كل أنواع المقبلات والسلطات بالتفصيل بالصوَر والطريقة
فاهيتا الدجاج بألوان مبهجة وطعم ولا أروع!
المقادير:
2 صدور دجاج مقطعة شرائح رفيعة
1 فلفل ألوان (أحمر، أصفر، أخضر) شرائح
1 بصلة متوسطة شرائح
2 فص ثوم مفروم
2 ملعقة كبيرة زيت زيتون
1 ملعقة صغيرة بابريكا
½ ملعقة صغيرة كمون
½ ملعقة صغيرة كزبرة ناشفة
½ ملعقة صغيرة ملح
¼ ملعقة صغيرة فلفل أسود
عصير ½ ليمونة
طريقة التحضير:
سخني طاسة على نار عالية وحطي زيت الزيتون.
نزلّي الدجاج وقلّبيه لحد ما ياخد لون ذهبي.
ضيفي الثوم والبصل وقلّبيهم شوية.
بعدها ضيفي الفلفل الألوان مع التوابل، وكملي تقليب لحد ما الدجاج يستوي والفلفل يفضل طري ومقرمش.
أخيرًا، اطفي النار وضيفي عصير الليمون وقلّبي كويس.
قدميها سخنة مع خبز التورتيلا أو كطبق جانبي لذيذ مع أي وجبة.
الباذنجان المقلي بالتتبيلة الحارة… طعم يفتح النفس!
المقادير:
½ كيلو باذنجان صغير
4 فلفل حار
5 فصوص ثوم
1 ملعقة كبيرة كمون
1 ملعقة صغيرة شطة خشنة
¼ كوب كزبرة خضراء مفرومة
2 ملعقة كبيرة خل
2 ملعقة كبيرة عصير ليمون
ملح حسب الرغبة
طريقة التحضير:
اغسلي الباذنجان كويس، نشفيه، واعملي فيه شق بالنصف. رشيه بملح وسيبيه 10 دقايق علشان ينزل المية.
اقليه في زيت سخن غزير على نار متوسطة لحد ما يدبل وياخد لون دهبي مقرمش.
حضّري التتبيلة: في الكبة افرمي الفلفل الحار مع الثوم، الكمون، الشطة والملح لحد ما يبقى عجينة.
ضيفي الخل، عصير الليمون والكزبرة، واخلطي تاني لحد
طلعي الباذنجان من الزيت على مناديل ورق علشان يتصفى من الزيت الزيادة.
رصي الباذنجان في طبق التقديم واحشيه بالتتبيلة الحارة.
قدميه جنب العيش البلدي أو مع أكلاتك المفضلة، هيبقى طبق يجنن!
السمبوسة المقرمشة… طعم يذوب في الفم!
المقادير:
1 عبوة سمبوسة جاهزة
2 كوب حشو حسب الرغبة (جبنة / لحمة / خضار)
2 ملعقة كبيرة دقيق مذوبة في ½ كوب مية (للقفل)
زيت غزير للقلي
حشو الجبنة:
1 كوب جبنة بيضا مفتتة
½ كوب جبنة رومي مبشورة
رشة زعتر أو شبت مفروم
حشو اللحمة:
½ كيلو لحمة مفرومة
بصلة مبشورة
ملح + فلفل أسود + بهارات لحمة
طريقة التحضير:
طلّعي أوراق السمبوسة وفكيها براحة.
حضّري الحشوة:
جبنة: اخلطي الجبن مع الزعتر أو الشبت.
لحمة: شوّحي البصلة مع شوية زيت، ضيفي اللحمة والبهارات لحد ما تستوي وتنشف ميتها.
خدي شريحة سمبوسة، وحطي ملعقة صغيرة من الحشو على الطرف.
لفّيها مثلثات، وادهني الأطراف بخليط الدقيق والمية علشان تتقفل كويس.
سخني زيت غزير واقليها على نار متوسطة لحد ما تبقى دهبية ومقرمشة.
طلعيها على ورق مطبخ علشان تتصفى من الزيت الزيادة.
قدميها سخنة مع كاتشب أو صوص على مزاجك… و بالهنا والشفا
بطاطس بورية باللحمة المفرومة… أكلة بيتي ملوكية!
المقادير:
لحمة مفرومة معصجة
2 كيلو بطاطس
4 ملاعق كبيرة زبدة
1 كوب حليب
2 بيضة
ملح + فلفل أسود حسب الرغبة
(اختياري) جبنة موتزاريلا أو شيدر للوش
طريقة
اسلقي البطاطس، قشريها واهرسيها وهي سخنة.
ضيفي الزبدة والحليب وقلّبي كويس لحد ما الخليط يبقى كريمي، وتبّليه بالملح والفلفل.
