مخبوزات العيد دليل شامل لكل الأنواع والوصفات خطوة بخطوة

                                                      بسكويت مغطى بالشوكولاتة 

المقادير:
كوب زبدة باردة ( 250 جرام )
كوب الا ربع سكر بودرة (125 جرام)
ربع كوب زيت
بيضة
رشة فانيليا
2 معلقة كبيرة عسل اسود
2 كوب ونصف لـ 3 كوب دقيق منخول حسب ما نحتاج
2 معلقة كبيرة نشا
نصف معلقة صغيرة بيكينج بودر
طريقة التحضير:
- نضرب الزبدة مع السكر البودرة لمدة 5 دقايق بالمضرب الكهربائي وبعدين نضيف الزيت والبيضة والفانيليا والعسل الاسود ونضربهم لحد ما نحصل على قوام كريمي.
- نضيف المواد الجافة بعد ماننخلها ويادوب نلم العجينة باطراف ايدينا بلاش نعجن عشان ماينشفش مننا.
- بعد ما نحصل على عجينة ناعمة وطرية هنفردها بين ورقتين زبده بسمك 2 ملل ونحطها على ورق زبده بعد ما نقطعها.
- نخبزه على درجه حراره 180 لمدة 10 - 15 دقيقة لحد ما ياخد لون من تحت.
- نسيح شوكولاتة في حمام مائي او في الميكرويف
- نحط في النص مربى او نوتيلا ونلزق كل اتنين مع بعض ونغطسها في الشوكولاتة اللي سيحناها ونرصهم على ورق زبدة لحد ما يبردوا.

                                                             بسكويت العجوة 

المقادير:
2 عدد بيض
كوب زيت
كوب سكر
فانيليا
3.5 كوب دقيق
معلقة صغيرة ممسوحة بيكينج بودر
2 معلقة كبيرة نشا
2 معلقة كبيرة لبن بودره
رشة فانيليا
ربع كوب حليب
عجوة معجونة بمعلقة زبدة أو سمنة
طريقة التحضير:
- نخفق البيض مع السكر والزيت والفانيليا لحد ما القوام يبقى كريمي.
- في طبق كبير نخلط المكونات الجافة مع بعضها وننزل بالخليط الكريمي اللي عملناه ونعجن كويس ونضيف ربع كوب حليب ونعجن لحد ما نحصل على عجينة طرية وبعدين ندخلها الثلاجة ونسيبها ترتاح ربع ساعة.
- نطلعها ناخد منها جزء ونفردها على الرخامة على شكل مستطيل ونحط الحشو والعجوة تكون مبرومة بطول العجينة ونحطها ف النص ونقفل عليها العجينة وبعد كده نقلبها على الجنب التاني ونضغط عليها نظبط شكلها.
- نشكلها بالشوكة ونقطعها قطع متساوية بالسكينة ونرصها في صاج او صينية مدهونة زيت وندخلها الفرن على درجة حرارة 160 لمدة 15-20 دقيقه

