كل أنواع المقبلات والسلطات بالتفصيل بالصوَر والطريقة
وصفة كريمية ولذيذة.. الطبق المثالي جنب اللحوم والفراخ المشوية
المقادير:
4 حبات بطاطس مسلوقة ومبشورة
¼ كوب حليب
4 م.ك زبدة
3 فصوص ثوم مهروس
1 م.ص ملح
بقدونس مفروم للتزيين
طريقة التحضير:
اهرسي البطاطس مع الزبدة والحليب كويس لحد ما يبقى الخليط ناعم وكريمي.
ضيفي الثوم المهروس + الملح، وقلبي لحد ما تتجانس المكونات.
اغرفيها في طبق التقديم، وزيني بالبقدونس المفروم.
قدميها سخنة جنب اللحوم أو الفراخ المشوية، وهتخلي سفرتك شكلها وطعمها أفخم بكتير
جمبري مشوي بتتبيلة مميزة
لو بتحبي الجمبري، لازم تجربيه بالطريقة دي.. طعم تحفة وسهل جداً
المكونات:
½ كيلو جمبري كبير مقشر
2 م.ك زيت زيتون
2 فص ثوم مهروس
1 م.ص بابريكا
½ م.ص كمون
½ م.ص كزبرة ناشفة
1 م.ك عصير ليمون
½ م.ص شطة (اختياري)
ملح + فلفل أسود حسب الرغبة
أسياخ خشبية (منقوعة في ماء 30 دقيقة)
طريقة التحضير:
اخلطي زيت الزيتون مع الثوم، البهارات، عصير الليمون، والملح والفلفل.
غلفي الجمبري بالتتبيلة وسيبيه في التلاجة نص ساعة.
اغرزي الجمبري في الأسياخ، واشويه على شواية أو طاسة جريل مدهونة زيت.
اقلبيه بعد 2-3 دقائق لكل جانب لحد ما ياخد لون دهبي شهي.
قدميه سخن مع سلطة طازة أو عيش مقرمش، وهتاكلي أحلى جمبري مشوي
حلقات بصل مقرمشة زي المطاعم
لو نفسك تعملي سناك خفيف ولذيذ، جربي حلقات البصل المقرمشة.. سهلة وهتعجب الكل
المكونات:
3 بصلات كبيرة مقطعة حلقات سميكة
1 ونص كوب دقيق
1 م.ص بيكنج بودر
1 م.ص ملح
رشة فلفل أسود
2 بيضة
1 كوب حليب
1 كوب بقسماط مطحون
زيت للقلي
طريقة التحضير:
اخلطي الدقيق مع البيكنج بودر والملح والفلفل. غطي حلقات البصل بالخليط وسيبيها على جنب.
اخلطي البيض مع الحليب، وغمسي البصل فيه.
غلفي الحلقات بالبقسماط كويس لحد ما تتغطى تمامًا.
اقليها في زيت متوسط السخونة لحد ما تبقى دهبية ومقرمشة.
طلعيها على مناديل مطبخ عشان تشرب الزيت الزائد.
قدميها سخنة مع كاتشب أو مايونيز أو أي صوص بتحبيه!
لو بتحبي الجبنة مع ريحة الثوم المشوي، الوصفة دي هتكون إدمان عندك
المكونات:
أي نوع خبز تفضليه (فينو، باغيت أو توست)
2 كراث
2 رأس ثوم كاملة
125 جم زبدة طرية
1 م.ك ميسو (اختياري بس بيفرق الطعم
1/2 م.ك رقائق شطة
خليط جبنة (موزاريلا + بارميزان)
بقدونس مفروم للتزيين
1-2 م.ك عسل (اختياري)
زيت زيتون + ملح + فلفل أسود
طريقة التحضير:
اقطعي الثوم والكراث من فوق، ورشي عليهم زيت زيتون + ملح + فلفل. لفيهم في فويل كويس ودخليهم الفرن على حرارة 180° لمدة ساعة تقريبًا لحد ما يكرملوا ويبقوا طرية ودهبي.
طلعيهم من القشر، واهرسيهم مع الزبدة، الميسو، الشطة، ورشة ملح وفلفل.
افتحي الخبز بالطول أو اعملي شقوق، وادهنيه بخليط الزبدة.
رشي الجبنة بكميات سخية
، ودخلي الفرن 15-20 دقيقة على 180° لحد ما ياخد لون دهبي.
طلعيه ورشي البقدونس وقدميه فورًا.
ممكن ترشي عسل خفيف فوق الوش بعد ما يطلع.. هيخلي الطعم خرافي
خيار مخلل بيتي في يومين بس!
لو بتحبي المخللات مع الأكل، جربي الوصفة دي.. هتخلي الخيار مقرمش وطعمه يجنن
المقادير:
1 كيلو خيار صغير الحجم
4 م.ك كبار ملح
1/2 كوب خل
5 فصوص ثوم
4 أكواب ماء (أو حسب حجم البرطمان)
الطريقة:
سخني المية مع الخل والملح في حلة على النار لحد ما يغلي.
بعد الغليان، ارفعي الحلة وضيفي الخيار مع فصوص الثوم.
غطي الحلة وسيبيه يبرد تمامًا.
وزعي الخليط (الخيار + الثوم + المحلول) في برطمان زجاج محكم الغلق.
سيبيه يومين في مكان بارد وهيبقى جاهز للأكل مقرمش ولذيذ
جربيه مع الساندوتشات أو الأكلات الشرقية، هيفرق جدًا في الطعم!
سلطة الحمص بالخضار المنعشة
لو نفسك في طبق صحي وخفيف، جربي سلطة الحمص بالخضار.. مليانة ألوان وطعم لذيذ ومليانة فوائد
المقادير:
1 كوب حمص مسلوق ومتصفى
1 طماطم مفرومة
1 خيار مفروم
1 عود بصل أخضر مفروم
1/4 كوب بقدونس مفروم
2 م.ك نعناع فريش مفروم
3 م.ك عصير ليمون
1 م.ك زيت زيتون
1/2 م.ص ملح
1/4 م.ص كمون
الطريقة:
اخلطي الحمص مع الطماطم، الخيار، والبصل الأخضر.
أضيفي
تبلي بالملح والكمون وعصير الليمون.
رشي زيت الزيتون وقلبي الكل كويس.
قدميها باردة وزينيها بشوية بقدونس أو نعناع.
نصيحة: ممكن تزودي رشة فلفل أسود أو دبس رمان لمذاق أحلى وأغنى
سلطة السيزر على أصولها
