ملف الأكلات الشامل: 60 وصفة سهلة وسريعة لكل عروسة وست بيت
كيك السينابون بعين الجمل
مقادير الكيك:
2كوب دقيق
نصف كوب سكر
نصف كوب زيت
كوب الا ربع حليب
2 معلقة زبادى
3 بيضات
نصف معلقة بيكينج بودر
2 معلقة حليب بودر
فانيليا
مقادير الحشو:
نصف كوب دقيق
نصف كوب عين جمل مجروش
نصف كوب سكر
ربع كوب زبدة
معلقه كبيرة قرفه
معلقة كبيرة كاكاو خام
للوجه:
علبة حليب محلى مكثف
طريقة التحضير:
نخفق السكر والبيض كويس وبعدين نضيف الزيت ونخفق وبعدين نضيف الزبادى والحليب والحليب البودرة وباقي المكونات ونخفق كويس لحد ما المكونات تتجانس.
نقلب مقادير الحشو مع بعض كويس
نحضر صينيه مقاس 24 او 26 ندهنها زيت ونصب نصف كمية الكيك وفوقها نصف كمية الحشو وبعدين باقي الكيك وعليه باقي الحشو
ندخلها مسخن مسبقا فرن على درجة حرارة 180لمدة 35 : 40 دقيقة
بعد خروجها نضيف للوجه الحليب المحلي
بطاطس باللحمة المفرومة
المقادير:
نصف كيلو لحمة مفرومة
بصلة مفرومة
2 فص ثوم مهروس
2 جزر مفروم
2 عود كرفس مفروم
كوب الا ربع بازلاء مجمدة
2 معلقة كبيرة معجون طماطم
2 كوب مرق لحمة او خضار (480 مل)
معلقة صغيرة زعتر
رشة خل
كيلو بطاطس مقشرة ومقطعة شرائح رفيعة
رذاذ زيت الطهي
طريقة التحضير:
شوحي اللحمة المفرومة مع الكرفس والبصل والثوم والزعتر والجزر.
ضيفي مرقة اللحم او الخضار وصلصة الطماطم والخل وخلي المزيج يغلي
خففي النار وغطيها وسيبيها على نار هادية لمدة 10 دقايق بس.
تبلي بالملح والفلفل الأسود حسب الحاجة.
سخني الفرن مسبقًا على 200 180 درجة مئوية
حطي خليط اللحمة في طبق بايركس، وضيفي البازلاء المجمدة واخلطيهم مع. بعض ورصي شرائح البطاطس فوقها.
رشي شوية زيت بالبخاخ فوق البطاطس ودخليها الفرن لمدة 45 دقيقة تقريبًا لحد ما البطاطس تستوي وتاخد لون ذهبي من فوق.
رشي البقدونس المفروم ورشي القليل من الملح والفلفل الأسود على الوش وقدميها
نجرسكو بالدجاج
باكيت مكرونة اقلام
4 صدور دجاج
2 حبة بصل (كبير الحجم)
2 فلفل رومي (متوسط الحجم)
نصف معلقة صغيره ثوم بودرة
نصف معلقة صغيرة بصل بودرة
معلقة صغيرة ملح
معلقة صغيرة فلفل أسود
4 معالق كبار زيتون شرائح
ربع كوب جبنة شيدر (مبشورة)
ربع كوب جبنة رومي (مبشورة)
2 مكعب مرق دجاج
كوب ونصف حليب
3 معالق كبار دقيق
3 معالق كبار زبدة
معلقتين كبار زيت
بيضة
معلقة كبيرة بقدونس (مفروم)
معلقة صغيرة ريحان (اختياري)
حبة ليمون
طريقة التحضير
قطعي صدور الدجاج
ابدأي اعملي الصوص: حطي معلقة زبدة في حلة على النار مع إضافة الدقيق والتقليب بسرعة عشان الدقيق ما يتكتلش الدقيق ولونه يصفر
في طبق تاني ضيفي الحليب ومرق الدجاج لحد ما مرق الدجاج تذوب فيه، وصبيه على خليط الدقيق والزبدة وقلبي بمضرب سلك وأبعديه عن النار عشان الدقيق يتفكك ورجعيه على النار مرة تانية مع التقليب لحد ما القوام يتقل شويه
ضيفي الجبنة الشيدر والجبنة الرومي المبشورة والفلفل الأسود للصوص لحد ما تذوب الجبنة والخليط يبقا سميك القوام
اسلقي المكرونة في ماء مغلي مملح وفيه قليل من الزيت
حطي معلقة زبدة ومعلقة زيت في طاسة كبيرة وضيفي البصلة المفرومة وخلي البصل لحد ما يذبل، وبعدين ضيفي قطع الدجاج مع التتبيلة وباقي كمية التوابل وحركي لمدة 10 دقائق وضيفي شرائح الفلفل الرومي.
صفي المكرونة واخلطيها مع الزيتون والدجاج والتوابل لحد ما تندمج المكونات وحطيها في صينية فرن مدهونة بالزيت
اخفقي بيضة وضيفيها للصوص وادمجي ثلاث أرباع الصوص مع المكرونة والدجاج، وصبي الباقي على الوجه مع رشة من الجبنة الشيدر
سويها في فرن ساخن مسبقاً على درجة حرارة 180 درجة لحد ما يحمر الوجه ولونه يبقا ذهبي
المقادير:
- كوب حليب دافي.
- نصف كوب سكر.
- بيضتين.
- نصف كوب زبده بدرجة حراره الغرفه.
- 2 معلقه صغيره خميره فوريه.
- رشة بيكنج بودر.
- رشة بيكنج صودا (كربوناتو).
- رشة ملح.
- معلقه صغيره فانيليا سايله او رشة فانيليا بودر.
- 4 كوب دقيق.
طريقة التحضير
- في طبق كبير هنضيف كل المقادير مع بعض ماعدا الدقيق ونخلطهم كويس وبعدين نضيف الدقيق بالتدريج ونعجنهم كويس لحد ما العجينه تلم وماتلزقش في الايد نغطيها ونسيبها تخمر في مكان دافي لمدة ساعه ونصف أو ساعتين.
- نفرد العجينه بالنشابه على رخامه مرشوشه دقيق على شكل مستطيل سُمكه 1 سم تقريباً.
- ندهنها زبده ونبدأ نحشيها والحشو عباره عن كوب سكر بني عليه 4 او 5 معالق كبيره قرفه وممكن تضيفوا نصف معلقة كاكاو او نسكويك.
- نبدأ نلف العجينه بإنتظام وبراحه خالص على شكل رول ونقطعها قطع متساويه بإستخدام خيط تقيل.
- نبدأ نرص القطع بالطول في صينيه فيها ورق زبده أو مدهونه زبده ولازم نسيب مسافه 2 سم بين كل قطعه والتانيه عشان مايلزقوش في بعض.
- نسيبها تخمر ساعه وندخلها فرن مسخن مسبقاً على درجة حراره 200 لمدة ربع ساعه هنلاحظ ان اللون بقى ذهبي فاتح نطلعها ونسيبها 5 دقايق وبعدين نحط عليها الصوص.
طريقة الصوص
- ربع كوب جبنه كريمي
- معلقه كبيره زبده بدرجة حرارة الغرفه
- كوب وربع سكر بودره
- 4 معالق كبيره حليب
- نصف معلقه صغيره فانيليا
- في بوله كبيره نحط المكونات كلها ونخفقها بإستخدام المضرب الكهربائي لحد ما القوام يبقا تقيل
- نحط الصوص على السينابون بعد 5 دقايق من خروجها من الفرن.
