كل وصفات العيد في ملف واحد بالتفصيل

                                                             فتة الكوارع 

المقادير:

الكوارع:
• كوارع مقطعة ومتنضفة كويس
• مياه وخل ولمون ودقيق وملح وفلفل أسود (للنقع)
• 1 بصلة كبيرة (مكعبات كبيرة)
• 2 طماطم كبيرة (مكعبات كبيرة)
• 2 معلقة كبيرة صلصة
• زيت وسمنة
• ثوم مفروم
• بهارات لحمة
• ورق لوري – حبهان – قرنفل – قرفة – كُبيبة صيني – ورد بلدي (اختياري)

الأرز:
• 2 كوب رز مصري
• 1 معلقة صغيرة ملح
• شوربة الكوارع (للتسوية)

الصلصة:
• 500 مل عصير طماطم (حوالي 3 أكواب)
• 1 معلقة صغيرة ملح
• 1 معلقة صغيرة بابريكا
• 1/2 معلقة صغيرة فلفل اسود
• 1/2 معلقة صغيرة سكر

الخبز المحمص:
• 3 أرغفة عيش بلدي متقطع مكعبات
• 2 معلقة كبيرة زبدة سايحة
• 1/2 معلقة صغيرة ملح

طريقة التحضير:

تحضير الكوارع:
• ننقع الكوارع في مياه وخل ولمون ودقيق وملح وفلفل أسود وثوم مفروم وبهارات لحمة لمدة من 2 لـ 5 ساعات.
• نغليها غلوة في مياه على النار ونصفيها.
• في حلة، نشوح البصل في سمنة وزيت، نضيف الثوم، وبعده الطماطم والصلصة، ولما تدبل نضيف البهارات.
• ننزل بالكوارع ونشوحها، نضيف كوبين مياه للصلصة تتسبك، ولما تنشف نكمل تسوية بمياه جديدة على نار هادية.
• نسيبها تستوي ساعة على نار عالية ونطفيها، ولما تبرد نرجع نغليها تاني وتكمل سواها على هادي (لو كوارع كبيرة ممكن توصل لـ 3 ساعات).
• نحضر صلصة دهن الكوارع: نشوح بصل وثوم في سمنة، نضيف صلصة وبهارات وكوب مياه، نسيبها تتسبك وتنشف.
• ندهن الكوارع بالصلصة ونحطها في صينية على النار تاخد لون، وبعدين ندخلها تحت الشواية تتحمر.

تحضير الأرز:
1. نغسل الرز كويس، ونشوحه في شوية سمنة أو زبدة، ونضيف عليه شوربة الكوارع وملح، ونسيبه لحد ما يستوي.

تحضير الصلصة:
1. في طاسة، نغلي عصير الطماطم مع الملح، البابريكا، الفلفل والسكر، ونسيبها تتسبك على نار هادية لحد ما تقطع.

تحمير العيش:
1. نحمص مكعبات العيش في الزبدة السايحة، ونرش عليها رشة ملح.

التقديم:
نرص العيش في طبق التقديم، وفوقه الرز، وبعدين نوزع الصلصة، وآخر حاجة نرص الكوارع ونغرف شوية شوربة سخنة من فوق.

بالهنا والشفا

                                                 طاجن ورق عنب بالكوارع 

المقادير:

للحشو:
•

                                                         الريش المشوية في الطاسة 

المقادير:
• 1 كيلو ريش ضاني
• 1/2 كوب عصير بصل (ماية بصل)
• 1 معلقة صغيرة ملح
• 1 معلقة صغيرة فلفل اسود
• 1 معلقة صغيرة 7 بهارات
• 1 معلقة كبيرة خل

الطريقة:
1. نحط الريش في طبق واسع، ونتبلها بعصير البصل، الملح، الفلفل، السبع بهارات، وشوية الخل.
2. نغطيها ونسيبها تتتبل في التلاجة من ساعتين لـ 6 ساعات (وكل ما تقعد أكتر، الطعم يعلى).
3. نسخن طاسة تيفال أو جريل على نار عالية وننزل الريش فيها من غير زيت.
4. أول ما تاخد لون من ناحية، نقلبها على الناحية التانية، وبعدين نوطي النار ونغطيها علشان تكمل سواها بهدوء.

