أفكار مقبلات رمضان سهلة وسريعة تزيّن سفرتك بأقل تكلفة
سبرينج رول بالخضار مع صوص الشيلي الحار
سبرينج رول بالخضار مع صوص الشيلي الحار
المقادير:
• 5 ورقات سبرينج رول جاهزة
• 1 كوب جزر مبشور
• 1 كوب كرنب (كابوتشي) مفروم
• 1/2 كوب فطر مقطع (اختياري)
• 1/2 كوب لحم مفروم أو دجاج مفروم (اختياري)
• 2 فص ثوم مفروم
• 1 ملعقة صغيرة زنجبيل مفروم
• 2 ملعقة كبيرة صويا صوص
• 1 ملعقة صغيرة زيت سمسم
• 1/2 كوب صوص شيلي حار
• زيت للقلي
طريقة التحضير:
1. في مقلاة على نار متوسطة، سخني شوية زيت، ثم أضيفي الثوم والزنجبيل وقلبيهم لحد ما الريحة تطلع.
2. ضيفي الجزر والكرنب والفطر، وقلبيهم مع بعض لحد ما الخضار يطرى شوية.
3. لو حابة تضيفي لحم أو دجاج، ضيفيهم واتركيهم لحد ما يستووا.
4. أضيفي الصويا صوص وزيت السمسم وقلبي الخليط كويس لحد ما يتجانس.
5. استخدمي ورق السبرينج رول، وحطي حشوة الخضار في المنتصف، ثم لفي الورقة بإحكام.
6. سخني الزيت في مقلاة عميقة، وقلي السبرينج رول لحد ما يبقوا دهبيين ومقرمشين.
7. قدميهم مع صوص الشيلي الحار
الكبة الشامية
الكبة الشامية
المقادير:
• 200 جرام برغل ناعم
• 400 جرام لحم مفروم خالي من الدهن
• 3 بصلات: واحدة صغيرة واثنين وسط
• رشة ملح
• 1 ملعقة صغيرة بابريكا
• 1 ملعقة صغيرة زعتر ناشف
• 1/2 ملعقة صغيرة قرفة
• ذرة جوزة الطيب
• 1 ملعقة صغيرة فلفل أسود
• 1/2 ملعقة صغيرة كزبرة ناشفة مطحونة
طريقة التحضير:
1. نغسل البرغل ونضيف عليه كوب ماء ساخن، ونغطيه ونتركه منقوع لمدة ساعة.
2. باستخدام المفرمة، نفرم البرغل مع 200 جرام من اللحم المفروم مرة كمان مع البصلة الصغيرة. نخلطهم جيدًا.
3.
4. في طاسة على النار، نضيف شوية زيت، ونفرم البصلتين الوسطى ونقلبهم لحد ما يدبلوا.
5. نضيف 200 جرام لحم مفروم ونضيف ملح وفلفل أسود.
6. نخلط كل المكونات مع بعض، ونشكل الخليط على شكل كرات أو أصابع كبة.
7. نقليها في زيت غزير حامي لحد ما تتحمر ويكون لونها ذهبي
الكورن دوج
الكورن دوج
الكورن دوج الكوري من أشهر السناكس اللي بقت منتشرة في الشارع، ومميز بطعمه المقرمش من بره والمليان جبنة أو هوت دوج من جوه. جربيه بالطريقة الأصلية دي هيعجب كل اللي يجربه
المكونات:
• 4 قطع هوت دوج أو قطع جبنة موزاريلا مستطيلة
• 1 كوب دقيق
• 2 ملعقة كبيرة سكر
• 1 ملعقة صغيرة بيكنج بودر
• 1/4 ملعقة صغيرة ملح
• 3/4 كوب حليب دافئ
• 1 بيضة
• 1 كوب بقسماط (بانكو ياباني أو عادي)
• 1/2 كوب كورن فليكس مجروش (اختياري للقرمشة)
• زيت للقلي
• أسياخ خشبية
طريقة التحضير:
في وعاء، اخلطي الدقيق مع السكر، البيكنج بودر، والملح. أضيفي البيضة والحليب تدريجياً، وقلبي لحد ما يكون عندك خليط سميك ومتجانس. سيبي العجينة ترتاح 10 دقائق.
اغرزي كل قطعة هوت دوج أو جبنة في سيخ خشبي. بعد كده، غطيها بالعجينة كويس، ولفيها في البقسماط والكورن فليكس لو حابة. اضغطي عليها شوية عشان الطبقة الخارجية تلزق كويس.
سخني الزيت على نار متوسطة، واقلي الكورن دوج لحد ما يبقى لونه دهبي ومقرمش. طلعيه على ورق مطبخ عشان يشرب الزيت الزايد.
قدميه سخن مع كاتشب ومستردة، واستمتعي بأحلى قرمشة.
المشروم
المشروم المقرمش
المقادير:
• 2 كوب مشروم طازة ومنظف كويس
• 1 كوب دقيق
• 1/4 كوب نشا
• 1/4 ملعقة صغيرة بيكنج بودر
• 1/4 ملعقة صغيرة ملح
• رشة فلفل أسود
• 1 كوب ماء
• 2 كوب بقسماط مطحون
طريقة التحضير:
1. في طبق كبير، نخلط الدقيق مع البيكنج بودر والنشا والملح والفلفل الأسود.
2. نضيف الماء تدريجيًا للخليط ونقلب لحد ما يتجانس.
