أفكار مقبلات رمضان سهلة وسريعة تزيّن سفرتك بأقل تكلفة
الثومية بالطريقة الأصلية
الثومية بالطريقة الأصلية
المكونات:
كوب ماء
2 معلقة كبيرة نشا
2 أو 3 فص ثوم مفروم (معلقة كبيرة)
معلقة صغيرة خل أبيض
2 معلقة كبيرة عصير ليمون
3 معلقة كبيرة حليب
2 ملعقة كبيرة مايونيز (البديل نصف علبة زبادي)
ربع كوب زيت
نصف معلقة صغيرة ملح
طريقة التحضير:
- في حلة ندوب النشا مع كوب الماء على البارد.
- نحط الحلة النار ونقلب كويس لحد ما الخليط يغلي ويبقى تقيل ونسيبها لمدة ساعة لحد ما تبرد خالص.
- في الخلاط أو الكبة نضيف الثوم المفروم والحليب والمايونيز أو الزبادي ونضربهم كويس جداً وبعدين ننزل بخليط النشا ونضيف الملح والزيت والخل وعصير الليمون ونضربهم كويس لحد ما الثومية تنعم وقوامها يبقى تقيل وبعدين نحطها في الثلاجة لحين الاستخدام.
سلطة الزبادي
سلطة الزبادي
المكونات :
50” جرام زبادي
3 فصوص ثوم مفرومين
معلقه صغيره نعناع ناشف
4 او 5 خيار مبشور (نعصره ونصفيه من المياه )
زيت زيتون حسب الرغبه
معلقه صغيره ملح
معلقه صغيره فلفل اسود
طريقة التحضير :
- في بوله نضيف الزبادي مع الثوم والنعناع الناشف والخيار المبشور والملح والفلفل الاسود ونقلبهم مع بعض كويس وندخلها الثلاجة لمدة ساعة قبل التقديم.
- نغرف سلطة الزبادي في طبق التقديم ونزينها بنعناع فريش وزيت زيتون.
باذنجان مخلل مسلوق
باذنجان مخلل مسلوق
المقادير:
• 1 كيلو باذنجان صغير الحجم
• حبة طماطم مقطعة مكعبات
• 3/4 كوب خل
• 3 قرون فلفل أخضر مفروم
• رأس ثوم مفروم
• 3 قرون فلفل أحمر مفروم
• 4 معالق كبار ملح
• 4 حبات ليمون
• 2 معالق كمون ناعم
• 1 كوب كزبرة خضراء مفرومة
طريقة التحضير:
1. نغسل الباذنجان كويس، ونشيل الرا س باليد من غير ما نفتح الباذنجان عشان ما يسودش.
2. نجيب حلة كبيرة ونحط فيها مياه لحد ما تغلي، نضيف عليها معلقة كبيرة ملح، معلقة كبيرة خل، وحبة ليمونة (وممكن تضيف شرائح بنجر لو حابب اللون يبقى موف).
3. ننزل بالباذنجان في المياه لحد ما يستوي ولونه يتغير، لكن لازم نراقب الوقت عشان ما يتهريش.
4. نرفع الباذنجان
5. لتحضير الحشوة: نخلط الثوم مع الطماطم والفلفل الأحمر والأخضر والكزبرة والملح والكمون والخل، ونقلبهم كويس.
6. بعد تصفية الباذنجان، نفتح كل حبة من النصف ونحشيها بالحشوة.
7. نرص الباذنجان في وعاء بلاستيك، نضيف عليه كوبين من ماء السلق، عصير الليمون، وباقي الحشوة.
8. نضيف شوية زيت حسب الرغبة، ونغطيه ونحفظه في التلاجة.
أصابع الجلاش باللحمة المفرومة
أصابع الجلاش باللحمة المفرومة
المقادير:
• 1 باكيت جلاش (حوالي 20 ورقة)
• 500 جرام لحمة مفرومة
• 1 بصلة متوسطة مفرومة ناعم
• 2 فص ثوم مهروس
• 2 معلقة كبيرة زيت نباتي
• 1 معلقة صغيرة بهارات لحم
• 1 معلقة صغيرة كمون
• 1/2 معلقة صغيرة فلفل أسود
• ملح حسب الرغبة
• 1/4 كوب شبت مفروم (اختياري)
• 2 معلقة كبيرة سمن أو زبدة ذائبة
• 1 بيضة (لدهان الجلاش)
طريقة التحضير:
1. تحضير الحشوة:
• في طاسة على نار متوسطة، سخن الزيت وأضف البصل المفروم وقلّبه لحد ما يدبل ويبدأ لونه يبقى ذهبي.
• أضف الثوم المهروس وقلّب لمدة دقيقة.
• أضف اللحمة المفرومة، وقلبها لحد ما تستوي تمامًا وتخلص من أي سوائل.
• بهّر اللحمة بالبهارات (الكمون، الفلفل الأسود، وبهارات اللحم) واضبط الملح حسب الرغبة.