السر؟
تسوية على نار هادية بعد التشويح = لحمة طرية ومش ناشفة 

                                                        فخدة ضاني مشوية 

المقادير:

لتتبيلة الفخدة:
• فخدة ضاني
• 1 كوب زبادي
• 1/4 كوب خل
•

                                        الكباب المشوي في البيت بكل أسراره 

المقادير:

تتبيلة الكباب:
• 1 كيلو لحمة فلتو
• 1 كوب عصير بصل
• 1 كوب عصير طماطم
• 1 معلقة صغيرة ملح
• 1 معلقة صغيرة فلفل اسود
• 1 معلقة صغيرة بابريكا
• 1 معلقة صغيرة سماق
• 1 معلقة صغيرة بهارات
• 1 معلقة صغيرة بودرة توم
• 1 معلقة صغيرة بودرة بصل

السلطة الخضرا:
• بصل
• طماطم
• فلفل رومي أو فلفل حار
• بقدونس
• شبت
• كمون
• ملح
• كزبرة
• فلفل اسود

سلطة البطاطس:
• بطاطس مسلوقة ومقطعة مكعبات
• توم
• فلفل اسود
• كزبرة
• ملح
• كمون
• بقدونس
• شبت

طريقة التحضير:
1. نخلط كل مكونات التتبيلة مع بعض كويس جدًا، ونحط اللحمة فيها، وتسيبها تتتبل من 4 ساعات لحد ليلة كاملة في التلاجة.
2. نرص قطع اللحمة على شبكة الشوي، ونحط تحتها صينية فيها شوية مية سخنة علشان البخار.
3. ندخلها فرن سخن جدًا على حرارة 260 لمدة 25 دقيقة، وبعدين نهدّي الحرارة لـ 240 ونكمل التسوية لحد ما اللحمة تستوي وتطرى.

التقديم:
نقدم الكباب مع السلطة الخضرا وسلطة البطاطس، ومعاهم عيش بلدي وسلطات جانبية زي بابا غنوج أو طحينة وبالهنا والشفا 

المقادير:
• ½ كيلو لحمة مفرومة (يفضل نسبة دهن 20%)
• 1 بصلة متوسطة مبشورة ومصفاة من الماء
• 2 ملعقة كبيرة بقسماط ناعم
• 1 ملعقة صغيرة ملح
• ½ ملعقة صغيرة فلفل أسود
• ½ ملعقة صغيرة بابريكا
• ½ ملعقة صغيرة بهارات لحمة
• ½ ملعقة صغيرة بودرة ثوم
• ½ ملعقة صغيرة بودرة بصل
• 2 ملعقة كبيرة ماء بصل (المصفى)
• 1 ملعقة كبيرة زيت (للطهي)

طريقة التحضير:
• في بولة، اخلطي اللحمة مع البصل المبشور والبقسماط والتوابل وماء البصل، واعجني الخليط كويس لحد ما يبقى متماسك.
• غطيها وسيبيها في التلاجة ساعة عشان النكهات تتجانس ومتفرولش أثناء التسوية.
• شكلي الكفتة على شكل كرات متساوية الحجم بإيد مبلولة بماء البصل عشان تفضل طرية ومتلمعة بعد التسوية.
• سخني طاسة على نار متوسطة وضيفي الزيت.
• رصي كرات الكفتة في الطاسة، وسيبيها تتحمر من كل الجوانب من غير ما تقلبيها كتير عشان تحافظ على شكلها.
• لما توصل لمرحلة التسوية النهائية، ضيفي ملعقة صغيرة من ماء البصل مع معلقة صغيرة زيت على الكفتة في آخر دقيقة، وقلبيها بسرعة عشان تاخد لمعة طبيعية من غير أي إضافات غريبة.
• غطي الطاسة دقيقة واحدة على نار هادية عشان تحتفظ بالطراوة.

