مخبوزات العيد دليل شامل لكل الأنواع والوصفات خطوة بخطوة

                                                             القراقيش 

المقادير:
2 كيلو دقيق
3 ملعقة كبيرة سمسم متحمص
ملعقة كبيرة شمر متحمص ومطحون
ملعقة كبيرة ينسون متحمص ومطحون
2 ملعقة كبيرة خميرة فورية
ملعقة صغيرة ملح
ملعقة صغيرة بيكنج بودر
رشة فانيليا
3 ملعقة كبيرة سكر بودرة
3 ملعقة كبيرة لبن بودرة
3 كوب سمنة
كوب زيت
3 كوب مياة للعجن
طريقة التحضير:
- اول حاجة نذوب السمنة لحد التدفئة فقط ونرفعها وبعدين نضيف الشمر واليانسون والسمسم والدقيق ونبس الدقيق باليد مع السمنة وباقي المقادير
- نضيف الخميرة والماء ونعجن لحد ما نحصل على عجبنة ناعمة ونسيبها ترتاح لمدة ربع ساعة.
- نبدأ في تشكيل العجينة على الرخامة ونبرمها وبعدين نبططها باليد وبعد كده نقطعها ونرصها فى صواني مدهونة زيت بسيط جدا ونسيبها تخمر لمدة ساعة وندخلها الفرن على درجة حرارة 180 درجة او متوسطة لمدة 20 دقيقة

                                                               الكوكيز 

المقادير:
كوب زبده طريه
كوبين دقيق
معلقتين كبار كاكاو خام‬‬‬
‏‪ كوب سكر‬
بيضتين‬
معلقه صغيره بيكينج صودا‬
معلقه صغيره فانيليا‬
رشة ملح‬
شوكليت شيبس للتزيين
طريقة التحضير 

- في بوله نضرب الزبده والسكر بالمضرب الكهربائي ونضيف البيض والفانيليا ونخفقهم كويس مع بعض.‬

- نخلط الدقيق فى بوله تانيه مع الكاكاو والبيكينج صودا والملح وننزل بيهم فوق خليط الزبده بالبيض ونقلبهم مع بعض كويس لحد ما نحصل على عجينه متماسكه.

- ناخد قطعه من العجينه بمعلقه

- نزين الوجه بشوكليت شيبس وندخلها الفرن على درجة حراره 180 لمدة 12 دقيقة.

                                                                   الغريبة 

المقادير :
كوبين دقيق (250 جرام)
كوب سمنه (125 جرام)
نصف كوب سكر بودرة (75 جرام)
ربع معلقة صغيرة فانيليا
ذرة ملح بسيطة
للتزيين لوز أو فستق مقطع انصاف
طريقه التحضير:
- نطلع السمنة من الثلاجة ونحطها فى بولة و عليها السكر البودرة الفانيليا والملح ونضربهم مع بعض كويس بالمضرب الكهربائى لحد ما نحصل على قوام كريمى تقيل ولونه فاتح.
- نضيف الدقيق ونقلب بايدينا او بمعلقة خشب لحد ما نحصل على عجينه ناعمة.
- ندخل العجينة الثلاجة لمدة ساعة وبعدين نشكلها كرات صغيرة ونضغط عليها ضغطة خفيفة فى المنتصف ونزينها باللوز أو الفستق ونرصها فى الصواني.
- ندخلها الفرن على درجة حرارة 120 لمدة 12-10 دقيقة ونخلى بالنا ان لونها مش حيتغير احنا نبص عليها ولما نلاقيها مسكت نفسها كده تبقى استوت وبعدين نخرجها من الفرن ونسيبها تبرد خالص وبعدين نشيلها من الصينية

