50 فكرة لحيرة فطار شهر رمضان احفظها عندكم

                                                     بطاطس مقلية بالبهارات

مفيش أحلى من البطاطس المقرمشة بالبهارات 

تتاكل لوحدها أو جنب البرجر والشاورما والسندويتشات

وقت التحضير والطهي: 40 دقيقة

تكفي لـ 4 أشخاص

المكونات:

5 حبات بطاطس (مقشرة ومقطعة أصابع)

1 معلقة صغيرة بهارات مشكلة

1 معلقة صغيرة ملح

1 معلقة صغيرة فلفل أسود

زيت نباتي للقلي

طريقة التحضير:

تبّلي البطاطس بالملح والفلفل والبهارات، وسيبيها 20 دقيقة في التتبيلة.

سخّني الزيت في مقلاة عميقة.

اقلي البطاطس وقلّبيها من وقت للتاني لحد ما تبقى دهبية ومقرمشة.

طلعيها على ورق مطبخ تتصفى من الزيت.

قدميها سخنة جنب أطباقك المفضلة

                                                              سمبوسك بالخضار

مقبلات لذيذة وخفيفة على الطريقة الخليجية.. تنفع للسفرة في رمضان أو العزايم وتتحضر في وقت قصير

وقت التحضير: 40 دقيقة

الكمية: تكفي 4 أشخاص

المقادير:

مغلف عجينة فطائر مجمدة

1 كوب بطاطس مكعبات (ممكن مجمدة لتوفير وقت)

2 ملعقة كبيرة زيت (كانولا أو زيت نباتي)

1 بصلة صغيرة مفرومة ناعم

¾ كوب بازلاء وجزر مجمد

1 ملعقة صغيرة جارام ماسالا

½ ملعقة صغيرة كاري بودرة

رشة ملح (حسب الرغبة)

طريقة التحضير:

تجهيز الحشوة

اسلقي البطاطس في مياه مملحة 10–15 دقيقة لحد ما تستوي، وصفيها.

في طاسة سخني الزيت، شوحّي البصل لحد ما يدبل.

ضيفي البازلاء والجزر + الجارام ماسالا + الكاري، وقلّبي 3–4 دقايق.

ضيفي البطاطس

تجهيز السمبوسك

سيبي العجينة تفك برة الفريزر حوالي 40 دقيقة.

افردي العجينة على سطح مرشوش دقيق وقطّعيها 9 مستطيلات.

حطي معلقة كبيرة حشوة في كل مستطيل.

بللي الحواف بشوية مياه، ولفّيها مثلثات.

رصيها في صينية عليها ورق زبدة.

دخليها الفرن على 204° لمدة 15–20 دقيقة لحد ما تاخد لون دهبي جميل.

قدميها سخنة ومقرمشة.. هتخطف قلب أي حد يتذوقها

                                             الأرز بالخضار .. وجبة صحية متكاملة 

وجبة خفيفة ومشبّعة، تنفع للرجيم وكمان جنب الدجاج المشوي أو الستيك

تكفي: 6 أشخاص

وقت التحضير والطهي: 30 دقيقة تقريباً

المكونات:

1 كوب أرز قصير الحبة

1 كوب ذرة مسلوقة

1 حبة فلفل أخضر مفروم

1 حبة بصل مفروم

2 حبة جزر مقطعة مكعبات صغيرة

1 كوب ونصف ماء

1 ملعقة كبيرة زيت نباتي

نصف ملعقة صغيرة ملح

طريقة التحضير:

سخّني الزيت في قدر غير لاصق، وأضيفي البصل وقلّبيه لحد ما يذبل ويصير شفاف.

أضيفي الجزر والفلفل الأخضر وقلّبي لحد ما يطروا.

اسلقي الأرز في الماء مع الملح لحد ما يستوي ويكون مفلفل.

أضيفي الذرة على خليط الخضار، وبعدها اخلطيهم مع الأرز.

قدميه سخن، وبالهنا والشفا

                                                       أومليت بيض بالبطاطس

أومليت بيض بالبطاطس

أحلى فطار شهي وسهل في 20 دقيقة بس! 

الأومليت بالبطاطس طعمه تحفة وهيعجب الكل

وقت التحضير: 20 دقيقة

يكفي لـ 3 أشخاص

المكونات:

3 معالق كبار زيت

2

نص حبة فلفل رومي أخضر (مقطع صغير)

6 بيضات

ربع كوب حليب

¾ كوب جبنة شيدر مبشورة

ملح + فلفل أسود حسب الرغبة

طريقة التحضير:

سخّني الزيت في طاسة غير لاصقة على نار عالية.

ضيفي البطاطس والفلفل، وقلبيهم 5 دقايق لحد ما البطاطس تستوي.