بالهنا والشفا 

                                                 صينية تورلي باللحمة 

المقادير:
• 1/2 كيلو لحمة مكعبات
• 2 بطاطس كبيرة مقطعة مكعبات
• 2 جزر مقطع حلقات أو مكعبات
• 1 كوب بسلة
• 1/2 كوب فاصوليا خضراء
• 1 فلفل رومي (ممكن ألوان)
• 1 بصلة كبيرة مفرومة
• 3 فصوص توم مفروم
• 2 معلقة كبيرة صلصة طماطم
• 1 كوب عصير طماطم
• 2 معلقة كبيرة زيت
• 1 معلقة صغيرة سمن
• ملح – فلفل اسود – بهارات لحمة – رشة قرفة (اختياري)

الطريقة:
1. تشويح اللحمة:
• في حلة، نشوح البصل في الزيت والسمنة، ونضيف التوم، ثم اللحمة لحد ما تاخد لون.
• نرش التوابل ونقلب، وبعدين نضيف شوية مية ونغطيها ونسيبها تستوي نص تسوية.
2. تحضير الخضار:
• لو البطاطس أو الجزر كبار، ممكن نقليهم نص قلية (اختياري)، أو نستخدمهم نايمين زي ما هما.
3. تحضير الصوص:
• نضيف صلصة الطماطم وعصير الطماطم على اللحمة، ونسيبهم يتسبكوا شوية.
• نحط كل الخضار مع اللحمة والصوص، ونقلبهم كويس.
4. الفرن:
• نصب الخليط في صينية فرن، ولو محتاجة شوية مية نزود.
• نغطيها بورق فويل، وندخلها فرن سخن على 200 لمدة 40 دقيقة.
• في آخر 10 دقايق، نشيل الفويل ونسيبها تتحمر.

التقديم:
مع رز أبيض أو عيش بلدي وبالهنا والشفا

                                            الجلاش باللحمة المفرومة 

المكونات:
• 1 لفة جلاش
• 250 جرام لحمة مفرومة
• 1 بصلة مفرومة
• 1 ملعقة صغيرة ثوم مفروم
• 2 ملعقة كبيرة سمنة
• ملح وفلفل أسود حسب

للوجه:
• 1 بيضة
• 1 كوب لبن
• رشة فلفل أسود

الطريقة:
في طاسة على نار متوسطة، شوحي البصل في ملعقة سمنة لحد ما يذبل، وبعدها ضيفي الثوم وقلبيه لثواني، ثم انزلي باللحمة المفرومة وشوحيها لحد ما لونها يتغير. ضيفي الملح والفلفل الأسود وقلبي كويس، وبعد ما تستوي اللحمة، ضيفي الزيتون والفلفل الرومي وقلبيهم دقيقة، ثم ارفعيها من على النار واتركيها تبرد.

ادهني صينية بالسمنة، وافردي نصف كمية الجلاش مع دهن كل طبقتين بالسمنة، ثم ضيفي الحشوة ووزعيها كويس، وبعدها ضيفي ميكس الجبن. كمّلي باقي طبقات الجلاش بنفس الطريقة، مع دهن كل طبقتين بالسمنة، وآخر طبقتين خلي الأطراف متداخلة لتحت عشان الشكل يكون مظبوط.

ادهني الوجه بسمنة سايحة وسيبي الصينية ترتاح في الهواء لمدة 10 دقائق عشان الجلاش يجمد شوية. بعد كده قطعيه بالحجم اللي تحبيه، وامزجي البيضة مع اللبن والفلفل الأسود واسقي بيهم الجلاش.