كل أنواع المقبلات والسلطات بالتفصيل بالصوَر والطريقة

من أشهر السلطات في العالم.. طعمها غني ومليان نكهات! جربي سلطة السيزر بخطوات بسيطة وهتعجب كل العيلة 

المقادير:

صدر فراخ متشوح ومقطع شرائح طولية

رشة ملح + رشة فلفل أسود

2 فص ثوم مفروم

كابوتشي مقطع

5 م.ك مايونيز

1 م.ك خل

جبنة شيدر أو بارميزان مبشورة

2 رغيف خبز محمص

طريقة التحضير:

في طبق صغير، اخلطي المايونيز مع الخل والثوم لحد ما يبقى صوص كريمي متجانس.

في طبق التقديم، ضيفي الكابوتشي وقطع صدور الفراخ والخبز المحمص.

صبي الصوص على السلطة وقلبيها خفيف.

رشي الجبنة المبشورة من فوق وقدميها فورًا. 

نصيحة: لو عايزة الطعم يبقى غني أكتر، زودي رشة بارميزان إضافية مع عصرة ليمون صغيرة

                                                      سلطة الطحينة الأصلية

من أكتر السلطات اللي بتكمل أي أكلة شرقي 

جربيها بالطريقة دي وهتطلع كريمية ومضبوطة على الآخر!

المكونات:

1 كوب طحينة

2 فص ثوم مهروس

رشة (ملح / فلفل أسود / كمون / كزبرة / جوزة الطيب)

عصير ليمون

3 م.ك خل أبيض

ماء ساخن حسب الحاجة

الخطوات:

في طبق، اخلطي الطحينة مع الثوم المهروس والملح والتوابل.

ضيفي شوية ماء ساخن وقلبي بالمضرب السلك كويس.

نزلي بعصير الليمون مع الاستمرار في التحريك.

كمّلي إضافة المياه تدريجيًا لحد ما توصلي للقوام اللي بتحبيه.

تقدري تقدميها مع المشويات، الفلافل أو حتى سندوتشات الكبدة والكفتة

من أشهى وأخف المقبلات الشرقية اللي بتفتح النفس جنب المشويات أو العيش البلدي 

المقادير:

2 باذنجان رومي متوسط (مشوي ومقشر)

2 م.ك طحينة

50 جم زبادي

2 م.ك عصير ليمون

2 م.ك خل

2 م.ك زيت زيتون

4 فصوص ثوم مهروس

ملح + فلفل أسود + كمون

بقدونس مفروم للتزيين

طريقة التحضير:

نهرس الباذنجان بالشوكة أو في الكبة.

نضيف الطحينة، الزبادي، عصير الليمون، الخل، الثوم، الملح، الفلفل، الكمون وزيت الزيتون ونقلب كويس.

نزين بالبقدونس المفروم ورشة زيت زيتون.

نقدمها سخنة أو باردة حسب الرغبة.

جربيها وهتلاقي الطعم أحلى من المطاعم

                                                            سمبوسة بالخضار

لمقادير:

باكيت سمبوسة جاهزة

بصلة صغيرة مفرومة

1 م.ك زيت نباتي

1/2 كوب بسلة

حبة جزر مبشورة

حبة بطاطس مسلوقة ومقطعة مكعبات صغيرة

عود بصل أخضر مفروم

1 م.ص بودرة كاري

1/4 م.ص ملح

1/4 م.ص فلفل أسود

 

طريقة التحضير:

سخني الزيت في طاسة أو حلة، وحطي البصل والجزر وقلبي 5 دقايق لحد ما يطروا.

ضيفي البصل الأخضر والتوابل (كاري، ملح، فلفل) وقلبي كمان 5 دقايق.

ضيفي البسلة والبطاطس، وسيبيهم 10 دقايق مع التقليب لحد ما الخضار يستوي.

احشي شرائح عجينة السمبوسة بالحشوة ولفيها مثلثات.

ادهنيها بزيت، وحطيها في فرن سخن 180° لمدة 20 دقيقة (مع التقليب لحد ما تتحمر وتقرمش).

