ملف الحلويات الشرقية
جلاش بالكنافة والمكسرات.. الطعم اللي يخليك تقول يا سلام!
مش أي جلاش يا جماعة.. دا جلاش بالكنافة والمكسرات! مقرمش من برّه، طري ولذيذ من جوّه، وريحتُه تِخَلي الشارع كله يعرف إن في حلو النهارده
المقادير:
لفة جلاش
¼ كيلو كنافة
مكسرات حسب الرغبة (فستق – بندق – لوز – عين جمل)
¼ كوب سمنة سايحة
لعمل الشربات:
2 كوب سكر
كوب مية
نص ليمونة
معلقة كبيرة عسل جلوكوز أو عسل نحل (اختياري)
الطريقة:
حضّري الشربات الأول: على نار متوسطة، اخلطي السكر والمية لحد ما يدوبوا، ولما يغلي الخليط ضيفي عصير الليمون والعسل، وسيبيه على نار هادية 7 دقايق لحد ما يتقل، وبعدين سيبيه يبرد.
في طاسة، حمّري الكنافة في شوية سمنة لحد ما تاخد لون دهبي جميل
، وضيفي المكسرات اللي بتحبيها.
ادهني كل ورقة جلاش بالسمنة، وسيبيها على جنب.
رصي نص كمية الجلاش في صينية مدهونة، وافردي فوقها الكنافة بالمكسرات، وبعدين غطيها بباقي ورق الجلاش.
قطّعيها مربعات أو دواير وادهني الوش بالسمنة.
دخّليها فرن سخن على درجة 180 حوالي 25 دقيقة لحد ما تاخد اللون الدهبي الحلو ده
.
أول ما تخرج وهي سخنة، صبّي عليها الشربات البارد، وسيبيها تشرب شوية.
قدّميها دافية ومعاها كباية شاي بالنعناع
وجربي وقوليلي… مش أحلى من بتاعة المحلات؟
بقلاوة محشية الطعم الأصلي اللي بيذوب في الفم
ريحة الزبدة والمكسرات أول ما تطلع من الفرن هتخلي البيت كله يجرى على المطبخ
طبقات الجلاش المقرمشة والحشوة الغنية هتخليها من أحلى الحلويات الشرقية اللي ممكن تعمليها
المقادير:
للبقلاوة:
باكيت جلاش (عجينة فيلو)
نص كوب زبدة أو سمنة سايحة
للحشوة:
2 كوب مكسرات مشكلة (بندق، لوز، عين جمل، فستق)
معلقة صغيرة قرفة مطحونة
2 معلقة كبيرة سكر بودرة
للتسقية (الشربات):
2 كوب سكر
كوب مية
نص معلقة صغيرة عصير ليمون
نص معلقة صغيرة فانيليا
الطريقة:
أول حاجة نعمل الشربات: في حلة على النار نحط السكر والمية ونقلب لحد ما السكر يدوب.
نضيف عصير الليمون ونسيبه يغلي 10 دقايق، بعدين نحط الفانيليا ونسيبه يبرد تمامًا.
نجهز الحشوة: نخلط المكسرات المجروشة مع السكر البودرة والقرفة.
نبدأ في الجلاش: ندهن الصينية بزبدة، ونرص نص طبقات الجلاش، وكل طبقة ندهنها زبدة.
نحط الحشوة في النص ونوزعها كويس.
نغطيها بباقي طبقات الجلاش مع دهن كل طبقة بزبدة.
نقطع البقلاوة مربعات أو مثلثات بسكينة حادة.
ندخلها فرن سخن على 180 درجة لمدة 30–35 دقيقة لحد ما تبقى دهبيّة ومقرمشة
.
أول ما تطلع من الفرن، نصبّ عليها الشربات البارد وهي سخنة، ونسيبها تتشرب الحلاوة كلها
.
قدّميها بعد ما تبرد شوية وزيّنيها بشوية مكسرات مفرومة…
وجاهزي نفسِك للمدح اللي هيغرقك بعد أول قطعة
أساور الست… التحفة اللي بتخطف القلب قبل العين
اللي ماجربش أساور الست بالجلاش والنوتيلا والفستق… فاته نص عمره يا جماعة
مقرمشة من برّه، ناعمة ومليانة طعم جنان من جوّه
المقادير:
لفة جلاش
كوب سمنة بلدي سايحة
نص كوب فستق مفروم
نوتيلا أو كراميل أو مربى حليب حسب الرغبة
للشربات (السيرب):
كوبين سكر
كوب مية
معلقة
طريقة التحضير:
أول حاجة نجهز الشربات: نحط السكر والمية على النار 7 دقايق، وبعدها نحط عصير الليمون، نسيبه يغلي غلوتين ونطفي النار ونسيبه يبرد.
نبدأ في الجلاش: نقسم اللفة نصين، ونفرد طبقة جلاش وندهنها سمنة، ونطبقها على شكل مربع وندهنها تاني.
نلفها على مسن أو خشبة رفيعة زي القلم، وبعدين نسحبها براحة ونلفها على شكل دايرة (زي السوار).
