كل أنواع المقبلات والسلطات بالتفصيل بالصوَر والطريقة
1 ملعقة صغيرة كمون
½ ملعقة صغيرة فلفل أسود
ملح حسب الرغبة
¼ كوب شبت مفروم (اختياري)
2 ملعقة كبيرة سمن أو زبدة ذائبة
1 بيضة لدهان الوجه
طريقة التحضير:
الحشوة:
سخني الزيت وشوّحي البصل لحد ما يدبل وياخد لون دهبي.
ضيفي الثوم ثم اللحمة المفرومة وقلّبي لحد ما تستوي وتنشف.
بهّري بالكمون، الفلفل الأسود وبهارات اللحم + الملح.
في الآخر، ممكن تضيفي الشبت وتقلبـيه.
اتركي الحشوة تبرد قبل الاستخدام.
لف الجلاش:
افردي ورقة جلاش وادهنيها سمن/زبدة، وحطي فوقها ورقة تانية وادهنيها.
على الطرف، وزعي 2-3 ملاعق من الحشوة.
لفيها على شكل إصبع طويل واثبتي الأطراف كويس.
ادهني الوجه بالبيض المخفوق علشان ياخد لون دهبي.
الخَبز:
سخني الفرن على 180°، ورصي الأصابع في صينية عليها ورق زبدة.
دخليها 25-30 دقيقة لحد ما تتحمر وتبقى ذهبية مقرمشة
نصيحة: ممكن تضيفي شوية جبنة مبشورة مع اللحمة (موتزاريلا أو شيدر) عشان الطعم يبقى أغنى وأحلى.
باذنجان مخلل مسلوق… طعم حكاية على السفرة!
المقادير:
1 كيلو باذنجان صغير
1 طماطم مقطعة مكعبات
¾ كوب خل
3 فلفل أخضر مفروم
1 رأس ثوم مفروم
3 فلفل أحمر مفروم
4 معالق كبار ملح
4 حبات ليمون
2 معلقة كبيرة كمون
1 كوب كزبرة خضراء مفرومة
طريقة التحضير:
اغسلي الباذنجان كويس، وشيلّي الرأس باليد من غير ما تفتحيه.
في حلة كبيرة، غلي ميه مع معلقة ملح + معلقة خل + حبة ليمونة (وممكن شرائح بنجر لو عايزة اللون موف).
اسلقي الباذنجان لحد ما يستوي ويتغير لونه (من غير ما يتهري).
صفيه في مصفاة واحتفظي بكوب من ماء السلق.
للحشوة: اخلطي الثوم + الطماطم + الفلفل الأحمر والأخضر + الكزبرة + الملح + الكمون + الخل.
افتحي كل حبة باذنجان من النص واحشيها بالخليط.
رصي الباذنجان في علبة بلاستيك، ضيفي كوبين من ماء السلق + عصير الليمون + باقي الحشوة.
رشي شوية زيت على الوش، غطيه، وحطيه في التلاجة.
هيبقى جاهز بعد يوم واحد، وطعمه يجنن جنب أي وجبة
طريقة تخليل اللفت… مقرمش ولونه وردي يفتح النفس!
المقادير:
1 كيلو لفت
2 ملعقة كبيرة خل
1 ملعقة كبيرة سكر
2 ملعقة كبيرة ملح
1 لتر ماء مغلي ومبرّد
بنجر مقطع مكعبات (للون الوردي)
الطريقة:
اغسلي اللفت كويس ونضفي القشرة من أي شوائب، وقطعيه بالشكل اللي تحبيه.
حضري محلول التخليل: اخلطي لتر الميه (المغلي والمبرّد) مع الخل + الملح + السكر وقلبيهم كويس.
في برطمان إزاز نضيف: رصي طبقة بنجر، بعدها طبقة لفت، وكرري لحد ما البرطمان يتملي، وآخر طبقة تكون بنجر.
صبي محلول التخليل لحد ما يغطّي اللفت كله، ولو ناقص زودي ميه.
اقفلي البرطمان بإحكام، وسيبيه في مكان دافئ من 5 – 6 أيام.
