أفكار مقبلات رمضان سهلة وسريعة تزيّن سفرتك بأقل تكلفة
في بولة، اضغطي الثوم والكراث المشويين لحد ما يطلعوا من القشرة، وضيفي عليهم الزبدة، الميسو، رقائق الشطة، الملح، والفلفل، وقلّبيهم كويس لحد ما الخليط يبقى ناعم ومتجانس.
قطّعي الرغيف بالطول، وادهني عليه خليط الزبدة بسخاء (ممكن تعملي شقوق في العيش علشان الزبدة تدخل جواه كويس). بعد كده، رشي عليه الجبنة، وادخليه الفرن على 180 درجة مئوية لمدة 15-20 دقيقة لحد ما يتحمص ويبقى لونه ذهبي ومقرمش (خلي بالك علشان ما يتحرقش).
أول ما يطلع، رشي عليه البقدونس، وقطّعيه وقدميه
الفاهيتا
الفاهيتا
المقادير:
• 2 صدور دجاج مقطعة شرائح رفيعة
• 1 فلفل ألوان (أحمر، أصفر، أخضر) مقطع شرائح
• 1 بصلة متوسطة مقطعة شرائح
• 2 فص ثوم مفروم
• 2 ملعقة كبيرة زيت زيتون
• 1 ملعقة صغيرة بابريكا
• ½ ملعقة صغيرة كمون
• ½ ملعقة صغيرة كزبرة ناشفة
• ½ ملعقة صغيرة ملح
• ¼ ملعقة صغيرة فلفل أسود
• عصير ½ ليمونة
طريقة التحضير:
في طاسة سخنة على نار عالية، حطّي زيت الزيتون، ونزّلي الدجاج وقلّبيه لحد ما يبدأ ياخد لون. ضيفي الثوم والبصل وقلّبيهم شوية، وبعدها ضيفي الفلفل الألوان والتوابل كلها، وكملي التقليب لحد ما الدجاج يستوي والفلفل يبقى طري بس لسه مقرمش.
في آخر خطوة، طفي النار، وضيفي عصير الليمون وقلّبي كويس. قدّميها سخنة مع خبز التورتيلا أو كطبق جانبي خفيف مع أي وجبة
طريقة تخليل اللفت
طريقة تخليل اللفت
أول حاجة، علشان اللفت يطلع حلو، دايمًا اختاري اللفت التقيل والناشف، والحجم يكون متوسط مش كبير، لأن الكبير بيكون شايخ من جوه.
المقادير:
• 1 كيلو لفت
• 2 ملعقة كبيرة خل
• 1 ملعقة كبيرة سكر
• 2 ملعقة
• 1 لتر ماء مغلي ومبرد
• بنجر مقطع مكعبات صغيرة
الطريقة:
هنغسل اللفت كويس جدًا ونشيل أي شوائب من القشرة، وبعد كده نقطعه بالشكل اللي تحبيه. في طبق واسع، هنخلط لتر الماء الدافئ (المغلي والمبرد) مع الخل، الملح، والسكر، ونقلبهم كويس.
نجيب برطمان إزاز نضيف (مش بلاستيك)، ونبدأ نحط طبقة من البنجر المقطع، وبعدها طبقة من اللفت، ونكرر الطبقات لحد ما نملأ البرطمان، وننهي بطبقة من البنجر في الآخر.
نضيف محلول التخليل اللي جهزناه، ولو احتاج شوية مياه نزود لحد ما البرطمان يتملي للآخر. نقفل الغطاء كويس ونسيبه في مكان دافئ لمدة 5 - 6 أيام.
لما نفتح البرطمان، ناخد منه بمعلقة نضيفة علشان يفضل محافظ على طعمه. الطريقة دي هتخلي اللفت يفضل بلونه الوردي الجميل، من غير ما يسود أو يتهري، وهيطلع مقرمش ولذيذ جدًا.
كرات البطاطس بالجبنة
كرات البطاطس بالجبنة
المقادير:
• 4 حبات بطاطس كبيرة مسلوقة ومهروسة
• 1 كوب جبنة موتزاريلا أو شيدر مبشورة
• 2 فص ثوم مهروس
• 2 بيضة مخفوقة
• 1.5 كوب بقسماط مطحون
• ½ ملعقة صغيرة ملح
• ½ ملعقة صغيرة فلفل أسود
• زيت للقلي
طريقة التحضير:
اخلطي البطاطس المهروسة مع الثوم، الملح، والفلفل الأسود كويس لحد ما تبقى عجينة متماسكة.
شكّلي كرات متوسطة الحجم، واعملي تجويف بسيط في كل كرة، وحطي شوية جبنة في النص، وبعدها اقفليها كويس.
غمّسي الكرات في البيض المخفوق، وبعدها غلّفيها بالبقسماط كويس لحد ما تتغطى تمامًا.
سخّني زيت غزير على نار عالية، ولما يسخن كويس، وطّي النار شوية واقلي الكرات لمدة 3 دقائق أو لحد ما تاخد لون ذهبي مقرمش.
طلّعيها على مناديل مطبخ تتصفى، وقدميها سخنة.
خيار مخلل
خيار
المقادير:
• كيلو خيار صغير الحجم
• 4 معالق كبيرة ملح
• نصف كوب خل
• 5 فصوص ثوم
• ٤ أكواب ماء (بحسب حجم البرطمان)
طريقة التحضير:
1. في حلة على النار، سخني الماء مع الخل والملح لحد ما يغلي.