                                                            كونو بسكويت 

المقادير :
للعجين.
2 بيضة
كوب زبادي
نصف كوب زيت
نصف كوب سكر
معلقة بيكنج بودر
معلقة فانيليا
4 او 5 أكواب دقيق حسب ما نحتاج
‏‎مقادير حشوة الكاسترد:
‏‎كوب حليب
‏3 صفار
‏‎رشة ملح
‏‎نصف معلقة صغيرة فانيليا سايلة
‏‎ربع كوب سكر
‏‎2 معلقة كبيرة نشا
طريقة التحضير:
‏‎- اول حاجة نجهز الحشو، نسخن كوب اللبن على النار لحد ما يسخن شويه بس مش هنخليه يغلي.
‏‎- في طبق غويط نخفق صفار البيض مع السكر والنشا والفانيليا ونركنه على جنب.
- نحط الحليب على الصفار مع التحريك السريع بالمضرب السلك.
- نحط الخليط على النار ونقلب بس لحد ما الكتل تختفي ويتقل وبعدين نرفعه من على النار ونسيبه لحد ما يبرد ولازم نغطيه بنايلون ستريتش او كيس بلاستيك عشان مايعملش قشره ويفضل كريمي.
- نعجن لحد ما نحصل على عجينة ناعمة لا تلتصق باليد عن طريق أخذ جميع المكونات العجين ، سيبيها ترتاح لمدة 15-20 دقيقة ونقسمها إلى قسمين ، ونقطع العجين بسمك 2 سم ، ونفتح العجين الكبير ونقطع شرائط طويلة بالسكينة، بدءًا من أعلى المخروط، متداخلة قليلاً إلى الأسفل. نلفها ونستمر في هذه العملية لحد ما تنفذ الكمية تخلص.
- نخبزها في فرن محمى على حرارة 180 درجة حتى يصبح لونها بني فاتح لمدة 15-20 دقيقة. نخرج المخروط من القالب ونسيبه يبرد وبعدين نحشي كل كونو بالكاسترد ونزينه بالفستق أو نوع

                                                               المعمول

المقادير:
كوبين دقيق
معلقة كبيرة سكر
نص كوب سميد
نص معلقة صغيرة ملح
معلقة كبيرة حليب بودرة
نصف كوب سمنه بارد
نصف معلقة صغيرة بيكنج بودر
كوب وربع ذبدة باردة
نصف معلقة صغيرة محلب
نصفمعلقه كبيره خميره فوريه
الحشو:-
نصف كوب سكر
نصف كوب عين جمل او اى مكسرات
نصف كوب سميد
معلقة صغيرة قرفة
نصف كوب عجوة طرية
معلقة صغيرة ماء زهر
نصف كوب سمسم
معلقة كبيرة شربات تقيل عسل ابيض
طريقه التحضير:
لعمل الحشو:
- فى بوله نخلط السكر والعجوة والسمسم والسميد وعين الجمل والقرفة وماء الزهر والعسل ونقلبهم مع بعض كويس ونعمل كرات صغيرة
لعمل المعمول:
- نضيف الدقيق والسميد والحليب البودرة والبيكنج بودر والسكر والسمنه والذبدة ونبثهم مع بعض بإيدينا او بالميكسر لحد ما الخليط يتجانس
- نجيب نص كوب ماء دافئ وندوب فيه الخميرة مع نص معلقه سكر صغيرة ونقلبهم على بعض ونضيفهم للخليط السابق ونكمل عجين لحد ما الخليط يتجانس
- نحط العجينه فى طبق كبير ونغطيه و نسيب العجينة ترتاح ساعة فى الثلاجة
- نقطع عجينة المعمول حسب حجم القالب وناخد كل قطعه من العجينه فى بطن الايد الشمال ونحفرها باصبع الايد اليمين بحيث نعمل تجويفه داخل العجينه بالتساوى ونحشيها ونحط فيها كورة من الحشو ونلف اطراف العجينه فوق الحشو بالراحة
- نجيب قالب المعمول ونرش دقيق بسيط ونحط فيه القطعه ونضغط عليها بالراحة وبعدين نضرب حافة القالب على حافة الطرابيزة او الرخامه عشان تقع المعمول من القالب
- نجيب صينية ونمسحها بنقطة زيت بسيطة باستخدام منديل ورقى ونرص فيها المعمول وندخلها الفرن فى الرف الوسطانى على درجة حرارة 190 لحد ما ياخد لون دهبى غامق شويه

                                                         بوريك الأفران 

المقادير:
3 كوب دقيق
ربع كوب زيت
كوب إلا ربع ماء قابل للزيادة او النقصان حسب نوع الدقيق
معلقة كبيرة خل
معلقة كبيرة بيكنج بودر
معلقة كبيرة خميرة
معلقة كبيرة سكر
ذرة ملح
معلقة صلصة او كاتشب
الحشو :
جبنة قديمة او جبنة بيضاء وزيتون او اي حشو تحبوه
طريقة التحضير:
- في طبق كبير نضيف الدقيق والملح والبيكنج بودر وبعد كده السكر والخميرة ونقلب وبعد كده ننزل بالزيت والخل والصلصة وبعدين الماء بالتدريج ونعجن لحد ما نحصل على عجينة طرية وناعمة.
- نسيبها تخمر وبعد التخمير نقطعها دوائر صغيرة وبعدين نسيبها ترتاح حوالي 10 دقايق وبعد كده نفرد كل دايرة ونحشيها ونقفلها ونرصها فى الصينية ونسيبها تخمر.
- ندهن الوجه بيضة وعليها معلقتين حليب وعليهم رشة

