17 وصفة سحور رمضان مشبعة وخفيفة | أفكار سحور سهلة وسريعة تمنع الجوع والعطش

                                                         فول بالطحينة الكريمي

المكونات:

• ٢ كوب فول مدمس سخن

• ٢ معلقة كبيرة طحينة

• ١ معلقة كبيرة زيت

• ١ معلقة صغيرة خل أو عصير ليمون

• رشة ملح بسيطة

• شوية بقدونس مفروم (اختياري)

• شوية ميه سخنة للتخفيف

⸻

الطريقة:

1. في كوباية أو طبق صغير، حط الطحينة، الزيت، الخل أو عصير الليمون، والملح.

2. ضيف شوية ميه سخنة بالتدريج، وقلّب كويس جدًا لحد ما القوام يبقى خفيف وسايب شوية (مش تقيل).

3. لو حبيت، ضيف معلقة بقدونس مفروم

4. سخّن الفول كويس في طبق على النار.

5. نزل بخليط الطحينة على الفول، وقلّبهم مع بعض على نار هادية لمدة دقيقتين.

6. اطفي النار وقدّمه سخن، ومعاه عيش بلدي ومخلل، واستمتع بأحلى طعم فول بالكريمية بتاعة الطحينة

                                                                 تدميس الفول

المقادير:

½ كيلو فول بلدي ناشف

ماء مغلي

1 جزرة صغيرة

1 طماطم صغيرة

1 بصلة صغيرة (اختياري)

1 ملعقة صغيرة عدس أصفر (اختياري بس بتسرّع التسوية)

الطريقة:

نغسل

نصفيه ونحطه في القدْر أو الدماسة.

نضيف الجزر والطماطم والبصلة والعدس.

نغطيه بمياه مغلية حوالي 5 سم فوق الفول.

نسيبه على نار هادية جدًا من 4 لـ 6 ساعات، وكل ما الميه تقل نزود مياه مغلية.

لما يستوي ويبقى مهري وطري، نشيله من على النار.

ملاحظات مهمة:

ما تحطيش ملح غير بعد ما يستوي عشان ما يقسّيش.

لو عندك حلة ضغط: يستوي في حوالي ساعة ونص.

تشيلي الجزر والطماطم بعد التسوية لو حابة فول

الوصف: ده بقى فطار ملوك 

… فول متسبك مع بسطرمة وبعدين البيض ينزل عليه… الصفار سايح والريحة تفتح النفس 

المكونات

2 كوب فول مسلوق

150–200 جم بسطرمة (شرائح أو مكعبات)

1 بصلة صغيرة (اختياري)

1 طماطم مبشورة أو ملعقة صلصة (اختياري)

2–3 بيضات 

سمنة أو زيت

كمون + فلفل أسود

(اختياري): رشة شطة

للتزيين: بقدونس

التحضير خطوة بخطوة

في طاسة عميقة حط نقطة سمنة.

(اختياري) شوّح بصلة لحد ما تصفر.

نزل البسطرمة وقلّبها دقيقة–دقيقتين بس… هتطلع ريحتها وتسيب دهنها 

لو هتستخدم طماطم/صلصة: حطها وسيبها تتسبك 3–5 دقايق.

نزل الفول وقلّب كويس، وزود شوية

تبّل: كمون + فلفل (وخلي بالك الملح… البسطرمة مالحة أصلًا).

اعمل “حفر” صغيرة في الفول بالمعلقة.

اكسر البيض جوه الحفر.

غطي الطاسة على نار هادية 5–8 دقايق لحد ما البيض يستوي زي ما تحب:

صفار سايح: سيبه أقل

مستوي: سيبه أكتر

رش بقدونس وقدّم 

سر النجاح: نار هادية + غطا… البيض يستوي من فوق من غير ما يتحرق من تحت