                                                      بسكويت المادلين الفرنسي 

المقادير:
4 حبة بيض
1 كوب سكر
2

                                              قرص الأفران المحشيه قرفه وسكر 

المقادير:
3 كوب دقيق
معلقه كبيره خميره فوريه
معلقه صغيره بيكنج بودر
نص كوب سمنه
2 معلقه كبيره سكر
رشة ملح
حليب دافي للعجن حسب الاحتياج
الحشو:
سكر على قرفه
طريقة التحضير:
- اول حاجه نختبر الخميرة وندوبها مع معلقة سكر في ربع كوب مياه دافيه ونغطيها خمس دقايق ونسيبها تتفاعل.
- ننخل الدقيق ونضيف عليه البيكنج بودر ومعلقة السكر التانية ورشة الملح ونقلبهم مع بعض وبعدين ننزل بالسمنه ونفركها مع الدقيق لحد لما نغلف كله بالسمنه وبعدين نحط الخميره ونعجن بالحليب الدافي بالتدريج لحد لما العجينه تلم معانا، المهم نعجنها كويس ونغطيها ونسيبها تخمر.
- بعد ما تخمر نقسمها لكرات متساوية الحجم ونسيبها ترتاح 10 دقايق وبعدين ناخد اول كوره نعمل فيها زي تجويف من النص ونحط معلقه من السكر والقرفه ونقفل على الحشو كويس من تحت ونلفها علي الرخامة عشان تاخد شكل دائري.
- ندهن وشها حليب بالفرشاه وننزلها في طبق فيه سمسم عشان يمسك فيها - نخلص الكمية كلها بنفس الطريقة ونرصهم في صواني مدهونه زيت ونضغط عليهم بايدينا ضغطة خفيفة ونغطيهم ونسيبهم يخمروا مره كمان.
- بعد التخمير ندخلهم فرن سخن على درجة حراره 200 لمدة ربع ساعه لحد ما يحمروا من تحت وبعدين نفتح الشوايه ياخدوا لون من فوق
واول لما نخرجهم نرشهم مياه بالبخاخه ونغطيهم بفوطة نظيفة.

                                                         كرات كيكة الشوكولاتة 

المقادير:
2 كوب دقيق
1 كوب حليب
4 بيضات
نصف كوب زبدة
كوب ونصف سكر
معلقة صغيرة فانيليا
ملعقة كبيرة بيكينج بودر
2 ملعقة كبيرة بودرة كاكاو
فروستينج الشوكولاتة:
لوح شوكولاتة بيضاء
أعواد بلاستيك
شوكولاتة فارمسيه

- ضيفي البيض والفانيليا إلى الخليط السابق واستمري في الخفق.
ضيفي الحليب ثم الدقيق والبيكينج بودر وبودرة الكاكاو واستمري في خلط المزيج بواسطة المضرب الكهربائي لدقائق.
- حضري صينية وادهنيها بالزيت والدقيق وصبي الخليط فيها.
- حطي الصينية في الفرن مع مراعاة ضبط الحرارة على 250 درجة مئوية وسيبيها لمدة 30 دقيقة لحد ما تستوي.
للتأكد من إن الكيكة استوت، إغرسي سكين حامي او عود خشب في الكيك لو خرج نظيف ده دليل على إنها استوت كويس.
لتحضير كرات الكيك:
- بمجرد ما تبرد الكيك خالص، قطعيها لقطع صغيرة وبعدين حطيها في طبق مناسب وافركيها بايديكي رفتيتها.
- ضيفي ملعقتين من فروستينج الشوكولاتة ووزعيهم كويس.
- إمزجي الخليط بايدك لحد ما الكيك يتماسك.
- إعملي كرات من الكيك بواسطة معلقة الأيس كريم الصغيرة.
- حضري صينية وحطي فيها ورق زبدة ورصي فيها كرات الشوكولاتة.
- غطي الصينية بورق ألمونيوم وسيبيها في الثلاجة لمدة 20 دقيقة.
للتزيين:
- حطي لوح الشوكولاتة البيضاء في الميكروويف مع إضافة ملعقة زيت لحد ما تدوب.
- خلي الشوكولاتة في الميكروويف لمدة 30 ثانية وخرجي الطبق وقلبي الشوكولاتة بالملعقة.
لتشكيل كرات الشوكولاتة:
- إغمسي الأعواد في الشوكولاتة البيضاء ثم اغرسيها في كرات الشوكولاتة.
وبعدين نزلي الكرات في الشوكولاتة البيضاء مع مراعاة تغطيتها بالكامل.
إنتهي بغمس كرات الشوكولاتة مرة كمان في الشوكولاتة الفارمسيه وبعدين دخليهم الثلاجة قبل التقديم