نرص الأساور جنب بعض في صينية مدهونة سمنة أو زيت، وندهن الوش كمان بالسمنة كويس.
ندخلها فرن سخن على 180 درجة على الرف الأوسط، لحد ما وشها يبقى دهبي ولونها يشهي
نخرجها ونسيبها دقيقة، وبعدها نسقيها بالشربات البارد عشان تبقى طرية من جوّه ومقرمشة من برّه.
وأجمل خطوة: نحط في نص كل سوار نوتيلا أو كراميل أو مربى حليب أو حتى شوية فستق مفروم حسب مزاجك
قدّميها مع شاي سخن أو قهوة… وهتعيشي لحظات من الدلع الحقيقي
لو نفسك في حلا شرقي… جربي الجلاش بالمكسرات المقرمش والطعم اللي مايتنساش
ريحة السمنة والمكسرات وهي طالعة من الفرن هتخلي البيت كله يشم ريحة الجمال الشرقي الأصيل
تعالي شوفي الطريقة السهلة اللي هتخلي الجلاش عندك زي بتاع المحلات بالظبط
المقادير:
لفة جلاش جاهزة
سمنة بلدي أو زبدة سايحة
مكسرات مجروشة (فستق، بندق، عين جمل أو لوز حسب ذوقك)
شربات بارد (قطر)
الطريقة:
خدي ورقة جلاش وادهنيها كويس بالسمنة.
حطي شوية من المكسرات في الطرف ولفيها رول أو حلزوني على شكل أصابع.
كرري الخطوة دي لكل ورقة، ودهني كل واحدة بالسمنة كويس من كل ناحية.
ادهني الصينية بالسمنة ورصي فيها أصابع الجلاش، وقطعيها نصين أو تلاتة حسب الحجم اللي بتحبيه.
دخليها فرن سخن على 180 درجة لحد ما تاخد لون دهبي مقرمش يفتح النفس
.
أول ما تطلع
نصيحة: الشربات لازم يكون بارد علشان الجلاش يفضل مقرمش وما يعجنش أبداً
قدّميه دافئ ومعاه كباية شاي بالنعناع
…
وهتشوفي السعادة وهي بتتوزع على وشوش اللي حواليك
السر كله في السمنة.. البقلاوة المصرية على أصولها
يا جماعة اللي مجرّبش البقلاوة بتاعة زمان بالسمنة البلدي، يبقى لسه ماكلش حلويات بجد
تعالوا أقولكم على الطريقة الأصلية واللي كل ست بيت لازم تجربها
المكونات:
2 كوب دقيق أبيض فاخر
كوب ونص مية دافية
معلقة خميرة فورية
رشة ملح
رشة فانيليا
معلقة سكر بودرة
معلقة نشا
زيت للقلي
شربات تقيل وبارد (ده السر فـ القرمشة
الطريقة:
في طبق كبير حطي الدقيق + النشا + السكر + الملح + الفانيليا وقلّبيهم حلو.
ضيفي المية الدافية شوية بشوية لحد ما العجينة تمسك في بعضها وتبقى طرية ومتماسكة.
غطيها وسيبيها تختمر ساعة كده على راحتها.
سخّني الزيت على نار هادية، وابتدي خدي من العجينة بمعلاقة صغيرة ونزليها في الزيت كرات صغيرة.
سيبيها تتحمّر لحد ما تبقى دهبية مقرمشة كده.
أول ما تطلعيها من الزيت، نزّليها فورًا في الشربات البارد وخليها تتشرب
نصايح الشيف
الزيت لازم يكون سخن بس مش مولّع
الشربات يكون تقيل وبارد علشان البقلاوة تفضل مقرمشة
ممكن تزينيها بشوية شوكولاتة سايحة أو مكسرات لو بتحبي الشياكة
حلى بسبوسة هتعمليها بإيدِك.. طرية ومضبوطة زي بتاعة الحلواني
كلنا بنعشق البسبوسة، بس السر في إنك تعمليها صح ومن أول مرة تطلع
تعالي أقولك على الطريقة السهلة خطوة بخطوة
المقادير:
كوب وربع دقيق بسبوسة
نص كوب سمنة سايحة
معلقة عسل نحل
نص كوب سكر
نص كوب زبادي
شوية جوز هند ناعم
معلقة صغيرة بيكنج بودر
للشربات (القطر)
كوب سكر
كوب مية
عصير نص ليمونة
معلقتين عسل نحل
نص معلقة صغيرة فانيليا
الطريقة:
في طبق كبير، اخلطي دقيق البسبوسة مع السكر وجوز الهند والبيكنج بودر وقلّبيهم كويس.
في طبق تاني، اخلطي السمنة مع معلقة العسل، ولو ما امتزجوش حطيهم ثواني على النار.
ضيفي خليط السمنة والعسل على خليط الدقيق وقلّبي بإيدك لحد ما كل حاجة تتجانس.
دهني صينية سمنة، وافردي فيها العجينة ووزّعيها كويس، وزيني بالمكسرات لو بتحبي
.
دخليها فرن سخن على 180 درجة حوالي نص ساعة لحد ما تاخد اللون الدهبي الجميل
.