لما تفتحيه، خدي منه بمعلقة نضيفة علشان يفضل طازة وحافظ على طعمه.
النتيجة: لفت لونه وردي جميل، مقرمش ولذيذ جدًا…
التبولة اللبنانية… سلطة منعشة وصحية!
المقادير:
2 كوب بقدونس مفروم ناعم (حوالي باقتين)
¼ باقة نعناع مفروم ناعم
1 بصلة صغيرة مكعبات أو 3–4 عيدان بصل أخضر مفروم
4 حبات طماطم وسط مكعبات صغيرة
2 ملعقة كبيرة برغل ناعم (مغسول)
¼ كوب عصير ليمون
¼ كوب زيت زيتون
ملح حسب الرغبة
طريقة التحضير:
قطّعي الطماطم مكعبات صغيرة، وضيفي لها البرغل المغسول واتركيهم شوية لحد ما البرغل يتشرب ماية الطماطم.
في طبق واسع: ضيفي البقدونس + النعناع + البصل.
أضيفي خليط الطماطم والبرغل.
صبي عصير الليمون + زيت الزيتون + الملح، وقلّبي كويس لحد ما المكونات تتجانس.
التبولة هتكون جاهزة… طعمها منعش، صحي، وبيفتح النفس!
الثــومية الأصلية زي المطاعم
المكونات:
1 كوب ماء
2 م.ك نشا
2–3 فصوص ثوم مفروم (حوالي 1 م.ك)
1 م.ص خل أبيض
2 م.ك عصير ليمون
3 م.ك حليب
2 م.ك مايونيز (أو نص علبة زبادي كبديل صحي)
¼ كوب زيت
½ م.ص ملح
طريقة التحضير:
في حلة صغيرة: دوبّي النشا مع كوب الماء على البارد.
ارفعي الحلة على النار مع التقليب المستمر لحد ما الخليط يغلي ويتقل. سيبيه يبرد ساعة كاملة.
في الخلاط: ضيفي الثوم + الحليب + المايونيز (أو الزبادي) واضربيهم كويس.
نزّلي خليط النشا المبرد، وبعدين ضيفي الملح + الزيت + الخل + عصير الليمون.
اضربي الخليط لحد ما يبقى ناعم وكريمي.
دخلي الثومية التلاجة لحد الاستخدام.
النتيجة: ثومية ناعمة، كريمية، وطعمها زي المطاعم بالظبط!
الكبة الشامية الأصلية
المقادير:
200 جم برغل ناعم
400 جم لحم مفروم خالي من الدهن
3 بصلات (1 صغيرة + 2 وسط)
رشة ملح
1 م.ص بابريكا
1 م.ص زعتر ناشف
½ م.ص قرفة
ذرة جوزة الطيب
1 م.ص فلفل أسود
½ م.ص كزبرة ناشفة مطحونة
طريقة التحضير:
انقعي البرغل في كوب ماء ساخن لمدة ساعة.
اطحني البرغل مع 200 جم لحم مفروم والبصلة الصغيرة، واخلطيهم مع البهارات كويس.
في طاسة، شوّحي البصلتين مع شوية زيت لحد ما يدبلوا، وبعدين أضيفي باقي اللحم المفروم مع ملح وفلفل.
شكّلي خليط الكبة على هيئة كرات أو أصابع.
اقليها في زيت غزير سخن لحد ما تاخد اللون الذهبي.
النتيجة: كبة مقرمشة من بره، طرية ومليانة نكهة من جوه
الكورن دوج الكوري بقى من أشهر السناكس في الشارع
، ومميز بإنه مقرمش من بره ومليان جبنة أو هوت دوج من جوه
. جربيه بالطريقة الأصلية وهيعجب كل اللي يجربه!
