريقة الكريمة: ذوبى الشيكولاتة فى الميكروويف على درجة حرارة متوسطة حوالي دقيقتين مع التحريك كل 30 ثانية لحد ما تدوب خالص.
ضيفي الكريمة وإخلطيها كويس لحد ما تبقى ناعمة وبتلمع.
بعد ما تبرد الكيكة، وزعى عليها الكريمة وحبيبات الشوكولاتة
مكرونة الفريدو بالجمبري
المقادير
باكيت مكرونة قلم
نصف كيلو جمبري
معلقة كبيرة زبدة
معلقة كبيرة زيت زيتون
معلقة صغيرة ملح
نصف معلقة صغيرة فلفل أسود
3 فصوص ثوم (مهروس ناعم)
كوبين كريمة طبخ
نصف كوب جبنة بارميزان (مبشورة)
معلقة كبيرة بقدونس (مفروم / للتزيين)
طريقة التحضير
اسلقي الباستا صفيها واتركيها جانباً
سخني الزبدة والزيت في طاسة واسعة على نار متوسطة
ضيفي الجمبري مع نصف كمية الملح والفلفل والثوم وقلبي لمدة 5 دقائق وبعدين ارفعيه من الطاسة وسيبيه على جنب
ضيفي لنفس الطاسة الثوم المتبقي وقلبي لمدة دقيقة
وبعدين ضيفي الكريمة ونصف كمية الجبنة البارميزان وحركي لحد ما الخليط يبدأ بالغليان
عيدي الجمبري للكريمة واتركي المزيج لمدة 3 دقائق يغلي على نار متوسطة.
اغرفي الباستا في طبق التقديم ووزعي الكريمة مع الجمبري فوقها
زيني الطبق بباقي كمية جبن البارميزان والبقدونس المفروم وقدميها ساخنة
بهارات البطاطس المقلية
المقادير:
نصف معلقة كبيرة ملح
نصف معلقة صغيرة كاري
نصف معلقة صغيرة بابريكا
نصف معلقة صغيرة فلفل اسود
ربع معلقة صغيرة ثوم بودرة
طريقة التحضير:
- تخلط جميع المقادير وترش على البطاطس او تحفظ في برطمان لحين الإستخدام.
بطاطس فارم فريتس
كيلو بطاطس مقطعة صوابع
زيت
نقطع البطاطس صوابع ونغسلها وننشفها من الماء كويس بين فوطة نظيفة او مناديل مطبخ.
في زيت غزير سخن نقلي البطاطس على دفعات نصف قلية فقط.
نخرج البطاطس في صينية كبيرة في طبقة واحدة يعني كل واحدة جنب التانية ولما تبرد حطيها في الفريز ساعة على الأقل وبعدين اقليها في الزيت وخرجيها على مناديل ورق تتصفى من الزيت ورشي عليها الملح واي توابل تحبيها
طاجن مكرونة فرن باللحمة المفرومة
المقادير
ربع كيلو لحمة مفرومة
2 بصلة مفرومة
قرن فلفل رومي
قرن فلفل حار (اختياري)
ملح
فلفل اسود
بهارات
رشة سكر
زيت
معلقة صغيرة ثوم مفروم
3 معالق كبيرة خل
نصف لتر عصير طماطم
ملح وبهارات وبابريكا
طريقة التحضير
نشوح البصل بملعقتين زيت ولما لونه يبقى ذهبي نضيف الفلفل الحار او البارد والملح والفلفل الاسود ورشة بهارات ورشة سكر ونضيف اللحمة ونقلب
في حلة على النار نضيف معلقتين زيت عليهم معلقة صغيرة ثوم مفروم ونقلبه لحد ما يحمر وبعدين نضيف 3 معالق كبيرة خل ونضيف نصف لتر عصير طماطم (طماطم مضروبة في الخلاط عادي)
نضيف الملح والبهارات والبابريكا ورشة سكر ونسيب الصلصة تغلي على النار غلوة واحدة
نحضر طاجن او قالب وندهنه زيت ونحط اللحمة المعصجة ونحط فوقها المكرونة النية والغير مستوية وفوقها الصلصة ولازم الصلصة تغطي المكرونة ويمكن تزويد المكرونة مياة مغلية
نغلف الطاجن بورق ألومنيوم وندخله فرن على درجة حرارة 180 لمدة نصف ساعة على الرف الأوسط لحد تمام السوا
نخرج الطاجن ونقلبه في طبق تقديم ونزينه بالقليل من البقدونس
