تفريزات رمضان 2026 ملف متكامل يوفر عليكِ الوقت والمجهود طول الشهر
تفريز الجزر
كيلو جزر متقشر ومغسول ومتقطع مكعبات
يقسم في الاكياس ويفرغ من الهوا ويحفظ في الفريزر
ولو هتفرزي جزر مبشور هتحطي عليه عصرة ليمون وتقلبيه ويوضع في أكياس ونطلع منها الهوا
وعند الاستخدام مش هنسيبه يفك
ولو هتشيليه العصير هنسلقه ونصفيه ويحفظ في أكياس في التلاجة
طريقة تفريز البرتقال
نقوم بشراء كمية من البرتقال ثم نقوم بغسله جيدا من الأتربة
.وبعد ذلك نقوم بتقطيع البرتقال من الطرفين ثم نقوم بنزع باقي القشرة من عليه.
ثم نقوم بتقطيع البرتقال إلي شرائح دائرية ونقوم بحفظه في أكياس الثلاجة أو أطباق فويل.ومن
الشرائح.ونقوم بحفظ الكمية في علب أو أكياس ثلاجة ونخرجه من الفريزر علي الخلاط.
تفريز عصير البرتقال والجزر
جزر مبشور كميه حسب الرغبه
برتقال معصور كميه حسب الرغبه (انا عصرت 16 برتقاله
هتجيبي كيس للتفريز هتضعي في كل كيس 5ملاعق جزر مبشور وتقسمي عليهم عصير البرتقال نصيين وعصرة ليمون بسيطة وعلي الفريزر عدل
اول كيسان عصير لرمضان
باقي الجزر نفرزه في الاكياس لاستخدامه في وصفات الطبخ لرمضان وغير رمضان
كل عام وانتم بخير ورمضان مبارك مقدما دمتم في رضا من الرحمن
ببساطة طريقة تفريز الجوافة من غير فيديوهات تفرهد الباقة فرصة اليومين دول بجد
هتشترى الجوافة من اى سوق جملة ودلوقتي الكيلو ب١٠ جنيه علشان ذروتها
هتغسليها كويس يافندم
هتقطعيها زى ماتحبي
معلقتين
لمونة لكل كيلو يتعصروا عليهم
يتحطوا فى اكياس زى كدا وتضعهم فى الفريزر هيطلعوا معاك فى رمضان زى الزبدة ولونها ابيض وطعمها تحفة...
تخزين كرنب الشتاء الكرنب البلدي المسكر ورخيص وكتير اليومين دول في الأسواق
لما تشتري الكرنبة اشتري الكرنبة الخفيفة تطبلي عليها ولقيتها مهوية يبقي تمام هو دا الكرنب اللي احنا عاوزينه
بلاش تجيبي الكرنبه المكتومة والمضغوطة
بعد كدا قطعي الكرنبة بالسكينة من عند الرأس وشيلي الرأس من الكرنبة حطي حلة عااااالناااار فيها ميه وفيها معلقة خل ومعلقة سكر وبلاش ملح ومعلقة كمون وقلبيهم في المية ولما الميه تبدأ تسخن وتنمل حطي الكرنبه بحالها في الميه وخلي الميه تغطي وش الكرنبه بلاش تغلي الميه اوي عشان كرنب الشتاء بيبقي طري ومش بيتحمل في السلق بعد كدا
متغيبش الكرنبه في السلق عشان كرنب التخزين مش بيتسلق اوي اقلبي الكرنبه تتسلق من الناحيه التانيه والورقه اللي تلاقيها اتسلقت وطريت شيليها علطول حطيها تحت الميه وتحطيه في مصفاه يصفي ميته امسكي كل ورقة شيلي العنقود من الورق ولفيها رول وقطعيها مربعات
اللي تحبيها بعد كدا رصيه في اكياس تخزين أو اطباق جاهزة وغطيها بورق الاسترش ودخليه الفريرز هيقعد معاكي من السنة للسنة وقبل الاستخدام طلعيه قبلها بكام ساعه عشان يفك
هتعملي احلي محشي كرنب لا هيجلد منك والا هيتقطع منك زى ما يكون عملاه فريش
ملحوظة / في ناس بتحب تخزن كرنب البطة زى ماانتي عاوزة ياحبيبتي اللي ترتاحي فيه اعمليه
صلصه المحشي هتشيلها من السنة لسنة
٦ حزم خضره
(شبت ــ بقدونس ـ كسبرة
٣ كيلو طماطم
نعناع حسب الرغبه
كيلو و نص بصل
٩ فصوص ثوم
٦ فلفلات رومي اخضر او احمر
كوب زيت
٣ مكعبات مرقة
البهارات
ملح حسب الرغبة
معلقة كبيرة سكر
٣ معالق صغيرين فلفل اسود
معلقتين كبار كمون
٣ معالق كبيرة كزبرة
معلقه شطة او بربيكا
معلقتين بهارات لحمة
الطريقه
هنقطع الخضره زي ما تحبي
هنجيب حله و نحطها على النار هنحط نص كمية البصل متقطعه تقطيع خشن و هندعكها بملح و فلفل و نحمرها لحد ما تبقي دهبي
هنجيب الخلاط هنحط فيه باقي كمية البصل و الطماطم و الفلفل و توم و هننزل
و هنحط البهارات عليها
هنسبها تبرد لحد تفضل تبقا برده خالص ( سقعة) هنزل الخضره و نقلبها و بعد كدا هنقسمهم على اكياس كل كيس نص كيلو و كدا هتبقي عندنا صلصة محشي على الاستخدام علطول بالف هنا
