الفول في رمضان | فوائد الفول وطرق تقديمه على السحور

                                      الفول في رمضان | فوائد الفول وطرق تقديمه على السحور

يُعد الفول من أهم الأكلات الأساسية في رمضان، وخصوصًا على مائدة السحور، لأنه يمنح الجسم طاقة طويلة المدى ويساعد على الشعور بالشبع أثناء الصيام. يتميز الفول بقيمته الغذائية العالية وسهولة تحضيره، بالإضافة إلى تنوع طرق تقديمه التي تناسب جميع الأذواق. في هذا المقال سنتعرف على فوائد الفول في رمضان، وأفضل طرق تحضيره وتقديمه لسحور صحي ومتكامل.

                                                               تدميس الفول 

المكونات:
• نص كيلو فول مدمس
• نص معلقة صغيرة كربوناتو
• نص ليمونة بقشرها
• كوب فول مدشوش
• معلقة صغيرة كركم مذابة في نص كوب ماء

الطريقة:
 

اغسلي الفول كويس جدًا،

بعد النقع، اشطفي الفول كويس من ماء النقع وتخلصي من الكربوناتو.

حطيه في الدماسة أو حلة، وضيفي عليه ماء بمقدار 3 أضعاف كمية الفول، مع نص ليمونة بقشرها عشان ما يسودش.

ارفعي الحلة على النار واسيبيه يغلي لمدة ربع ساعة، وبعدها وطّي النار على أقل درجة.

الفول ممكن يستوي في 3 ساعات أو أكتر حسب نوعه، ولو احتاج ماء، زوّدي ماء ساخن فقط.

بعد مرور ساعتين، انقعي كوب فول مدشوش، وفي آخر ساعة من التسوية، صفيه وضيفيه للفول.

ذوّبي معلقة كركم في نص كوب ماء وضيفيها للفول، وقلّبي كويس، وسيبيه يكمل تسويته.

نصيحة مهمة: بعد ما يستوي، اقفلي عليه الغطا وسيبيه يبرد تمامًا قبل ما تفتحيه عشان ما يسودش.

بعد ما يبرد، احفظيه في أكياس في الفريزر، وطلّعي كيس وقت الاستخدام.

بالهنا والعافية

المقادير:
• 1 كوب فول مدمس ساخن
• 2 معلقة كبيرة زبدة
• 6 فصوص ثوم مقطعة شرائح
• 1 بصل أخضر مقطع
• 2 فلفل أخضر حار شرائح (اختياري)
• 4 طماطم منزوعة البذور ومقطعة مكعبات
• 1 معلقة كبيرة معجون طماطم
• ¼ كوب خل
• ¼ كوب ماء
• 100 جرام بسطرمة مقطعة شرائح
• ملح وفلفل وكمون حسب الرغبة
• 4 بيضات
• عيش بلدي للتقديم

الطريقة:
 

سخّني الزبدة في طاسة، وضيفي الثوم والبصل الأخضر وقلّبي لحد ما يطلع ريحتهم.

ضيفي البسطرمة وقلّبيها دقيقة لحد ما تنزل نكهتها.

ضيفي الفلفل الحار، الطماطم، الخل، الملح، الفلفل، الكمون، ومعجون الطماطم، وقلّبي لحد ما الطماطم تذبل.

ضيفي الفول والماء، وقلّبي كويس لحد ما يتجانس كله.

في طاسة تانية، اقلي البيض حسب رغبتك، وحطيه على وش الفول.

قدّميه سخن مع عيش بلدي واستمتعي بأحلى طبق فول بالبسطرمة والبيض.

بالهنا والشفا 

المقادير:
• 1 كوب فول مدمس ساخن
• 1 فص ثوم مهروس
• 3 معالق كبار زيت
• 2 معلقة كبيرة طحينة
• 1 معلقة صغيرة خل أو عصير ليمون
• ملح، فلفل أسود، كمون
• ماء ساخن للتخفيف

الطريقة:
 

سخّني الزيت في طاسة على النار، وضيفي الثوم المهروس وقلّبيه لحد ما لونه يبقى ذهبي.

في بولة، اخلطي الطحينة مع الخل (أو الليمون) ورشة ملح، وقلّبي مع إضافة ماء ساخن تدريجيًا لحد ما القوام يبقى خفيف.

سخّني الفول، وضيفي عليه الثوم المحمّر، وقلّبي كويس.

صبّي خليط الطحينة على الفول، وقلّبي لحد ما يمتزج كله.

تبّلي بالفلفل والملح والكمون، وقدّميه سخن مع عيش بلدي.

بالهنا والشفا 

المقادير:
• 1 كوب فول مدمس ساخن
• 3 معالق كبار زيت
• 2 معلقة كبيرة خل
• 2 فص ثوم مهروس
• 1 معلقة صغيرة كمون
• 1 معلقة صغيرة كزبرة ناشفة
• 1 معلقة صغيرة ملح
• ½ معلقة صغيرة فلفل أسود
• عصير ½ ليمونة