افردي نص الكمية في قاع صينية بايركس، وحطي فوقها طبقة اللحمة المفرومة.
وزّعي باقي البطاطس على الوش وسوّيها كويس.
اخفقي البيض مع ¾ كوب حليب + رشة ملح وفلفل، وادهني بيهم الوش.
(اختياري) رشي جبنة موتزاريلا أو شيدر للوش.
دخّلي الصينية الفرن على 170° لمدة نص ساعة لحد ما الوش يستوي وياخد لون دهبي جميل.
قدميها سخنة جنب سلطة خضرا أو طحينة… هتبهرك الطعم والريحة
سر السلطة الطازة!
أوعي تحطي الملح على السلطة بدري قبل الأكل…
لأن الملح هيخلي الخضار يدبل وينزل ميته.
الحل: ضيفي الملح قبل الأكل على طول علشان الخضار يفضل مقرمش وطازة.
ولو عايزة نكهة مميزة للسلطة:
رشة شبت
عصير ليمون
حتة ثوم صغيرة
سلطة فاهيتا دجاج
السلطة دي تعتبر وجبة متكاملة.. غنية بالبروتين، خفيفة ومليانة نكهات
المقادير:
مقادير الصوص:
1 كوب زبادي
2 م.ص عصير ليمون
1 م.ص بهارات فاهيتا
1 م.ص بهارات مشكلة
مقادير السلطة:
2 صدر دجاج مقطع شرائح بالطول
2 كوب فلفل ألوان مقطع
1 بصلة مقطعة شرائح
2 كوب خس مقطع
نصف م.ص شطة بودرة
1 م.ص ملح
1 م.ص فلفل أسود
2 م.ص زيت نباتي
خبز محمص مقطع للتقديم
طريقة التحضير:
سخني الزيت، وشوحي الدجاج لحد ما لونه
تبليه بالملح، الفلفل، الشطة، بهارات الفاهيتا والمشكلة.
أضيفي البصل والفلفل وقلبي لحد ما الدجاج يستوي.
لتحضير الصوص: اخلطي الزبادي مع عصير الليمون والبهارات لحد ما يتجانس.
في طبق التقديم: وزعي الخس، فوقه الدجاج والخضار، وزيني بالصوص والخبز المحمص.
نصيحة: جربي تعصري شوية ليمون على السلطة بعد التقديم أو زودي مكعبات خبز محمصة للقرمشة
المشروم المقرمش… سناك خفيف ولذيذ!
المقادير:
2 كوب مشروم طازة
1 كوب دقيق
¼ كوب نشا
¼ ملعقة صغيرة بيكنج بودر
¼ ملعقة صغيرة ملح
رشة فلفل أسود
1 كوب ماء
2 كوب بقسماط مطحون
طريقة التحضير:
في طبق كبير اخلطي الدقيق + النشا + البيكنج بودر + الملح + الفلفل.
ضيفي الماء تدريجيًا وقلّبي لحد ما يتكون خليط متجانس.
غمسي المشروم في الخليط، وبعدها في البقسماط المطحون.
اقليه في زيت غزير سخن لحد ما ياخد لون دهبي مقرمش.
قدميه سخن مع الصوص المفضل عندك (زي رانش، باربكيو أو كاتشب).
النتيجة: مقرمش من بره وطري من جوه… تحفة!
الجبنة المقلية المقرمشة… هتنسيك كل السناكس!
المقادير:
1.5 كوب بقسماط
¾ كوب دقيق
2 بياض بيضة + 2 ملعقة كبيرة مية
250 جم أصابع جبنة موتزاريلا أو رومي
½ ملعقة صغيرة ثوم بودر
½ ملعقة صغيرة زعتر
½ ملعقة صغيرة ملح
زيت للقلي
طريقة التحضير:
اخلطي الدقيق مع الملح في طبق، وفي طبق تاني اخلطي البقسماط مع الزعتر والثوم البودر.
غمّسي أصابع الجبنة في الدقيق
رصيها في صينية، غطيها بكيس نايلون، وحطيها في التلاجة نص ساعة علشان تتماسك.
سخني زيت غزير على نار متوسطة، واقلي الأصابع لحد ما تبقى دهبية ومقرمشة.
طلّعيها على مناديل مطبخ تتصفى من الزيت الزائد.
قدميها سخنة مع صوص كاتشب أو رانش أو باربكيو… الطعم تحفة!
أصابع الجلاش باللحمة المفرومة… مقرمشة من بره ولذيذة من جوه!
المقادير:
1 باكيت جلاش (حوالي 20 ورقة)
500 جم لحمة مفرومة
1 بصلة متوسطة مفرومة
2 فص ثوم مهروس
2 ملعقة كبيرة زيت نباتي
1 ملعقة صغيرة بهارات لحم