3. نغمس حبات المشروم في خليط الدقيق والنشا، وبعد كده في البقسماط المطحون.
4. نقلي المشروم في زيت غزير حامي لحد ما يتحمر ويقرمش.
5. نقدمه ساخن مع الصوص المفضل
سمبوسة بالخضار
سمبوسة بالخضار
المقادير:
• باكيت سمبوسة
• بصلة صغيرة مفرومة
• 1 ملعقة كبيرة زيت نباتي
• 1/2 كوب بسلة
• حبة جزر مبشورة
• حبة بطاطس مسلوقة ومقشرة ومفرومة مكعبات صغيرة
• عود بصل أخضر مفروم
• 1 ملعقة صغيرة بودرة كاري
• 1/4 ملعقة صغيرة ملح
• 1/4 ملعقة صغيرة فلفل أسود
طريقة التحضير:
1. سخني الزيت في حلة على نار متوسطة، ثم أضيفي البصل المفروم والجزر المبشور، وقلبي لمدة 5 دقائق لحد ما البصل يذبل.
2. أضيفي البصل الأخضر والكاري والملح والفلفل، وقلبي لمدة 5 دقائق كمان.
3. أضيفي البسلة والبطاطس، وقلبي لمدة 10 دقائق لحد ما الخضار يستوي.
4. احشي رقائق عجينة السمبوسة بكميات مناسبة من الحشوة، ثم لفيها على شكل مثلثات.
5. دهن مثلثات السمبوسة بالزيت النباتي، وادخليها الفرن الساخن على درجة حرارة 180 درجة لمدة 20 دقيقة، مع تقليب السمبوسة لحد ما تتحمر وتقرمش.
6. قدميها ساخنة
الباذنجان المقلي
الباذنجان
المقادير:
• 1/2 كيلو باذنجان صغير الحجم
• 4 فلفل حار
• 5 فصوص ثوم
• 1 ملعقة كبيرة كمون ناعم
• 1 ملعقة صغيرة شطة خشنه
• 1/4 كوب كزبرة خضراء مفرومة
• 2 ملعقتين كبار خل
• 2 ملعقتين كبار عصير ليمون
• ملح حسب الرغبة
طريقة التحضير:
1. نغسل الباذنجان جيدًا ونتركه ينشف تمامًا، ثم نشقه من النصف ونرشه بشوية ملح، سيبيه 10 دقايق علشان يطلع منه المية.
2. نقليه في زيت سخن على نار متوسطة، ونقلب لحد ما يدبل ويأخذ لون ذهبي. نصيحة: استخدم زيت غزير علشان الباذنجان ياخد لون حلو ويقرمش.
3. لتحضير التتبيلة، نفرم الفلفل الأحمر الحار مع الثوم، الكمون، الملح والشطة في الكبة لحد ما يتحول لعجينة.
4. نضيف الخل وعصير الليمون والكزبرة المفرومة، ونفرمهم تاني لحد ما يصبح الخليط ناعم جدًا.
5. نرفع الباذنجان عن النار ونضعه على مناديل ورقية لامتصاص الزيت الزائد.
6. نرص الباذنجان في طبق التقديم ونحشيه بالتتبيلة الحارة.
سلطة الحمص بالخضار
سلطة الحمص بالخضار
المقادير:
• 1 كوب حمص مسلوق ومتصفى كويس
• حبة طماطم مفرومة
• حبة خيار مفرومة
• عود بصل أخضر مفروم ناعم
• 1/4 كوب بقدونس مفروم
• 2 ملعقة كبيرة نعناع فريش مفروم
• 3 معالق كبيرة عصير ليمون
• 1/2 ملعقة صغيرة ملح
• 1/4 ملعقة صغيرة كمون
• 1 ملعقة كبيرة زيت زيتون
طريقة التحضير:
1. في طبق كبير، نخلط الطماطم والخيار والحمص والبصل الأخضر.
2. نضيف البقدونس والنعناع المفرومين.
3. نتبلهم بالملح والكمون وعصير الليمون.
4. نضيف زيت الزيتون ونقلب كويس لحد ما المكونات تتجانس.
5. نقدمها في طبق التقديم.
نصيحة: ممكن تضيف شوية فلفل أسود أو شوية من دبس الرمان على الوصفة عشان تعطيها طعم مميز أكتر.
سلطة التبولة
المقادير:
• 1/2 كوب برغل
• 1/2 كوب بقدونس مفروم
• 1/4 كوب نعناع مفروم
• 1/2 كوب بصل مفروم
• حبة طماطم كبيرة مقطعة لقطع صغيرة
• 1/4 كوب عصير ليمون
• 5 معالق كبيرة زيت زيتون
• ملح وفلفل حسب الذوق
طريقة التحضير:
1. أول حاجة، هننقع البرغل في ماء ساخن لمدة ساعتين، وبعدها نصفيه كويس ونسيبه على جنب.
2. في طبق تقديم، نخلط البقدونس والنعناع والبصل والطماطم.
3. في كوب صغير، نخلط عصير الليمون مع زيت الزيتون والملح والفلفل.
4. نتبل التبولة بالخليط ده ونتأكد إنها متبلة كويس.
5. نزينها بشرائح الخس والليمون وبعدين نقدمها.
نصيحة: لو حابب الطعم يكون أكتر انتعاش، ممكن تضيف شوية من قشر الليمون المبشور مع العصير.