• لو حابب، أضف الشبت المفروم في الآخر وقلبه مع اللحمة.
• اترك الحشوة تبرد تمامًا قبل ما تحشي الجلاش.
2. تحضير أصابع الجلاش:
• افرد ورقة جلاش على سطح نظيف وادهنا بشوية سمن أو زبدة ذائبة باستخدام فرشة.
• ضع فوقها ورقة جلاش ثانية وادهنا برضه.
• في طرف الورقتين، ضع كمية مناسبة من الحشوة (حوالي 2-3 ملاعق كبيرة) على طول الحافة.
• لُف الجلاش على شكل أصابع طويلة واثبت الأطراف كويس علشان الحشوة ما تطلعش بره.
• بعد لف الأصابع، ادهنا وجه الجلاش ببيضة مخفوقة علشان تعطيه لون ذهبي وتحمره في الفرن.
3. الطهي:
• سخن الفرن على درجة حرارة 180 درجة مئوية.
• ضع أصابع الجلاش على صينية مغطاة بورق الزبدة.
• دخلها الفرن لمدة 25-30 دقيقة أو لحد ما تطلع ذهبية ومقرمشة.
نصيحة: لو حابب طعم أغنى، يمكن إضافة شوية جبنة مبشورة مع اللحمة، زي الشيدر أو الموزاريلا.
سلطة الطحينة
سلطة الطحينة
المكونات:
كوب طحينة
2 فص ثوم مهروس
رشة ( ملح /فلفل أسود/ كمون/ كزبرة/ جوزة الطيب)
عصير
3 معلقة كبيرة خل أبيض
ماء ساخن حسب الحاجة
الخطوات :-
- في طبق نضيف الطحينة والثوم المهروس مع الملح وباقي التوابل
ونقلب باستخدام مضرب سلك يدوي وننزل بشوية ماء ونكمل تقليب ونضيف عصير الليمون مع التحريك المستمر لحد ما المكونات تتجانس
نضيف الماء حسب الحاجة لحد ما نحصل على القوام المطلوب.
بطاطس كروكيت
بطاطس كروكيت
المقادير:
نصف كيلو بطاطس مسلوقة ومهروسة
بيضة مخفوقة بسيط
ملح وفلفل
معلقة كبيرة بقدونس مفروم ناعم
كوب جبنة موتزاريلا او شيدر ار بارميزان مبشورة
للتغليف:
بيض
دقيق
بقسماط
قليل من الزيت
ملح وفلفل
للزينة:
فلفل الوان
بقدونس مفروم
طريقة التحضير
- اخلطي البطاطس مع البيضة كويس وتبلي بالملح والفلفل الاسود وبعدين ضيفي الجبنة المبشورة والبقدونس وقلبي كويس وشكلي البطاطس.
- في طبق اخفقي بيض التغليف مع معلقة كبيرة ماء وضيفي ملح وفلفل وسيبيه على جنب.
- في طبق تاني اخلطي البقسماط مع الزيت لحد ماتحصلي على قوام مثل رمل البحر المبلول ، ممكن تنكهي البقسماط بالبابريكا او الزعتر او جوزة الطيب او الروز ماري.
- غمسي البطاطس في الدقيق واتخلصي من الدقيق الزياده وبعدين البيض وبعدين غلفيها بالبقسماط.
- رصيها على صينية مبطنة بورق الزبدة، ودخليها الفرن على درجة حرارة 200 لحد ما تاخد لون ذهبي.
بطاطس مهروسة بالثوم والزبدة
بطاطس مهروسة بالثوم والزبدة
المقادير:
4 حبات بطاطس مسلوقه ومبشورة
معلقة صغيرة ملح
ربع كوب حليب
3 فصوص ثوم مهروس
4 معالق كبار زبدة
بقدونس مفروم للتزيين
طريقه التحضير:
- نهرس البطاطس مع الزبدة والحليب في طبق لحد ما الخليط يبقي ناعم ومتجانس وبعدين نضيف الثوم والملح ونقلب كويس
- نغرف البطاطس في طبق التقديم ونوزع فوقها البقدونس المفروم ونقدمها مع اللحمة أو الفراخ المشويه حسب الرغبه.
بطاطس بالمشروم
بطاطس بالمشروم
المقادير:
كيلو بطاطس مقشرة ومقطعة مكعبات
كوب الا ربع دقيق
ملح وفلفل حسب الرغبة
لحشوة المشروم:
ربع كيلو مشروم مقطع ناعم
بصلة متوسطة مفرومة ناعم
2 فص ثوم مفروم ناعم
معلقة
معلقة كبيرة زيت
2 معلقة كبيرة عصير ليمون
ملح وفلفل حسب الرغبة
رشة شطة
طريقة التحضير:
- نضيف البطاطس المقطعة في طاسة كبيرة ونغطيها بالماء.