2. بعد الغليان، ارفعي الحلة عن النار وضيفي الخيار وفصوص الثوم.
3. غطي الحلة واتركيها لحد ما تبرد تمامًا.
4. بعد ما تبرد، عبي الماء والخيار والثوم في برطمان محكم الغلق.
5. سيبي البرطمان لمدة يومين في مكان بارد لحد ما يستوي وبالهنا والشفا.
المكدوس
المكدوس
المقادير:
• كيلو باذنجان صغير الحجم (خاص للمكدوس)
• كوب فلفل أحمر مقطع قطع صغيرة
• 2 معلقه كبار ملح
• كمية من زيت الزيتون (لملي البرطمان)
• كوب عين جمل مقطع قطع صغيرة
• 4 فصوص ثوم مهروسين
• شطة حمراء حسب الرغبة
طريقة التحضير:
1. تحضير الباذنجان:
• شيل را س الباذنجان باليد واغسليه كويس.
• حطي الباذنجان في حلة فيها مياه على النار وضيفي معلقه صغيرة ملح.
• سيبيه يغلي لمدة 10-15 دقيقة.
• صفيه من المياه، وبعد كده اشقيه من النصف فقط.
• ضيفي شوية ملح في قلب الباذنجان، وحطيه في مصفى، غطيه وسيبيه ليلة كاملة لحد ما يتصفر.
2. تحضير الحشوة:
• امزجي الثوم المفروم مع عين الجمل والفلفل الأحمر.
• ضيفي شوية ملح وشطة حمراء حسب رغبتك.
3. التعبئة:
• حطي كمية مناسبة من الخلطة في كل حبة باذنجان.
• رصي حبات الباذنجان المحشوة في برطمان زجاجي.
• اقلب البرطمان على طبق وسيبيه لمدة يوم علشان يتصفى من المياه الزائدة.
4. التخزين:
• بعد ما يتصفى، عدلي البرطمان وصبي زيت الزيتون بحيث يغطي حبات الباذنجان.
• قفلي البرطمان كويس وسيبيه لمدة أسبوعين قبل ما تبدأي تأكليه
باتون ساليه
المقادير:
• نصف كيلو دقيق (2 كوب ونصف)
• كوب إلا ربع ماء
• 1 ملعقة كبيرة ممسوحة خميرة
• 1 ملعقة كبيرة ممسوحة ملح
• 3 ملاعق كبار زيت
التلميع:
• 3 ملاعق كبار زبدة
• 1 بيضة
• 1 بيضة أخرى
• باكو فانيليا
• 1 ملعقة كبيرة حبة البركة او كمون حبوب
• رشة ملح
طريقة التحضير:
1. في حلة على النار دفي الماء مع الزيت، ثم أضيفي الدقيق والملح والخميرة والكمون والزبدة والبيضة واخفقيهم كويس.
2. أضيفي الماء والزيت بالتدريج واعجنيها بإيدك، ثم غطيها واتركيها ترتاح لمدة 30 دقيقة.
3. بعد ما ترتاح، افردي العجينة على شكل مربع وقطعيها أصابع، ثم برميها على شكل رول رفيع وامسحي الحروف الزيادة.
4. في طبق صغير، امزجي البيض مع الملح والفانيليا واخفقيهم.
5. دهنى صينية بالزيت وامسحيها بمناديل مطبخ عشان ما تحترقش الباتون ساليه من تحت.
6. رصي الأصابع في الصينية، وامسحيها بالبيض باستخدام فرشاة، ثم رشي عليها كمون أو سمسم أو حبة البركة حسب الرغبة.
7. اتركيها في مكان دافي تخمر لمدة ساعة على الأقل.
8. أدخلي الصينية الفرن على درجة حرارة 200 لمدة 25 دقيقة.
جمبري بانيه
جمبري بانيه
المقادير:
• 600 جرام جمبري
• 3 بيضات
• 2 كوب بقسماط
• ½ كوب ماء
• ½ كوب دقيق
• رشة فلفل أسود
• رشة ملح
• رشة ثوم بودرة
طريقة التحضير:
1. في طبق، ضعي البيض واخفقيه بالمضرب اليدوي، ثم أضيفي الدقيق والماء واخفقي مرة أخرى حتى يتجانس المزيج.
2. في طبق آخر، ضعي البقسماط وأضيفي عليه الملح والفلفل والثوم البودرة وقلبيهم جيدًا.
3. اغسلي الجمبري جيدًا، ثم اغمسِه أولاً في مزيج البيض من جميع الجهات، ثم في البقسماط.
4. رصي حبات الجمبري في طبق وأدخليه الفريزر لمدة نصف ساعة.
5. سخني زيت غزير في
سلطة السيزر
سلطة السيزر
المقادير:
• صدر فراخ متشوح ومقطع بالطول
• رشة ملح
• رشة فلفل أسود
• فصين ثوم مفرومين
• كابوتشي مقطع
• جبنة شيدر أو بارميزان مبشورة
• 5 معالق كبيرة مايونيز
• ملعقة كبيرة خل
• رغيفين خبز محمص
طريقة التحضير:
في طبق صغير، نضيف المايونيز وملعقة الخل والثوم ونخلطهم كويس لحد ما الخليط يبقى متجانس. في طبق تاني، نحط الكابوتشي وقطع صدور الفراخ، ونضيف نصف كمية الخبز المحمص. بعدين، نضيف كمية من خليط المايونيز والخل، وأخيرًا نرش عليها الجبنة المبشورة..