في بولة، اخفقي البيض مع الحليب والملح والفلفل.

صبي خليط البيض على البطاطس.

غطي الطاسة وخففي النار، وسيبيه 8 دقايق لحد ما البيض ينضج.

رشّي الجبنة وغطيها لحد ما تسيح.

قطعيها مثلثات وقدميها سخنة.

                                               طريقة عمل الشكشوكة المصرية الأصيلة

لشكشوكة من الأكلات الشعبية اللي واخدة مكان مميز على سفرة الفطار المصري. طعمها سهل وبسيط لكن بيخطف القلب، خصوصًا مع عيش بلدي سخن.

المكونات:

بصلة متوسطة مفرومة

4 بيضات

2 طماطم مقطعة صغير

4 فصوص ثوم مهروس

فلفل رومي (اختياري)

رشة كزبرة ناشفة

ملح + فلفل أسود

شوية زيت للتحمير

الطريقة:

في طاسة، سخني الزيت وحطي الثوم المهروس، بعدين البصل وقلبيه لحد ما يصفر.

ضيفي الطماطم والملح والكزبرة وقلبيهم كويس (ولو عايزة زودي فلفل رومي).

اكسرّي البيض فوق الخليط ورشي الفلفل الأسود. قلبي لحد ما يستوي على مزاجك.

قدمي الشكشوكة سخنة مع عيش بلدي طازة.

بسيطة.. سريعة.. مصرية على أصولها!

                                                          فتة الباذنجان بالزبادي

طبق شامي – مصري منعش، خفيف وفي نفس الوقت مشبع.. بيجمع بين قرمشة العيش، وطراوة الباذنجان، وكريمية الزبادي.

المكونات:

1

رغيف عيش بلدي أو شامي، مقطع ومحمص أو مقلي

2 كوب زبادي بلدي

2 فص ثوم مهروس

عصير ½ ليمونة

1 ملعقة صغيرة طحينة (اختياري – بتدي غنى في الطعم)

رشة ملح + رشة كمون

زيت للقلي

صنوبر أو لوز محمص للتزيين (اختياري)

رشة بابريكا أو شطة

طريقة التحضير:

اقلي مكعبات الباذنجان في زيت سخن لحد ما تاخد لون دهبي، وصفيها على ورق مطبخ.

حمّصي أو اقلي قطع العيش لحد ما تبقى مقرمشة.

اخلطي الزبادي مع الثوم والليمون والملح والطحينة والكمون لحد ما يبقى قوامه ناعم ومتجانس.

للتقديم:

حطي طبقة العيش في قاع الطبق.

وزعي فوقها الباذنجان.

صبّي خليط الزبادي.

زيني برشة بابريكا أو شطة، ومعاها صنوبر أو لوز محمص.

لمسة الشيف:

سخني معلقة سمنة صغيرة مع فص توم مهروس لحد ما يتحمّر خفيف، وصبّيها على الوش قبل التقديم.. هتدي نكهة مدخنة تحفة

                                                        كبسة لسان العصفور

جربوا كبسة لسان العصفور بوصفة سهلة وغنية بالطعم الشرقي الأصيل!

تكفي: 4 أشخاص

وقت التحضير: 20 دقيقة

وقت الطهي: 1 ساعة

المجموع: 1 ساعة و20 دقيقة

السعرات الحرارية: 269 سعرة لكل حصة

المقادير

3 أكواب معكرونة لسان عصفور

2 بصلة مفرومة

650 جرام لحم مقطّع مكعبات

3 ملعقة كبيرة صلصة طماطم

2 ملعقة كبيرة بهارات كبسة

2 ملعقة صغيرة ملح

1 ملعقة صغيرة فلفل أسود

2 لومي (ليمون مجفف)

2 عود قرفة

2 ورق غار

2 كوب مرق لحم

3 ملعقة كبيرة زيت زيتون

كوب زبيب

صنوبر مقلي (حسب الرغبة)

1 ملعقة كبيرة بقدونس مفروم

طريقة التحضير

في قدر على نار متوسطة، سخني الزيت وأضيفي لسان العصفور وقلبيه حتى يكتسب لونًا ذهبيًا، ثم ارفعيه

في نفس القدر ضعي اللحم وقلبيه حتى يتغير لونه، ثم أضيفي البصل وقلبيه حتى يذبل.

أضيفي الصلصة، البهارات، الملح، الفلفل، اللومي، القرفة، ورق الغار، المرق، الزبيب ولسان العصفور.

غطي القدر وخففي النار واتركي المكونات حتى تنضج تمامًا.

قدمي الكبسة ساخنة، وزينيها بالبقدونس والصنوبر.

نصيحة

استخدمي لحم قليل الدهن للحصول على طبق صحي أكثر.