                                                            بسكويت البرازق 

المقادير:
كوب ذبده بدرجة حرارة الغرفة
كوب سكر بودرة
نصف كوب حليب بودرة
معلقة كبيرة بيكنج بودر
بيضه
4 كوب دقيق منخول
ربع كوب زيت نباتى
معلقة صغيرة فانيليا سايلة
ذرة ملح
الحشو :
كوبين سمسم محمص مع 6 معالق شربات تقيل
نص كوب فستق او لوز (مجروش)
طريقة التحضير :
- فى بولة وبمضرب كهربائى او يدوى نضرب الذبده لحد ما تبقى ناعمة وبعدين نضرب السكر البودرة لحد ما يبقى القوام كريمى
- نضيف البيضة والفانيليا والزيت ونخفقهم كويس
- نضيف ذرة الملح والدقيق والحليب البودرة والبيكنج بودر ونقلب كل المكونات لحد ما نلم العجينه وتبقى طرية ولو حسينا انها ناشفة ممكن نزود معلقتين مياه كبيرة ونغطيها وندخلها الثلاجة نص ساعة وبعدين نكورها كور صغيرة ونغمسها فى الفستق اواللوز
- نرصها فى صنية مدهونة زيت بسيط ويكون الفستق لتحت ومن فوق نزين الوجه بخليط

                                                      معمول بالجبنه الكيري 

المقادير:-
200 جرام زيده يدرجة حرارة الغرفه
كوبين وربع دقيق
6 مربعات جبنه كيري
في معالق كبيرة سكر بودرة
معلقة صغيرة بهارات معمول "تسمى (محلب) بتجيبها من عند العطار وممكن نستبدالها بفانيليا او قرفه"
كوب تمر مفروم (عجوه)
طريقة التحضير:-
- نخلط المقادير مع بعضها ونضيفلهم كوبين وربع دقيق
- نعجن بايدينا لحد ما العجينه تلم ونبدأ نشكل كور صغيره ونحشيها تمر معجون ببهارات المعمول مع معلقتين مياه دافيه.
- نقفلها ونضغطها بالشوكه أو نشكلها بقالب خشب خاص لتشكيل المعمول
نرصها في صينيه مدهونه زيت بسيط جدا وندخلها فرن مسخن
مسبقا على درجة حرارة 180 لحد ما تاخد لون ذهب

                                                                 باتون ساليه 

المقادير :
نصف كيلو دقيق (كوبين ونصف)
كوب الا ربع ماء
معلقة كبيره ممسوحه خميرة فورية
معلقة كبيرة ممسوحه ملح
3 معالق كبار زيت
3 معالق كبار زبده
بيضه
معلقه كبيره كمون حبوب
التلميع:
باكو فانيليا
رشة ملح
بيضة
طريقة التحضير:
- في حلة على النار ندفي الماء مع الزيت ونضيف الدقيق والملح والخميرة والكمون والزبده والبيضه ونخفقهم مع بعض كويس وبعدين نضيف الماء والزيت بالتدريج ونعجنها بايدينا ونغطيها ونسيبها ترتاح نصف ساعه
وبعد ما ترتاح نفردها على شكل مربع ونقطعها اصابع ونبرم ونلف الاصابع دي على شكل رول رفيع ونشيل الاطراف الزيادة.
- في طبق صغير نضيف البيض والملح والفانيليا ونخفقهم مع بعض ونجيب صينية وندهنها زيت ونمسحها بمناديل مطبخ علشان ماتحرقش الباتون ساليه من تحت.
- نرص اصابع الباتون ساليه في الصينيه ونلمعها بيض بالفرشاه ونرش عليها كمون او سمسم او حبة البركة وممكن نخليها ساده حسب الرغبة.
نسيبها في مكان دافي تخمر ساعة على الاقل وبعدين ندخلها الفرن على درجة حرارة 200 لمدة 25 دقيقة

                                                                ميني تارت 

المقادير:
3 كوب دقيق