المكونات:
4 قطع هوت دوج أو جبنة موزاريلا مستطيلة
1 كوب دقيق
2 م.ك سكر
1 م.ص بيكنج بودر
¼ م.ص ملح
¾ كوب حليب دافئ
1 بيضة
1 كوب بقسماط (بانكو ياباني أو عادي)
½ كوب كورن فليكس مجروش (اختياري)
زيت للقلي
أسياخ خشبية
طريقة التحضير:
اخلطي الدقيق مع السكر، البيكنج بودر، والملح. أضيفي البيضة والحليب تدريجيًا لحد ما تحصلي على خليط سميك ومتجانس. سيبيه يرتاح 10 دقائق.
اغرزي الهوت دوج أو الجبنة في السيخ. غمسيها في العجينة، وبعد كده في البقسماط والكورن فليكس لو حابة. اضغطي كويس علشان الطبقة تمسك.
اقلي الكورن دوج في زيت سخن على نار متوسطة لحد ما ياخد اللون الذهبي المقرمش.
قدميه سخن مع كاتشب ومستردة
النتيجة: قرمشة من بره وذوبان من جوه… حاجة تشهي جدًا
سلطة الزبادي المنعشة
المكونات:
500 جرام زبادي
3 فصوص ثوم مفروم
1 م.ص نعناع ناشف
4–5 خيار مبشور (معصور ومصفّى من الميه)
زيت زيتون حسب الرغبة
1 م.ص ملح
1 م.ص فلفل أسود
طريقة التحضير:
في بولة كبيرة، اخلطي الزبادي مع الثوم، النعناع الناشف، الخيار المبشور، الملح، والفلفل الأسود.
قلّبيهم كويس ودخلي السلطة التلاجة ساعة قبل التقديم علشان الطعم يتجانس.
عند التقديم، اغرفيها في طبق وزيّنيها بورق نعناع فريش ورشة زيت زيتون.
النتيجة: سلطة خفيفة، منعشة، ومناسبة جنب أي أكل مشوي أو أرز
كولسلو كريمي زي المطاعم
عايزة تعملي كولسلو زي بتاع المطاعم بالظبط؟ جربي الوصفة السهلة دي وهتدعيلي
المكونات:
1 كرنب سلطة صغير مفروم ناعم
2 جزرتين وسط مبشورين
للخلطة:
4 م.ك مايونيز كبار
2 م.ك خل
½ ليمونة
2 – 3 م.ك سكر (حسب المذاق)
حليب (للتخفيف لحد ما القوام يبقى كريمي)
طريقة التحضير:
في طبق غويط، اخلطي المايونيز مع السكر، الخل، عصير الليمون، والحليب. قلبي كويس لحد ما القوام يبقى ناعم وكريمي.
ضيفي الجزر المبشور والكرنب المفروم، وقلبيهم مع الخلطة لحد ما يتغلفوا كويس.
دخلي الكولسلو التلاجة ساعة قبل التقديم علشان الطعم يتشرب.
والنتيجة: طبق كولسلو كريمي وطعمه زي بتاع أشهر المطاعم بالظبط
المكدوس الشامي الأصلي
المكدوس من ألذ المقبلات الشامية، جربيه بالوصفة دي وهيدمنه كل اللي يجربه
المقادير:
1
1 كوب فلفل أحمر مقطع صغير
1 كوب عين جمل مقطع صغير
4 فصوص ثوم مهروس
2 م.ك ملح
شطة حمراء (اختياري حسب الرغبة)
زيت زيتون (للتغطية)
طريقة التحضير:
1. تحضير الباذنجان:
شيلي الراس واغسليه كويس.
اسلقيه في ماء وملح 10 – 15 دقيقة.
صفيه واشقيه من النصف.
رشي ملح جوه كل واحدة، وحطيه في مصفى متغطي ليلة كاملة لحد ما يتصفى.
2. الحشوة:
اخلطي الثوم + عين الجمل + الفلفل الأحمر + الملح + الشطة.
3. الحشو والتعبئة:
احشي كل باذنجانة بالخلطة.
رصيهم في برطمان زجاجي، واقلبيه ليلة عشان يتصفى من الميه الزايدة.
4. التخزين:
عدلي البرطمان واغمري الباذنجان بزيت الزيتون.
سيبيه مقفول أسبوعين قبل الأكل.