قدميها سخنة جنب صوص زبادي بالنعناع

                                                سبرينج رول بالخضار مع صوص الشيلي الحار

المقادير:

5 ورقات سبرينج رول جاهزة

1 كوب جزر مبشور

1 كوب كرنب (كابوتشي) مفروم

½ كوب فطر مقطع (اختياري)

½ كوب لحم أو دجاج مفروم (اختياري)

2 فص ثوم مفروم

1 م.ص زنجبيل مفروم

2 م.ك صويا صوص

1 م.ص زيت سمسم

½ كوب صوص شيلي حار

زيت للقلي
 

طريقة التحضير:

في طاسة على نار متوسطة، سخني شوية زيت، وحطي الثوم والزنجبيل وقلّبيهم لحد ما تطلع الريحة.

ضيفي الجزر، الكرنب، والفطر، وقلّبي لحد ما يطروا شوية.

لو بتحبي، ضيفي اللحم أو الدجاج وسيبيه يستوي كويس.

صبي الصويا صوص وزيت السمسم، وقلّبي لحد ما المكونات تتجانس.

جهزي ورق السبرينج رول، وحطي شوية من الحشوة في النص، ولفيها بإحكام.

سخني زيت غزير واقلي السبرينج رول لحد ما ياخدوا لون دهبي مقرمش.

قدميهم سخنين مع صوص الشيلي الحار 

                                                           سمبوسة السبانخ

المقادير:

عجينة سمبوسة جاهزة

2 كوب سبانخ طازة مفرومة

1 بصلة صغيرة مفرومة ناعم

2 م.ك زيت زيتون

1/2 كوب جبنة فيتا أو ريكوتا (اختياري)

ملح + فلفل أسود

رشة كمون

زيت للقلي

 

طريقة التحضير:

شوحي البصل في زيت الزيتون لحد ما يطرى.

أضيفي السبانخ وقلبيها لحد ما تذبل وتنشف ميتها.

تبلي بالملح، الفلفل، والكمون،

(اختياري) أضيفي الجبنة للسبانخ وقلبي.

احشي أوراق السمبوسة بخليط السبانخ، ولفيها على شكل مثلثات.

اقليها في زيت غزير سخن لحد ما تبقى ذهبية ومقرمشة.

ممكن كمان تدخليها الفرن لو عايزة نسخة صحية أكتر – ادهنيها بزيت خفيف وحطيها على 200° لحد ما تتحمر. 

                                                         شوربة المشروم بالكريمة

المكونات:

2 م.ك زبدة

1 بصلة مفرومة ناعم

3 فصوص ثوم مفروم

250 جم مشروم طازة مقطع شرائح

2 م.ك دقيق

3 أكواب مرقة (دجاج أو خضار)

1 كوب كريمة طبخ

ملح وفلفل أسود حسب الرغبة

رشة جوزة الطيب (اختياري)

بقدونس مفروم للتزيين

 

طريقة التحضير:

سخني الزبدة في حلة، وضيفي البصل وقلّبيه لحد ما يبقى شفاف.

ضيفي الثوم وقلّبي دقيقة، بعدها ضيفي المشروم وقلّبيه لحد ما يطرى وينزل مياته.

رشي الدقيق على المشروم وقلّبي كويس.

صبي المرقة تدريجيًا مع التقليب المستمر لحد ما القوام يتماسك.

سيبي الخليط يغلي على نار هادية 10 دقايق.

ضيفي الكريمة وقلّبي، وسيبيه 5 دقايق من غير غليان.

تبّلي بالملح، الفلفل، وجوزة الطيب.

قدميها سخنة مزينة بالبقدونس.

لو بتحبي الشوربة أنعم، اضربيها في الخلاط قبل ما تضيفي الكريمة

                                                           كرات البطاطس بالجبنة

المقادير:

4 حبات بطاطس كبيرة

طريقة التحضير:

في بولة، اخلطي البطاطس المهروسة مع الثوم، الملح، والفلفل لحد ما يبقى الخليط متماسك.

شكّلي كرات متوسطة، واعملي حفرة صغيرة في النص، وحطي شوية جبنة، وبعدها اقفليها كويس.

غمّسي الكرات في البيض المخفوق، وبعدها غلّفيها بالبقسماط لحد ما تتغطى من كل الجهات.

سخني زيت غزير، ولما يسخن، وطّي النار شوية واقلي الكرات حوالي 3 دقايق لحد ما تبقى دهبية ومقرمشة.

طلعيها على مناديل مطبخ عشان تمتص الزيت.

قدميها سخنة والجبنة سايحة من جوا