تفريزات رمضان 2026 ملف متكامل يوفر عليكِ الوقت والمجهود طول الشهر

سؤال كتير اتكرر عن طريقة في تفريز البسلة و ليه بنفرزها و مش بتستوي لما بنستخدمها

 هقولك

طريقة تفريز البسلة (البازلاء)

البسلة عشان تفرزيها و تبقي حلوة و تستوي لازم تكون بسلة طرية و طعمها حلو مش ناشفة و يابسة و هي طازة

افضل وقت لتخزين البسلة في أول الموسم شهر ١١ و ١٢ و شهر ١ بتكون البسلة طرية و بتستوي بسرعة فلما تفرزيها هتطلع بتستوي بسرعة كأنها طازة

طريقة التفريز انك تفصصي البسلة و تغسليها لو تحبي و تسيبيها تنشف خالص لو غسلتها

و توضع في أكياس و نخرج منها الهوا و توضع في الفريزر

اهم شيء تكون جافة عشان متعملشي تلج في التفريز

ممكن تضيفي مكعبات جزر معاها عادي 

و هتفضل معاكي سنة كاملة و هتطلع من الفريزر تستوي و طعمها جميل

اه و لما تختاري البسلة تكون لونها أخضر و الحبوب مش كبيرة اوي و ابعدي عن الاصفر بتبقي ناشفة و مش بتستوي

قولوا بقي بتفرزي البسلة ازاي

                                         صلصة الشركات بنفس اللون والقوام والسر في مكونين بس 

تعالي اقولك طريقتى الروووعه في تخزين الطماطم 

يلا الحقي فرزيها لرمضان 

كمية الطماطم اللي انتى حباها تغسليها كويس وتقطعى كل واحدة نصفين

حلة علي النار اضع الطماطم وعليها معلقة سكر و واحدة بنجر صغيرة متقطعة ونخليها لحد لما كل الماية اللي فيها تتبخر وكميتها تقل اطفي عليها

البنجر واحدة صغيرة علي ١٠ كيلو طماطم

اخليها تبرد وبعدين نضربها في الخلاط

مش عاوزاة اقولك قد اية بتبقي حلوة والبنجر بيخلي لونها احمر مش هتحتاجى تحطى صلصة وممكن تصفيها ولكن القشرة بدوب تماما.

#ملحوظه_لناس_اللي_مش_عايزه_تتعب_نفسها

ممكن تخزني الطماطم سليمه هتغسليها كويس وتعبيها في كياس تلاجه ووقت ماتحب تطلع هتحطها في ميه وتفك وتقشرها وع الخلاط ومن غير تصفيه لانك قشرتيها وبس كدا.

دعوه حلوة بقى من قلبكم

                                                    مين بحب الفاصوليا الخضراء 

طريقه تفريز الفاصوليا الخضراء سالتوني كتير عنها بالليف 

طريقه تفريز الفاصولياء الخضراء:

* يجب اختيار كمية طازجة وغير ذبلانه وغير مضروبه من الفاصوليا الخضراء.

*إتغسل الفاصولياء الخضراء جيداً ثم تزال االاطراف والخيط االذي يكون في وسط الفاصوليا الخضراء.

* نقطع الفاصولياء الخضراء إلى قطع واحد سم ونصف تقريبا او حسب الرغبه.

* بماء ساخن ومعلقه سكر توضع الفاصوليا الخضراء على نار مرتفعه .مدة ثلاث دقائق .

* تصفى الفاصوليا الخضراء ثم توضع بماء بارد جدا فيه ثلج حتى تبرد تماما بهذه الخطوة تحافظ الفاصوليا الخضراء على لونها الأخضر الجميل..

* توضع الفاصوليا بأكياس نايلون خاصه للتفريز.

*يوضع في كل كيس قدر طبخه وتوزع الفاصوليا داخل الكيس جيدا.

وصحتين وهنا

افضل طريقة تفريز الكوسة للطبخ وللكوسة البشاميل وشوربة الخضار هتحافظ علي طعم ولون وهتستوي

طبعا الاكل مافيش احسن من الطازج.. بس ساعات بيكون الموسم بتاع مثلا نوع خضار مش موجود بيكون احنا مفرزينه في وقته
الطريقه ديه تنفع تتعمل بيها اي طريقه كوسه بتطبخ دخله في مرحله طبخ فقط...

المكونات 

سهله جدا وحيفضل لونها فاتح ولا حتغمق نهائي معاكي.

كوسة

معلقه سمنه او زيت. هي ديه اللي حتحافظ على لونها

الطريقه 

اقطع الكوسه زي ماتحبي اي شكل ولازم لازم لازم نشيل جزء من القشرة أو نخربشها بمقوار أو شوكة

اجيب طاسه واحطت السمنه تسخن َوانزل الكوسه تتغلف بسمنه كل وحده لمده دقيقه او دقيقتين واقلب واطفي في وقتها.

واسيبها تبرد نهائي لغايه ماالسمنه تشوفها جمدت على كل وحده واحفظها في الفريز

. وبالف هنا...... 

نفس الطريقة تنفع لو قطعتي بطاطس وجزر وكوسة لشوربة الخضار هتشوحيهم بنفس الطريقة

ونفس الطريقة حلوة اوي مع الفاصوليا الخضراء كمان

وفي طريقة تانية كويسة وهي أننا ننزل الكوسة في ماء مغلي لدقيقتين وبعدين نحطها في ماية متلجة ونصفيها ونحفظها في اكياس

بس انا عن تجربة الطريقة الأولي محدش بيحس أن الكوسة مفرزة وطعمها بيبقي جميل

صلوا على الحبيب المصطفى

                                                                تفريز السبانخ 

كيلو سبانخ متنضفه مغسوله كويس ومتقطعه
مايه مغليه
الطريقة
انتقي اوراق السبانخ خضراء طازجه
اغسليها جيدا عدة

                                                    طريقة تفريز القلقاس و السلق

تفريزات القلقاس يبداء بتقشير القلقاس دون غسيل و يمكنك استخدام فوطة او مناديل ورقية لتجفيف القلقاس و تنظيفه.
يقطع القلقاس المكعبات متساوية و يوضع في أكياس التفريز.
أما السلق فيغسل جيدا و يقطع ثم يوضع في مقلاة بها ملعقة صغيرة زيت نباتي و يقلب حتي يتبخر الماء منه تماما.
يترك السلق ليبرد ثم يوضع في أكياس صغيرة و يوضع مع القلقاس ثم الي الفريزر

                                                         تفريز الليمون

نشيله زى ماهو ف الفريزر يخرج كام دقيقه هتاخدى منه ضعف العصير للطازه ...لومستعجله هتحطى الليمون