النتيجة: مكدوس ولا أروع، بطعم أصلي زي بتاع الشام
الباتون ساليه البيتي المقرمش
جربي تعمليه في البيت بخطوات سهلة وهيدلع الشاي عندك
المقادير:
½ كيلو دقيق (حوالي 2 كوب ونصف)
كوب إلا ربع ماء دافئ
1 م.ك خميرة ممسوحة
1 م.ك ملح ممسوح
3 م.ك زيت
للتلميع:
3 م.ك زبدة طرية
2 بيضة
باكو فانيليا
1 م.ك حبة البركة أو كمون حب (ممكن سمسم)
رشة ملح
طريقة التحضير:
سخني الماء مع الزيت، ثم اخلطيه مع الدقيق، الملح، الخميرة، الزبدة، والبيض. اعجني كويس لحد ما تبقى عجينة ناعمة.
غطي العجينة وسيبيها ترتاح 30 دقيقة.
افردي العجينة، وقطعيها أصابع رفيعة (رول).
ادهني صينية بالزيت، ورصي فيها الأصابع.
ادهني الوجه بخليط البيض + الفانيليا + الملح، ورشي حبة البركة أو الكمون أو السمسم.
غطيها وسيبيها تخمر ساعة.
دخليها فرن سخن على 200 درجة لمدة 20 – 25 دقيقة لحد ما تتحمر وتقرمش.
النتيجة: باتون ساليه هش ومقرمش زي الجاهز بالظبط
أقراص البطاطس بالمشروم الحار
وصفة لذيذة وسهلة، تنفع عشاء خفيف أو طبق جانبي شهي
المقادير:
للبطاطس:
1 كيلو بطاطس مقشرة ومكعبات
¾ كوب دقيق
ملح + فلفل أسود
للحشوة:
¼ كيلو مشروم مفروم ناعم
1 بصلة متوسطة مفرومة
2 فص ثوم مفروم
1 م.ك شبت مفروم خشن
1 م.ك زيت
2 م.ك عصير ليمون
رشة شطة (اختياري)
ملح + فلفل
طريقة التحضير:
اسلقي البطاطس في ماء وملح 20 – 30 دقيقة لحد ما تستوي، صفيها واهرسيها وتبليها.
في طاسة، سخني الزيت وشوحي البصل 5 دقائق، ضيفي الثوم + المشروم + عصير الليمون + الشطة والتوابل، واطبخي لحد ما السائل يتبخر. أضيفي الشبت في الآخر.
اخلطي الدقيق مع البطاطس المهروسة. شكلي أقراص وحشيها بخليط المشروم، وقفلّيها كويس.
سخني طاسة مع شوية زيت، وحمّري الأقراص من الجانبين لحد ما تبقى ذهبية ومقرمشة.
النتيجة: أقراص بطاطس محشية بالمشروم، طعمها تحفة ومليانة نكهة
مقرمشة من برة.. وكريمية سايحة من جوة
المقادير:
½ كيلو بطاطس مسلوقة ومهروسة
1 بيضة مخفوقة
ملح + فلفل أسود
1 م.ك بقدونس مفروم
1 كوب جبنة (موتزاريلا / شيدر / بارميزان) مبشورة
للتغليف:
دقيق
بيض + 1 م.ك ماء + ملح وفلفل
بقسماط + رشة زيت (وممكن تنكهيه ببابريكا / زعتر / جوزة الطيب / روزماري)
للزينة:
فلفل ألوان مقطع
بقدونس مفروم
طريقة التحضير:
اخلطي البطاطس المهروسة مع البيضة + الملح والفلفل + البقدونس + الجبنة المبشورة. شكّليها أصابع أو كرات.
جهزي خليط التغليف: غمسي الكروكيت في الدقيق → البيض → البقسماط.
رصيها في صينية مبطنة بورق زبدة.
ادخليها فرن مسخن مسبقًا على 200° لحد ما تاخد لون ذهبي ومقرمش.
قدميها سخنة مع صوص كاتشب أو مايونيز بالثوم، وهتبهرك الطعم والقوام!
بطاطس مهروسة بالثوم والزبدة