                                                       الفطير المشلتت 

المقادير:
كيلو دقيق
نصف معلقة ملح صغيرة
معلقة كبيرة سكر
حوالي كوبين ونصف ماء دافي بسيط
سمنة بلدي للفرد
طريقة التحضير 

- ننخل الدقيق ونضيف عليه السكر والملح ونضيف المياة بالتدريج ونعجن كويس جداً حوالي 20 دقيقة لحد ما العجينة تمط وبعدين نكورها كور متساوية في حجم حبة اليوسفي تقريباً وندهنها زيت ونسيبها ترتاح شوية.

- ندهن الرخامة زيت ونفرد كورة كويس وندهنها سمنة بلدي ونطبقها ظرف والكورة الثانية نفردها كويس وندهنها سمنة بلدي (كل ما زودنا الكمية هيبقى أحلى طبعاً) ونحط فيها الظرف الأول وندهن سمنة وقشطة ونطبق عليه الظرف التاني والكورة التالتة نفردها وندهنها ونحط اللي طبقناهم جواها وهكذا لما نخلص 3 أو 5 كور حسب الحجم اللي عايزينه.

- نسيب الفطيرة ترتاح شوية وبعدين نفردها وندخلها فرن حامي جداً لحد ما تستوي وتاخد لون ذهبي جميل وأول ما تطلع من الفرن ندهنها زبدة ونغطيها.

- ممكن نسويها في الطاسة مع مراعاة تغطيتها وتقليبها على الجهتين واول ماتنزل من على النار تتدهن زبدة وتتغطى عشان تفضل طرية وبالهنا والشفا

                                                            بسكويت بيسكريم 

المقادير:
نصف كوب زبدة
نصف كوب سكر بودرة
ربع كوب زيت
بيضة
رشة فانيليا
كوب وربع دقيق
ربع كوب نشا
معلقة صغيرة بيكينج بودر
رشة ملح
نوتيلا للحشو
طريقة التحضير:
- نضرب الزبدة مع السكر البودر لحد ما القوام يبقى كريمي وبعدين ننزل عليهم بالزيت ونضرب كويس وبعدين نضيف البيضة والفانيليا ونضرب وبعدين نضيف الدقيق بالتدريج بكوبايه وربع دقيق بالتدريج عليهم ربع كوب نشا ومعلقه صغيره ممسوحة بيكينج بودر ورشه ملح.
- نعجن كويس لحد ما العجينة تبقى ناعمة تلم معانا وتبقى سهلة التشكيل.
ناخد قطعة من العجين في ايدينا ونكشلها المهم العجينه متكونش بتشقق وناعمة.
- نشكل باقي العجين كور نفس الحجم ممكن نشكلهم بأي قطاعة عندنا عشان يبقوا نفس الحجم.
- نفرد كل كورة ونحشيها ونوتيلا وبلاش نكتر كمية النوتيلا عشان متبوظش العجينة، نقفلها بالراحة ونكورها تاني ونبططيها بالراحه.
- نجيب صينية وندهنها زيت بسيط ونرصهم وبالسكينة نشكلها زي ما نحب بالراحة من فوق او نسيبها من غير تشكيل عادي.
- ندخله فرن سخن على درجة حرارة 180 لمدة 12 - 15 دقيقة

المقادير:
نصف كوب سمنة طرية
نصف كوب زيت نباتي
كوبين ونصف دقيق
كوب الا ربع سكر بودرة
معلقه كبيره نسكافيه او بن مطحون
معلقة كبيرة كاكاو خام منخول
رشة ملح
طريقة التحضير:
- في بوله نضرب السمنه والزيت مع السكر ونضيف الكاكاو والنسكافيه او البن ونقلبهم مع بعض كويس.
- نضيف الدقيق والملح ونعجنهم كويس لحد ما نحصل على
عجينه متماسكه سهلة التشكيل.
- نقطع العجينه كرات صغيره ونعمل شق بالطول بالسكينة في كل كرة بحيث يكون شكلها زي اللي في الصوره وبعدين نرصها في صينيه مدهونه زيت بسيط وندخلها الفرن على درجة 180 لمدة 10 دقايق

                                                     كب كوكيز بالنوتيلا   

المقادير