- نسيبها تغلي ونخفف النار ونسيبها على نار خفيفة لحد ما تستوي حوالي 20-30 دقيقة.
- صفيها واهرسيها وتبليها بالملح والفلفل وخليها تبرد أثناء عمل الحشوة:
سخني معلقة كبيرة زيت في طاسة وشوحي البصل لمدة 5 دقائق.
- ضيفي الثوم والمشروم وعصير الليمون والشطة وتبلي بالملح والفلفل حسب الرغبة.
- سويه لمدة ربع تقريبًا أو لحد ما المشروم يبقى طري ومعظم السائل يتبخر ارفعيه عن النار وضيفي الشبت المفروم.
- اخلطي الدقيق مع البطاطس المهروسة وابدأي في التشكيل: خدي كام معلقة كبيرة من العجين وافرديهم شرائح مسطحة.
- ضيفي حوالي معلقة كبيرة من مزيج المشروم في المنتصف، وحطي المزيد من مزيج البطاطس وشكليها على شكل قرص صغير.
- ضيفي شوية زيت في طاسة على نار عالية وبمجرد ما يسخن الزيت ضيفي اقراص البطاطس وسويها على كل وش لمدة دقيقتين او لحد ما تاخد لون ذهبي.
سلطة فاهيتا دجاج
سلطة فاهيتا دجاج
المقادير:
مقادير الصوص:
• كوب زبادي
• 1 معلقة صغيرة بهارات فاهيتا
• 2 معلقة صغيرة عصير ليمون
• 1 معلقة صغيرة بهارات مشكله
• 2 ملعقة صغيرة زيت نباتي
• 1 بصلة مقطعة شرائح
• 2 كوب فلفل ألوان مقطع
• 2 صدر دجاج مقطع شرائح بالطول
• 1 معلقة صغيرة ملح
• 1 معلقة صغيرة فلفل أسود
• 2 كوب خس مقطع
• نصف معلقة شطة بودرة
طريقة التحضير:
1. نسخن الزيت في طاسة على النار، ونضيف صدور الفراخ ونشوحها لحد ما لونها يبقى أبيض.
2. نبهر الفراخ بالملح، الفلفل الأسود، الشطة، بهارات الفاهيتا، والبهارات المشكلة، ونقلب كويس.
3. نضيف البصل والفلفل الألوان ونقلب لحد ما الفراخ تستوي.
4. لتحضير الصوص، نضع الزبادي في طبق ونضيف عصير الليمون، نضربهم بالمضرب اليدوي، ونضيف الماء ونكمل ضربهم لحد ما يتجانسوا.
5. للتقديم، نضع الخس المقطع في الطبق، نضيف الدجاج والخضار، ثم الخبز المحمص المقطع، ونزينه بالصوص.
نصيحة: لو عايز تضيف طعم إضافي، جرب تحمص شوية مكعبات خبز أو تعصر شوية ليمون على السلطة بعد التقديم.
شوربة المشروم بالكريمة
شوربة المشروم بالكريمة
المكونات:
2 ملعقة كبيرة زبدة
1 بصل مفروم ناعم
3 فصوص ثوم مفروم
250 جرام مشروم طازة
2 ملعقة كبيرة دقيق
3 أكواب مرقة (دجاج أو خضار)
1 كوب كريمة طبخ
ملح وفلفل حسب الرغبة
رشة جوزة الطيب (اختياري)
بقدونس مفروم للتزيين
طريقة التحضير:
في حلة على النار سخني معلقتين كبار زبدة، شوحي بصلة مفرومة ناعم لحد ما يبقى لونها شفاف، وضيفي 3 فصوص توم مفروم وقلّبي دقيقة.
بعد كده ضيفي 250 جرام مشروم مقطّع شرائح وقلّبي لحد ما يطرى وينزل مايته.
رشي عليه معلقتين كبار دقيق وقلّبي كويس، وبعد كده صبي 3 كوبايات مرقة بالتدريج مع التقليب المستمر لحد ما القوام يبقى ناعم ومتماسك.
سيبي الخليط يغلي على نار هادية لمدة 10 دقايق، وبعد كده ضيفي كوباية كريمة طبخ وقلّبي وسيبيه 5 دقايق كمان من غير ما تغلي.
في الآخر، ضيفي ملح، فلفل، ورشة جوزة الطيب حسب الرغبة. قدمي الشوربة سخنة وزيّنيها ببقدونس مفروم. لو بتحبيها ناعمة ممكن تضربيها في الخلاط قبل إضافة الكريمة.
أوعي تحطي ملح على السلطة قبل الأكل بفترة كبيرة، لأن الملح هيخلي الخضار يدبل وينزل مايته. ضيفي الملح قبل الأكل على طول علشان تحافظي على الخضار طازة. كمان لو عايزة تدي نكهة مميزة، ضيفي شبت وعصير ليمون وحتة ثوم صغيرة خالص، ده هيدي طعم رهيب للسلطة.
